Vaqoei
sanai als arba’ mia salas ashr
Ovrupalik hayot boshlandi, deganim rost edi.
Milanga kelishimiz bilanoq, birimiz yengil moshinalarni ijaraga
olish idorasiga borib o’zimizga yoqqan moshinani tanladik,
boshqamiz ungacha yo’l-yo’lakay tanavvul qilib ketish uchun
u-bu shirinliklar oldik, uchinchimiz - men esam, bulardan
lazzatlanib bularni kuzatar edim. Milandan Lako di Gardaga
ketyapmiz. Italiyani kuzatib boryapman. Yo’l bo’yidagi har
bir tsement ishlab chiqarish korxonasiyu, oyna tozalovchi
shirkat ko’zimga muzey bo’lib ko’rinadi. So’z bir - Italiya-da!
Yo’l-yo’lakay bir restoranda ital’yan ovqatidan ham tatib
boqdik. Toshkentda moshinaga o’tirib olib Anhor bo’ylariga
lag’monlarga borib yurar edik - xuddi shundan ekan - atrofida
moshina mindi-mindi. O’zimizning xamir ovqatlardan ekan, undan
ham lazzatlandik.
Xullasi kalom, kunning yarmida adashib-sudashib
bir eski shaharchaga kirib bordik. Esimda, u yerdan telefon
qilmoqchi bo’lamiz, Jamoliddinni faqat boyagi restorandan
topish mumkin ekan - restoranchi og’aynisi ekanmi, yo valasapidchilar
bo’sh vaqtlarini faqat o’sha yerda o’tkizar ekanlarmi
- shu deng sim qoqamiz - hech kim javob bermaydi. Odamlardan
surishtirsak allaqanday bayram ekan o’sha kuni. Oh, bo’sh
ital’yan shaharchalari-ya! Asrlar, asrlar bu tor ko’chalar
atrofida mahliyo bo’lib qotib qolgandek. Onda-sonda chinakamiga
poygachi kiyimini kiygan valasapidchi paydo bo’ladi-yu yuraklarimiz
shig’ etib - yana yo’limizni davom etamiz.
Axir topdik - o’sha Lako di Garda shaharchasini. Ko’l bo’yida,
tog’ yoqasida bir jannat ekan bu shahar. Restoranni ham topdik.
Bo’m-bo’sh. Ital’yanlarning hayiti emasmi! Lekin ko’chada
kimdan so’ramaylik - Abduni har biri otning qashqasidek bilar
ekan, shundan tinchlanib, mayli, dedik, avvaliga mehmonxonaga
joylashib olaylik.
Tekin hayot - tekin hayot-da! Bu deganim
- davlat hisobidan yurishimiz. Sho’rolar davrida ana shuni
sevar edim: asl boqibeg’amlik - yozuvchilar guruhlarida Pushkin
kunlariga borasanmi, o’zbek yo rus adabiyoti dekadasigami
- o’yna-kul, erkak-ayol, davlat hammasini o’ylab qo’yibdi:
qaerda yotishingni-yu qaerda ovqat yeyishingni! Ana shu hayotga
yetishdim serquyosh Italiyada! Hayotga sevinaman: oyna tagida
zaytunlar o’sib yotibdi, men esam ularni faqat Lorka she’rlarining
marhum SHavkat Rahmon ijrosidagi tarjimalarida uchratganman
- mana endi boq, chindan ham zaytunlar qushning dumidek tipirchilaydimi
kechki shamoldan! yegan ovqatingni yeysan, T’eri pul ayamasdan
ital’yan sharoblaridan quyib beradi, e yasha-e, Jamoliddin,
mana ketingda hayo-xuy qilib yuribmiz-ku, ota o’g’il!
Kechqurunga o’zi ham topildi Jamoliddinning! Uyiga
kirib bordik. Singli o’tirgan ekan bu muhtasham uyda. Toshkentdan
endigina kelgan singli. “Akam trenirovkada - valasapitini
g’ildiratib yuribdi, dedi qiz. Kutib o’tirsayla - kelib
qoladi”. Biram shirali gapiradiki o’zbekchani bu qiz - fil’mni
shundan boshlay qolsak-a deb o’ylayman men. Ana, yarim soatlardan
keyin Jamoliddin ham kirib keldi. Qovoqlaridan jamol emas
- qor yog’ib. Rostini aytsam, ilgarilari Jamoliddin Abdujapporov
degan ismni eshitib yurganimda chayir, qozoq bashara bir qashqadaryolikmi,
boyovutlik yigitchani tasavvur etar edim, yo’q, bunisi qirra
burun, burgut ko’z, mustahkam bir yigit bo’lib chiqdi. Haqiqiy
o’zbek ekan bu yigit: uyimda mensiz pishirib qo’yibdimi -
deb o’ylagan-da! U deb, bu deb biroz uni kayfiyatga keltirib
oldik, rayini to’g’irladik. Ertadan boshlab seni kinoga olaylik,
dedik. Sal yorishdi.
“Aslida ertadan emas, bugunning o’zidan olaqolsak
bo’lmaydimi, - deb qoldi T’eri. Sen kaptar uchirishni yaxshi
ko’rar ekansan, shu ishqibozligingni ko’rsat bizga. Aytgancha,
Toshkentdan bu yerga kaptar olib kelganing rostmi?” “Ha,
dedi, ko’zlari chaqnay boshlagan Jamoliddin, ko’rsataymi?”
Jihozlarni oldik. “Sizlar shunday-shunday yerga borib turaveringlar,
men ham borib qolaman”, deb jo’natdi u bizni. Moshinamizga
mindik-da, u aytgan joyga ketdik.
Yarim soatlardan keyin o’zining sportiv - “Ferrari”
moshinasida Jamoliddin ham g’uv etib kirib keldi. Kaptarxonasini
ochdi, kaptarlarni osmonga quvladi, uni suratga tushirdik,
suhbat o’tkazdik, yigit o’zini kaptarga emas, burgutga solishtirdi
- barini yozib oldik. Ha, o’ris emas, meni olishgani ancha
qo’l kelib qoldi, ba’zi narsalarni Jamoliddin mendan ruscha
so’rab oladi-da, o’girib berganimdan keyin - kameraga o’zbekcha
qilib aytadi. Shu zayl kech ham kirib qoldi. Poygachi ko’pam
iltifot ko’rsatmasdanoq - “Mayli, meni hali trenirovkam, ya’ni
mashqlarim bor, yaxshi dam olinglar”, dedi-da ketdi. Biz
ham o’z mehmonxonamizga qaytdik. Restoranga kirib yedik, ichdik,
bugungi kun g’iybatini qildik.
SHu yerda bir xotir kechdi ko’nglimdan. ×et ellik kinochilar
bilan birinchi bor yurishim emas bu. Undan bir yil avval deyarli
ayni shu vaqt Londondan bir pokistonlik ayol kelib O’zbekiston
haqida bir fil’m olib ketgan edi. Ana shu esimga tushib ketdi.
Ikki og’iz shuni aytib beray.
Men qaysidir ishlar bilan Moskvada bo’lib qolgan
edim, u yerda ¨zuvchilar Ittifoqida asli samarqandlik
SHavkat Niyoziy degan oliyjanob bir yozuvchi bor, shu menga
aytib qoldi: “Toirjon, angliyaliklar O’zbekiston haqida kino
olishmoqchi - shunga tarjimon qidirib yurishibdi, seni tavsiya
qilaymi?” “Ha, mayli, dedim. Pulini to’lashsa
bo’lgani”. “Pulini o’zim gaplashib beraman”, dedi SHavkat-aka. Yaxshi
bo’lar edi, chunki Sovetlarda o’sgan-ulg’aygan emasmizmi:
pul deganda bir narsalardan uyalib-netib, axir tekinga ishlab
yuraveramiz. Pul to’lang deyishga til bormaydi! ×et
elliklar ham buni bilib olishgan - eshshakdek ishlatishadi-da:
“Sen zo’rsan, sensiz bu ish ro’yobga chiqmas edi, nomingni
fil’mning boshiga kiritib qo’yaman, vatanimga yetib borganimdan
keyin esa senga taklifnoma yuboraman, mehmonim bo’lasan!”
deydi-da -
hayo-huy! Nomam
yo’q, nomayam, nishonam!
O’zimni o’shanda yomon qayradim. Yo’q, dedim,
endi qayta qurish davri, bozorga o’tish davri, yuzimga charm
qoplab shuncha berasan! - deb turib olaman. Bermasa - to’rt
tomon ko’cha! O’zimni ich-ichdan qayrash bilan birgalikda
yomon tayyorgarlik ham ko’rdim. O’zbekiston haqida men bilgan
narsalarni boshqa hech kim bilmaydi degan darajaga yetib bordim.
Ishladim. Bo’layotgan narsalarni o’zim uchun tartibga soldim,
ancha-muncha narsalarni qayta tushundim. Nihoyat, bir kuni
telefon jiringlab qoldi. “Men Farrahman, - dedi bir ovoz.
¨zuvchilar Ittifoqiga kelasizmi, sizni bu yerda tavsiya
qilishyapti”, dedi o’ta shirali bu sas. Unga qarshi turolmasam
kerag-o’v, botinmasam kerak, - deya yana o’zimni qayrab ketdim.
Xotin-bolamni boqishim kerak, mayli, o’zim uchun bo’lmasa,
shularni deb so’rab qo’ya qolay degan fikrga keldim. ¨zuvchilar
Ittifoqiga ham shaxdam qadam bosib kirib bordim.
Ana endi suhbatni
aytay! Fahrlanaman undan! Avvaliga o’zim kimligimni bildirdim
Farrahxonga, shaxmatchilar uylarida ko’rib qo’ygan tayyorgarliklarini
ishga solgani kabi, o’z mulohazalarimning uchini chiqarib
qo’ydim. Mushukka dumba yog’i ko’rsatgandek, ko’rsatdim bilimlarimni.
“Yaxshi, dedi u. Biz bilan ishlashing,
bizga ko’mak bering”. Ana endi tunlar uxlamasdan o’ylab chiqqan
fursat keldi. YUragim gup-gup: “Mayli, o’zimga qo’ysangiz
tekinga ham ishlar edim-u, lekin bola-chaqamni boqishim kerak,
sizlar bilan ishlash o’rniga, deylik, ayni shu haqda chet
elga bir maqola yozib berishim mumkin”. “Nega tekinga bo’lar
ekan, - deb qoldi Farrah, biz O’rta Osiyoning to’rttala
respublikasida ham fil’m olyapmiz, har yerda maslahatchilar
uchun muayan bir miqdorda pul ajratilgan. Sizga ham ana shu
miqdorni beramiz”. “Qancha ekan bu miqdor? deb qizisha boshladim
men. “Besh yuz dollar”. Mana shu yeridan fahrlanaman suhbatning,
ayni shu nuqtasidan. “Yo’q, dedim men, men uchun bu baho
past”. U yelkasini
qisib qo’ydi. Ketdi qo’ldan baliq, - deb ho’rsinib qo’ydim
men, lekin yuz bermadim. Mayli-da, tokaygacha ular bizni mardikor
sifat ishga solishaveradi?! Tortsin aravasini! “Kelganingiz
uchun rahmat”, dedi u. Sovuqqina xayrlashdik.
Bilmadim, uch kundan
keyin tunning yarmida turgan yerimda telefon jing’irlab quyidagi
suhbat bo’lib o’tmaganida ham shunchalik fahrlanarmidim yuqoridagi
suhbatdan? Albatta o’sha uch kun achinib yurdim: ozmidi bu
pul, qanoat qani, shukur qani senda, deya. Boshqa tarafdan
achchig’im kelib, e bor-e, puli mening boshu-ko’zimdan sadaqayu,
uning esa boshida qolsin! - deb yurdim. Ana uchinchi kuni,
aniqrog’i tuni boyagi jing’iroq
uyqumni bo’ldi. Toshkentdan Sovet-Britaniya uyushmasi
xodimi Marat bir baloev deb tanishtirdi bu ovoz. “Men, dedi u, Farrah
xonimning ma’muriman, sizning kelishingizni kutyapti”. “Qanaqasiga
kelishimni?” “Samolyotda-da!” “Yo’q, biz hech narsa haqida
kelishmagan edik-ku!” “Nimani nazarda tutyapsiz, pulnimi? Siz aytadigan
bahoni qabul qildi. Qancha edi?” - deb so’radi bu ma’mur
Maratovich. Bozor
kelgan ekan: ana senga deya, “Ming!” - dedim. Osilsang baland
dorga osil-da! “Mayli, - deb qo’ya qoldi siniq ovoz bilan
bu Marat Ma’murovich, - demak ertaning o’zida sizni Toshkent
aeroportida kutib olaman”. “Ha, qanaqasiga”, - desam, -
“Nomingizga bilet olingan, ertaga bizning uyushmaga mana bu
manzilga, mana shu joyga borasiz-da, ular sizni Domodedovoga
eltib qo’yishadi”.
SHunday qilib ertasiga Toshkentga yetib bordim, boyagi Marat
hech qanday Ma’mur emas, qip-qizil juhud ekan, kutib oldi-da:
“Uyingda emas, biz bilan birga “O’zbekiston” mehmonxonasida
turasan”, - deb, to’g’ri nonushtaga olib ketdi.
Endi maydalab o’tirmay. Ishni boshlab yubordik.
U paytlar Farg’ona vodiysiga chet elliklarni kiritmas, fil’mni
esa ayni o’sha Farg’ona vodiysi haqida oladigan bo’ldik. Bilsam,
Farrahxon o’ziga maslahatchi topgan ekan-u, bu yigitcha shunchalik
shaddod chiqibdiki, bularni G’ofiru-Salim degan odamlar bilan
qo’rqitib qo’yib, “g’ing desang - so’yilasan,
yo bu yerdan duming tugiladi” qabiliga yetkazib qo’ygan ekan.
Bechora Farrah: “pul ketsa ketsin, bosh ketmasin”, deya meni
boyagi yigitchaga kundosh sifat chaqirishga majbur bo’lgan
ekan. Endi bularning maslahatchi degan narsasi ham qiziq bo’lar
ekan, barcha narsani o’ylaysiz, taklif qilasiz, uyushtirasiz,
bular kelishadi-yu - shir-shir rasmga olishadi-da, yana polaponcha
og’zini ochib olib: “yana! yana!” - deyishadi. Avvaliga qiyomat
do’stim Matrasullarnikiga bordim: “SHu islom to’g’risida kino
olishayotgan ekan, to’rt tangani sizlar ishlab qolinglar,
dedim. Bir tomondan siz melisasiz, ikkinchi tomondan ukangiz
islomning etagini qattiq ushlagan, melisa bilan islom deyarli
bir so’z-u, bir biriga teskari yozilgan, ana sizlar ham o’ylaganingizni
aytasiz-qo’yasiz! Yana bilgan-netgan odamlaringizni ayting,
ularni ham suratga olaylik!” Qiyomatli do’stim Matrasul ham
zap odam-da - vodiyning chiroyli-chiroyli joylaridan - SHohimardonu
Vodillardan aytdi tanishlarini. Bahonada - uzoq davlat hisobidan
u yerlarga ham nazorat safari bilan borib keldim.
Ayniqsa islomning ketida qattiq yurishim aytilgan
emasmi - Matrasulning ukasi avvaliga o’z piri - bir narsaxon-to’rani
aytgan, shuni kinoga tushishga ko’ndirgani bordim. Qaytadan
ichkariyu-tashqariga bo’lingan hovlidan avvaliga To’ramning
o’tin yorib yurgan, sahn supurib yurgan muridlari chiqishdi.
“SHunday-shunday”, - dedim. “Kuting”,
- deyishdi. Bir qancha vaqtdan so’ng To’ramning o’g’illari
chiqdi. Oddiy, bosh yalang odam ekan: “Dadamlar biroz betob,
hojatingizni men chiqaray”, - dedi. To’razoda atlas to’qish
tsexini ochgan ekan, o’sha yerga olib bordi. “Atlas mana bunday
to’qiladi”, deb ko’rsatdi. Ha, mayli-da, islomga aloqasi
bo’lmasa ham, har holda foydali bir narsalarni bilib oldim-ku
deya, Namanganga yo’l oldim.
U yerda o’sha payt “Adolat” degan tashkilot chiqqan
emasmi - shularni tavsiya qilishdi menga. Ana islom bo’lsa
- shularda - deyishdi bilganlar. Taksida ketyapmiz - Namanganning
dovoniga chiqib borgan edik, har qadamda GAI to’xtata boshladi.
YUmshoqqina qilib: “Yo’l bo’lsin, qaerdan kelyapsizlar-qaerga
ketyapsizlar?” - deb so’ramagan inson qolmadi. “SHahar kezmoqchimiz”,
deganga ko’nishmaydi deng. “Qaeriga bormoqchisizlar, kimlarni
ko’rmoqchisizlar?” Yo’l-yo’lakay nazarimda bir-birining qo’liga
topshirishadi bizlarni - borgan sari surishtirganlar biz haqimizda
ko’proq bilgandek, savollarni aniqroq qo’ygandek. Ana o’shanda
tushundim Namanganning ayriligini. Ana o’shanda tushundim
Namangandan Ahmadjon Odilovning chiqqanligini.
Lekin shaharga ham axir kirib keldik, Avvaliga
Jome’ masjidga bordik. “Vahhobiylarning masjidi shumi?” -
deb dabdurustdan so’rasam bo’ladimi-ya! Imom bechora bir ag’darilib
tushdi. Shu deng hiqqichoq tutib qolgan uni, “astag’firillo”
deyishga ham nafasi yetmay qoldi. “Bu kalimai nomaqbulni demang
endi”, - deya koyib meni, “Adolat” muqim yer topgan shahar
qumitasiga yubordi on Hazrat. Bordim. U yerda ham boyagi namanganchilik:
“Xo’sh, o’zlari qaerdan bo’ladilar, nima xizmat bila keldilar?”
Mulozamatlarning oliy navi. “Boshlig’inglarni ko’rgani kelgan
edim”. “Amirul-mo’’minin hozir bandlar”. “Xo’sh, noibi
bilan uchrashsam bo’ladimi?” “Ularga
nima xizmat?” “Bu yerda hech uchrashadigan odam bormi o’zi”,
- deb fig’onim falakka chiqa boshladi. Javobiga iliq-sovuq
mulozamat bilan: “Ular bilan o’zlari nimalarni gaplashmoqchilar?”
Xullasi, taqqillatsang ham eshik ortidan hech kim chiqmaganidek.
Yo’q, bir payt namangoniy duxoba to’n kiygan bir qirrasoqol
yigit paydo bo’ldi-da, yo’l-yo’lakay boshqalarga ko’rsatma
berib ketar ekan, kimdir menga shivirladi: “Ana, o’zlari ham
kelyaptilar”. Salom berdim. Soqol uchlarida
javob berdilar. Shunday-shunday, dedim, sizlarni fil’mga olmoqchimiz,
ikki haftadan keyin kelamiz, dedim. “Ikki haftadan keyin ramazon
boshlanib qoladi”, - deb aytdi Amirul-mo’’minin. “Ha, mayliga,
bir gap bo’lar”, - deb qo’shib qo’ydi-da, unga shikoyat qilib
kelgan ayolga quloq tuta boshladi. Ha, aytgancha, yigirma
olti-yigirma sakkizlar chamasidagi bu yigit - Toshkentda Bahodir
Asomov degan bir yosh rassom bo’lgich edi, xuddi shunga o’xshar
ekan. Men-ku mayli-ya, pishib ketganman, lekin boshqa har
bir insonning bo’yni behol egiladi bu kabi munosabatni ko’rganda.
Eridanmi, bozordagi melisadanmi shikoyat qilib kelgan boyagi
xotin ham bukchayganicha bir narsalarni tinimsiz yig’lar,
Amirul-mo’’minin esa unga ko’z qirini tashlar-tashlamas: “Ketavering,
hal qilamiz”, - dedi-qo’ydi. Bu so’zlar menga ham buyruq-sifat
tuyuldi-da, men ham bir lavhaga boyigan boyagi taksichim bilan
Farg’onaga qaytdim. Unda Matrasul-akam bilan yana bir bor
ko’rishib, mabodo Farrah oddiy yo qashshoqroq oiladan so’rab
qolsa - SHohimardondagi ¨rmatqul-akalarnikini tayyorlab
qo’yishni kelishdik-da, ertasigayoq Toshkentga qaytdim.
Ha, ¨rmatqul-aka haqida ham ikki og’iz so’z o’timsiz bo’lib
qoldi o’xshaydi. O’sha kundan yarim yilcha avval oilamiz bilan
Matrasul-akalarnikiga mehmonga borgan edik. Kuz endi boshlangan
chog’i. Farg’onadagi baqateraklaru chinorlar zarbof to’nlar
kiya boshlagan, atrofdagi qishloqlarda esa o’riklar - bir
qizil, bir sariq ranglarga - xuddi rassomlarning alg’ov-dalg’ov
rang-taxtalaridek bo’yalgan edi. Nima qilamiz - SHohimardonga
boramiz - deb qoldik. Nimaga deysizmi? Unisidan ham bir yil
avvalroq bir kuni Toshkentda Erkin Ag’zamov degan yozuvchinikida
uning jo’rasi Hamid Ismoillar bilan o’tirganimizda Matrasul-akamiz
kirib kelib: “Qani turinglar, sizlarni Farg’onaga olib ketaman!”
- deb turib olgan. Rozi-norozi - olib ketgan ham. YUrgan yo’limizda
uchrashgan odamlarimiz bilan ichamiz-xushchaqchaqlashamiz.
Allaqanday bebosh vaqtlar edi-da! Kechasi esa Susambilga ketayotganlardek
- yetti-sakkizta kishi bo’lib ¨rmatqul-akanikiga ham kirib
boribmiz.
Rosa ichdik o’sha kuni. Qop-qora parxona-palovlarni
tushirdik. Ag’dar-to’ntar bo’lib qator yotdik. Burgalarga
ham emas, burgalardan badtar fikrlarga yem bo’lganimdan yarim
kechada o’rnimdan turdim-da - ko’chaga chiqdim. Darvoza berk
ekan, tamg’alarini asta ochdim. Soy sharrillab oqib yotar,
tun - qozon qorakuyasidek, o’choqning ikki guvalasi kabi qo’qqayib
turgan tog’larni qoplar edi. Asta - tog’ tomon, Hamzaning
maqbarasi tomon chiqa boshladim. YUrak duk-duk urar - xudo
ko’rsatmasin - zilzila bo’lsa bormi - ikki tog’ shunday yopadi-qo’yadi
biz gunohkorlarni, yo Olloh - ana uni qara - yulduz ikki tog’ning
o’rtasida, xuddi tog’ bag’riga yopishtirilgan chiroqdek -
qudratingdan-a - yulduzlarni tog’larga qadab tashlasang-a!
SHu zayl astag’firillo-astag’firillolarni o’qib
tog’ tepasiga chiqib bordim. Qo’rqqanimdanmi - Hamza ustiga
kelib ikki rakaat Quron tushirdim. Rahmim keldi yolg’iz qolib
ketgan bu kishiga. Saharga yaqin pastga tushib borsam - do’stlarimdan
bir-ikkitasi uyg’onib - meni qidirishgan-da, topisha olmay
- kimi o’z “Moskvichi”ga kirib, kimi yana qator dumalab uyqusiz
yotgan ekan.
Ana shularni eslab oilam bilan SHohimardonga - ¨rmatqul-akalarnikiga
bormoqchi bo’ldik-da! Bordik ham. Endi yozgi SHohimardon kuzgi
SHohimardon bo’larmidi - hamma yoq bozor-do’kon, xo’rozqanddan
tortib, to ishtonpochalargachayu, jo’yaklargacha yozib-yozib
tashlangan. Odam - mindi-mindi! “Kechirasiz, siz mabodo Erkin
Vohidovning qizimasmisiz?” - deb tegajoqlik qilib yurgan o’g’riyu-kissavurlarni
aytmaysizmi! Sevadi-da shoirlarimizni xalqimiz!
Tepaga - yana fosiq Hamzayu solih Hazrati Alilarning
maqbaralari tomon ko’tarilib ketayotgan edik - bir tilamchi
kampiru, uzoqroqda chol o’tirishgan ekan, ikkalasiga bir so’m-bir
so’mdan berib chiqqan ham edik, kampir ketimizdan duo o’qib
qoldi-da, chol esa bir so’mimni uloqtirib: “Nima, men senga
devonamanmi?!” - dedi-da shunday o’qrayib boqdiki - yer yorilsayu,
yerga kirib ketsak!
O’sha kuni o’sha cholning ruhi urdi hammamizni.
Isitmalarimiz chiqib, kechasi ¨rmatqul-aka do’htir chaqirishga
majbur bo’ldi. Kayfi safo do’xtir ham yetib kelgani elas-elas
esimda. Ichburg’i bo’libsiz dedi-yu, tuzlangan bodring hidini
chiqarib kekirdi bu luqmon. Ertalabgacha tirik qoldim. Tirik
qolganim evaziga Matrasul-akaga zor yalinib: “Farg’onaning
avtovokzaliga olib borasiz - biz endi uyga ketaylik”, - deb
turib oldim. Ertalabga kelib - keliningiz qusa boshladi. Endi
balo bunga urdi-ku, deb bir amallab Farg’onaga yetib oldik-da,
Matrasul-akani ishlariga jo’natib, o’zimiz shahar bog’ida
o’lar holatda bir amallab ikki soat vaqtni o’tkazdik-da -
avtobusga chiqib Toshkentga jo’nadik.
Sekin-sekin o’zim tushib qolgan xotiralar o’rasidan
chiqib kelyapman. Toshkentga qaytdim dedimmi? Bu safar ichakburg’i
bilan emas, keyingisida, Farrah-xonim bila uchrashgani. Qisqasi
Toshkentga qaytdim.
SabR qilsang
xom g’o’Radin xalvo bituR. Miltillab tuRgan quRtchaning badani,
boshi, ko’zi, qo’loyog’i paydo bo’lib, bezlaRidan biR mehR,
biR shinni, biR bol tomgach, qanotlaR kuchga to’laR ıkan,
kezi kelib ichichingda biR yaRoq tuyaR ıkansanki, bu
dam o’zingni jangga shay biR askaR sezib, ko’chaga otlanaR
ıkansan. Bu yog’i aRining IskandaRnomasi!
Aql ham shunday ımasmi? Ongingda piligi ko’taRila
boshlagan chiRoq atRofni avvalo nimaRsalaRga ajRata boshlaydi,
zehn nuRi junbushga kelgach ısa, masala zulmatiga yo’liqib,
avvaliga zamin hoziRlaydi, iviRsib yotgan tushunchalaRni saRanjomlaydi,
taRtibga keltiRadi, so’ng aRi ınagaga aylaganidek fikRlaRni
ulg’aytiRadi, undiRadi. Bu bosqich ham o’tilgach ulaRga
qoliplaR yasaydi, biRovlaR topgan bilim shaRbatini qabul ıtib
o’Rinmao’Rin joylashtiRadi va bundanda buyib o’z kuchiga
qanoat hosil qilgach, baxsumunozaRaga, jangujadalga kiRishgudek
tayyoR… Aqli boRlaR bulaRni osonlikcha ilg’aydi…
Fan uslubidagi bosqichlaRmi, deylik dialogizm madaniyatidan
stRuktuRalizm, undan kompilyativizmga o’tish, va yo inson
amaliyotlaRining mumkin tuslanishimi: sinkRetizmdan ıtik
o’lchamga, undan gnoseologik, pRaktik, ıstetik, politik
va din o’lchamlaRiga kechishmi, yoda Mavlono AbduRahmon Jomiy
qisqaRtiRmay yozgan “Xamsa” ımas, balki yetti dostonidan
iboRat “Haft avRang” tuRkumning mohiyatimi: “SubhatulahRoR”dagi
Haqiqat, “TuhfatulahRoR”dagi Hikmat, “YUsuf va Zulayxo”dagi
Amal, “Layli va Majnun”dagi Ishq, “XiRadnomai IskandaRiy”dagi
Siyosat bulaRning baRi biR o’zakdan chiqqan butoqlaR ımasmi?
ZukkolaR bulaRning baRini anglab olishadi. BulaRning baRi
zukkolaR uchun ishoRatdiR faqat…
…Sin ham beli
ostidagi nashtaRi og’uga botganini sezib ındi IskandaRsimon
jangujadalga, shonushuhRat soRi otlandi. İnagasi
biR paytlaRi aytgan so’z “ARining ishi paRvoz. PaRvozda
ısa to’xtagan zahotingoq qulaysan” Sinning miyasida
aylanaveRdi. ×indan ham shunday bo’lib chiqaveRdi. BiR
qadamdan to’xtamsiz ikkinchisi, uchinchisi unib chiqaveRdi.
Zina haqida aytmadimmi chiqmasang, yoda uchmasang qulaysan.
Shuning uchun ham biR maRotaba qanot qoqqan ikkinchisiga,
uchinchisiga, to’Rtinchisiga mahkum bo’lib qolaRkan. Yo’lga
tuRgan manzil tomon oshiqaR ıkan. PaRvoz qoidasi shu ıkan. TaRaqqiyot qoidasi
shu ıkan. Hayot qoidasi. Shu yo’sin Sin ham o’n ikki
taRafidan o’Ragan to’da oRalab tuRtilibsiqilib biR kun uya
og’ziga ham yetib keldi.
Ilk boR uyadan uchib chiqish baRibiR boshqacha bo’laR
ıkan. Abadiy tiqilinchga o’Rgangan badaning, qoRong’ulikka ko’nikkan besh ko’zing,
to’daga odatlangan onging biRdaniga yashil bulutlaRu, qopqoRa
quyosh, sapsaRig’ o’tlog’u binafshaRang suvlaRni ko’Rsa,
dimiqqan havoda namsiRagan o’pkalaRing achchiq va toza bodaga
to’lsa, senga qaRamsizdek to’Rt qanoting xayolingdanda tezRoq
biR pastga, biR tepaga uloqtiRsa seni, bosh aylanib bu dunyoga
ne uchun kelganingni ham unutib qo’yaR ıkansan, aRi.
Biz ham bulaRni
boshdan kechiRganmiz, biRodaR. Biz ham loy qoRibu uy quRib
yuRgan bolaligimizdan ajRab, yozning biR kuni sochimizni oldiRgancha
paxsa hovlimizdan besh ming chaqiRim yeRdagi tosh uylaRga
yetib boRganmiz. Bizga ham LA 8278 Raqamli AKM yaRog’i biRiktiRilgan.
Uch yil u bilan yotib, u bilan uyg’onganmiz. BizlaRning ham
masofalaRdanu o’RmonlaRdan, yoshlikdanu yuRakdagi kuchdan
boshlaRimiz aylangan. BizlaRni ham dalayu o’tloqlaRda tunaganimizda
aRi chaqqan. Lekin sabRuuns yuzidan boshqalaRning so’zini
bo’lmay tuRveRaylikchi…
Sin o’sha kuni
qoRovullik topshiRig’ini oldi. QoRovul degan so’zning ma’nosi
ancha buzilib ketgan. Zanglagan miltiqni yonboshiga qo’yib
tunlaRi aRoq sotib o’tiRadigan tutuRuqsiz, nobakoR chollaRni
qoRovul tabaqasiga kiRitib qo’yganmiz. Lekin Sin topshiRig’i
bulaRnikidan ımasdi. Uyaga kiRib kelayotgan neki jonzot
bo’lsa aslunasabini tekshiRish, uyaga faqat biRodaRlaRni
qo’yish, qolganlaRni jon beRish ıvaziga bo’lsada ichkaRiga
yo’llatmaslik. ZukkolaRga yana biR ishoRatning hojati bo’lmasa
keRak.
ARi ko’zi bilan boqqanda qovunsimon oq teshikda mittigina
to’RtbuRchagu, bu to’RtbuRchak ichida yassi soyadek chumoli,
va yo samovaRning qiyshiq ko’zgusida aks ıtgandek cho’zinchoq
va ingichkaqo’l o’RgimchaklaRni qo’yaveRing bulaR uchgan
aRining soyasidanu vajohatidan cho’chib chekinishadi, biRoq
shu kunlaRda “habashlashgan” biR aRi paydo bo’lgan, uning
taRixini ham qishning uzun tunlaRi hujRa ichida qaRi ınaga
aytib beRgan ıdi.
İmishki, semizlab bosqinchi jonzotlaR AfRika degan
o’lkadan biR aRini olib kelishibdiyu, o’z qamoqxonalaRida
uning ustidan tajRibalaR o’tkaza boshlashibdi. BiR og’ziga
tegishibdi, biR ko’tiga, biR mahalliy aRilaRdan oqsoch
nozaninini olib kelib, bulaRning ikkalasini tek qoldiRishibdi.
ShukRki, semizlablaR aRi tilini tushunmas ıkan. Boyagi
oqsoch qiz Habashga mehR tuyib, uni qutqaRmoqchi bo’libdi.
Gapni biR yeRga qo’yib bulaR ikkisi shisha quti ichida biR
sahaR o’zlaRini o’likka solishibdi. BiRinchi bo’lib kiRib
kelgan semizlab bulaRni o’lik ahvolda ko’Rib saRosimada dodvoy
solibdi, boshqalaRni choRlashga shoshibdi. To’sto’polon boshlanib
ıshiklaR ochilibdi, boshliq ham kiRib kelibdi. Boyagi
shisha qutini ochib maRdonavoR qo’lini uzatgan ıkan hamki,
Habash neki kuchi boR ısa nashtaRini bu quRtsimon semiz
baRmoqqa sanchibdiyu, oRqaga sug’uRibdi. Talotum boshlanibdi.
Oqsoch qiz ısa fuRsatni boy beRmay Habashni gaRdaniga
oRtganicha ochiq ıshiklaRga uchibdi va shu yo’l bulaRning
ikkisida qamoqdan ozodlikka qochishibdi.
HuR o’RmonlaRda bulaR uvalijuvali bo’lishibdi. yeR
bo’ylab uRug’i taRqalibdi. O’shandan buyon “habashlashgan”
biR toifa paydo bo’libdiki, yo’g’onyo’g’on pahlavonlaR hech
kimga bo’ysunmasu, hech kimga ishonmas, qilgan ishi ısa
o’Rmon qaRoqchiligiyu, tog’utosh jangaRiligi bo’lib qolgan
ıkan.
Mahmud Daudiydan
debtuRlaRkim biR majlisda kime: “Abu Ali onqadaR buyuk zotki,
mashoyihlaR aRo beniyozduR”, debtuR. Telba Mahmud yuzunda
tomiRlaR qo’pub: “U ham odammi?! Mana men ming Abu Alingga
tengduRmen. Uning mushuk bilan ham jangujadal qilmag’on,
men ısa AmiR Dod o’ngida ikki g’o’Ri it bila uRushtim”,
debtuR…
Mana shunday
“habashlashgan” aRilaRdan xushyoR bo’lib uchib yuRaR ıdi
uyasi atRofida navqiRon Sin. Lekin kelayotgan aRilaRning baRi
Onayu PiR hidini taRataR, bundan Sin ham ulaRga ko’pam xiRa
pashsha bo’lmasdan yo’l ochaRdiqo’yaRdi…
Namozshom ham soat sakkizlaRda yetib keldi. So’nggi
sayyohlaR dalalaRdanu bog’laRdan topgantutganlaRini bo’g’chalab,
quyoshning so’nggi siyohRang nuRlaRida uyga qaytishaR, bulaRdan
ba’zilaRi teRgan shiRasiga ımas, ko’pRoq kechki havoda
aylanib kelganlaRiga mast bo’lganini ham tuysada Sin, dakkiyutanbeh
beRishdan u yiRoq ıdi. Qani ındi uning o’zi ham
biR yeRga qoqilgan qoziqdek qoRovulligini tashlasayu, cho’lubiyobonlaRga
ıRkin uchsa. Buning ham vaqtisoati yetaR.
Xuddi daRyo bo’yidagi postdagi yog’och minoRasidan atRofga
qaRagan askaR yigit kun botish soatlaRi kelajagini oRzu ıtib
talpingandek biR gap…
Mana shu qoRovulligini ham topshiRib uyaga uchmoqchi
bo’lib tuRgan biR damda avvaliga notanish biR hid anqidiyu,
dushman qiRuvchilaRi daf’atan osmonni yoRib yashinsimon chiqqanlaRidek
qovog’aRichalik keladigan biR mavjudot uyaning tuynugini
poylab moviy ko’kdan sho’ng’idi. Sin o’zini ko’ndalang tashladi.
Boyagi mavjudot uchib kelganicha boR kuchi bilan unga uRildida,
ikkalasi havoda ikki tomon dumalashdi. Hazilakam zaRba yemadi
ikkisi! Dubulg’ayu sovut demasa qovuRg’alaR qaRsillab sinadigan
zaRba! QanotlaRi qoqilibsuqulib yeR tomon tushaR ıkan
Sin, miyasidan kechgan xayol: “PiR bilmasa bo’ldi faqat!”
degan xayol bo’ldiyu, jon talashi bu xayoldanda tezRoq
uni o’z jangovaR holatiga qaytaRdi va Sin yana uyasining tuynugi
tomon qalqdi. Bu jinqaRchadan shu kabi shiddat kutmagan Habash
ham qanotlaRini Rostlab, ındi ko’Rsatadiganini ko’Rsatib
qo’yishga shay ıdi. Nayzasini olg’alay ola ot choptiRgan
yag’modek u butun hiddati bilan Sin tomon oshiqdi. Sin ham
uRush lazzatida boRlig’idan kechgan, oniy biR haRakatda yo
o’lish, yo qolish taRaddudini qilaR ıdi. MushaklaR miyadan
tezRoq ıkan, Habash ikki daf’a ulkanRoq jismi ila unga
uRilay deganida, Sin so’nggi on o’zi bilmagan holda yov qanoti
ostiga sho’ng’idiyu, hanjaRini boR kuchicha bu mal’un lahmga
sanchdi. Rost, hanjaR dubulg’aga uRilib badanga botmadi, faqat
tilib biR tomchi zahaRni oqizdi xolos. ZahaR qnga belandi,
qon zahaRga, oRada oqqan shiRa ısa ikkisining qanotiniyu
badanini biRbiRiga yopishtiRdi, bundan ikkisida ang’iz yeRga
quladi. Ana o’shanda bu baRzangi o’z yaRog’ini o’tga sanchganini
payqadi ıpchil Sin.
YaRog’ini yo’qotgan aRi hamono o’ladi ımasmi. Ana
ındi o’lik bilan biR go’R bo’lish yomon ıkan. Ustiga
qulagan bu dushman badaniga achchiq mehR tuydi Sin. BiR amallab
uning ostidan o’zini yastantiRdida, ulkan Habashni zahaR
to’la baRg ostida yeRga qo’yib, o’zi madoRsizlangan biR holatda
kechki shabnamda g’usl qildi.
O’sha kecha Sin ko’chada, yolg’izlikda qolib ketdi.
O’sha kecha Sin hayot bilan o’limni bo’lib tuRgan chegaRadan
kechdi. Roviy aytmish: taqvoda tavba, ishqda ixtiyoR,
hidoyatda zuhd, ı’tiqodda faqR, jihodda sabR degan
so’zlaRning mag’ziga yetgandek bo’ldi.
Jamoliddin haqida
gapirayotgan edim. Kechasi o’zi chidamadi shekilli, boyagi
restoranchi ishqibozi bilan oldimizga kirib keldi. Ertaga
nima qilamiz degan ma’noda. Qani endi, yaxshi joylashib oldingizmi-ga
qadar tusha qolsa-ya, yulduzlar ham bir tur odam bo’lishar
ekan-da! “Nima qilsak bo’ladi?” - deb pastdan keldi T’eri-Matrasul.
“Baliq ushlagani borsanglar chiroyli chiqadi, boyagi kaptarlar
kabi”, - deb qoldi ital’yan restoranchisi. Demak toza maslahatlashishgan.
“Yo’q, - dedi Jamoliddin, - ertalabdan trenirovka bor, yuz-yuz
ellik kilometr yurishim kerak”. “Ayni muddao, - dedi T’eri,
- ketingizdan yurib sizni rasmga olsak-da, ba’zi bir yerlarda
dam olganingizda yurib ketayotib savollarimizga javob bersangiz”.
Jamoliddin biroz o’ylandi-da, mayli deb ko’ndi. “Baliq ovini
esa peshindan keyin o’tkazsak”. Jamoliddin bunga ham qonniqqandek
bo’ldi.
Ayni shu kabi suhbat
Matrasul-akamiznikida ham ro’y bergan edi, lekin bu yerda
Toshkentdan menu Marat Ma’murovich bilan birga yetib kelgan
Farrah yulduzlik qilar edi: “Demak, avvaliga To’rani ukang
bilan rasmga olamiz, keyin sening melisangni”. “Hay-hay-hay,
bunday emas, bu yerda ishlar bunday qilinmaydi”, - deb boshimni
liqqillatamanu, lekin Farrah buni ko’rmaydi. U - sayragan
bulbuldek garang. Ha, darvoqe, aytdimmi-yo’qmi, Farrah Marat
Ma’murovich bilan birgalikda Moskvadan bir uzunsoch uzunoyoq
Olya degan tarjimon qizni olib kelgan. Endi Olya ham Olyamisan
- Olya! Bir fotomodel’ bo’lmoqchi ekan, bir seksmodel’. Bir
gap model’lardan. Endi, deng, islomlashib borayotgan vodiyda
ham bu model model’ligicha qolgan-da! Tizzadan ikki qarich
yuqori shunaqa ham yubkalarni kiyadiki - toshbo’ronga kim
qolsa - birinchi o’zimiz bo’lamiz - nimaga Hamzalik qilib
bularni bu yerga olib kelding degan ma’noda. Lekin shukrki,
eski - bedin zamonning asoratlari ham hali o’chib bo’lmagan
ekan - erkaklar boyagi To’ramensimaslikkayu melisapisandlikka
jichcha ham ahamiyat berishmaydi-da, boshni quyi solgancha
bosh liqqilatib o’tirishaveradi. Boyagi beso’naqay chordona
ustidagi tirsillagan yubkaga qarab-da! Farrahxonim sayraydi,
Olyaxonim esa o’z inglizchasini qayraydi! Orada uyalganu,
istihola qilgan biz.
Ha, Jamoliddinning
baliq tutishi haqida. Jamoliddin Lako Di Garda degan azim
ko’lning bo’yida yashar ekan. “SHu yerning o’zida rasmga olib
qo’ya qolamiz-da”, - degan edi T’eri ismli Matrasul, lekin
poygachi xumraydiyu: “Boshqa bir ko’l bor, dedi. Bunisi
- madaniy”, - deb qo’shib qo’ydi u. Xo’sh, poygachining qizil
“Ferrari”siga ergashib boyagi nomadaniy, vahshiyroq ko’l tomon
yo’l oldik. Poygachi - poygachi emasmi, yo’lga chiqishimiz
bilanoq g’uv etib ko’zdan g’oyib bo’ldi. Yana shukrki - biz
bilan birga boyagi restoranchi xushtor bor edi, jaydari “Fiat”ini
yo’rg’alatganicha bir amallab boyagi ko’lga yetkizib obordi.
Jamoliddin yarim soatlarcha chamasi baliq tutib yotar edi.
Kelishimizga uchta-to’rtta laqqa baliq tayyorlamoqchi bo’lgan
shekilli, lekin o’sha kuni baliq ham laqma tushmagan o’xshaydi,
bo’m-bo’sh to’rcha suv ustida tarvaqaylab yotardi. “Endi keldim”,
- deb qo’ydi Jamoliddin. Rasmga tushira boshladik. Kamera
taratgan nurlardanmi, moshinamiz ko’tarib kelgan changlardanmi,
xudo biladi nimadan, o’sha kuni bittayam baliq tutilmasa bo’ladimi.
Jamoliddinning qovog’idan qor yog’adi. Bizga gapirishga toqati
yo’q. Qani endi bu yerda boyagi Olyaxonim bo’lsa edi-ya, deyman.
Olyaxonimni ayniqsa
islom peshvolari oldida ko’rish zavq edi. 92 yashar pirmi,
26 yashar amirmi islom g’oyalariyu bu shaytoniy borliq orasida
sarosimaga tushib qolishar edi. Ko’zlari bejo, g’amzalarcha
ko’z qirlarini unga tashlab, u esa alvasti sochlarini yanoqlaridan
kiftlariga irg’itib-irg’itib qo’yar edi. Pakana Farrah-xonim
esa o’z islomiy ildizlarini topgandek, rashku-qanoat ila qoniqib-qoniqib
yonda o’tirar edi. Amerikadagi yuz ikki yashar bir To’ramni
eslayman.
Esingizdami, BMT o’ngidagi
namoyishni aytgan edim. O’shanda Birlashgan Millatlar Tashkiloti
o’ngiga ham bemulohaza - gardkamiga chiqaverdik. U paytlar
bu ham mardonalik edi. Amerikalik o’zbeklar ham buni tan olishdi.
“Sizdan avval bu narsaga hech kim tutqich bermagan edi”, -
deyishdi ular. Kemaga tushganning joni bir emasmi, bo’lgani
bo’ldi, ana endi kun qizib boryapti, asta-sekin odamlarimiz
ham to’planishib kelyapti. Endi faqat o’zbek bo’lsa ekan,
yo mayliga turkistonlik qozoq-qirg’iz deylik, qozoq-qirg’izlar
o’lib qolsayam o’zini turkistonlikka qo’shishmaydi - o’zlaricha,
bu bechora o’zbeklaru sartlar o’zini turkistonlik deb tanishtirishadi
xolos. Qayog’da deysiz, faqat turkistonlik sartlar bo’lsa
ekan - erinmagan kela boshladi - bir qrim tatari, ikkita turk,
uchta ukrain millatchisi. Lekin namoyishni kim boshladi deb
so’rang-a - hecham topolmaysiz. Kim deysizmi - nemis! Bir
paytlar sovet armiyasi tomonidan Kenigsbergdan haydalgan nemis
ekan, uni ikkala Germaniya ham qabul qilmaganidan keyin Ezilgan
millatlar tashkilotini tuzib o’nga rais bo’lib olgan ekan
bu mitti fyurer. Ana endi minbarga chiqib olib yondi bu kishi,
o’rtandi bu zot! Kinolarda ko’rmaganmizmi - fyurerlarining
otashin nutqlarini - “Xayl!” deb baqirib yuborishimizga sal
qoldi o’sha payt. Yarim soat o’z dardini aytib yig’ladi azamizda
bu nemis!
Undan keyin minbarga
ukrainlar chiqdi, ularning dardlari ham to’planib qolgan ekan,
yana deng turlicha dardlar ekan, biri bir narsa desa, ikkinchisi
- “Mikola unday emas, bunday”, deb, boyagi yerda tortishib
ketishsa bo’ladimi! Yaxshiyam boyagi qrim tatari bor ekan,
shu ajrata ketdi. Bu bois biroz ukrainlarga aralashib qolib
o’z navbatini o’tkazib yubordi shekilli - shirinsuhan bir
turk minbarni oqqan xamirga o’xshab egallab olib toza g’amimizni
yedilar. “Orqadoshlarim, - dedi u tinmayin-qoqilmayin, zavolli
orqadoshlarim, Turkistonga ozodlik bo’lsin!” - biz ham shu
pirni, shu shayxni kutib turgan ekanmiz chamasi - qodiriya
tariqatidagi halqalarga o’xshab: “Turkistan - free! Russia
go home!” - deya quduq kovlagan ho’kizlar kabi aylana bo’ylab
yurib, baqira-baqira jazavaga kira boshladik. Kimningdur qo’lini
tutganimcha aylanib yuribmanu: - “O’lding Oltoer! O’zbekistonga
qaytishing bilan qamalding-a!” - degan fikr miyamda o’zim
kabi gir-gir aylanadi! Bu ham yetmagan ekan chamasi, boyagi
turk shayximiz minbardan tushgan edilar, turkistonliklarning
jazavasi qo’ziganini ko’rib hech qaysi orqadosh xalq minbarni
egallashga botinmadi chamasi, sartlardan biri chiqib - iltifotli
xalq emasmi - jazavasi qo’zisa ham mulozamat degan narsani
unutmaydi-da: “Aziz vatandoshlar, bu yerda vatandoshlar orasida
eng vatandoshimiz ham ona vatanimizdan kelib turibdilar, qani,
to’rga buyursinlar!” - deb qolsa bo’ladimi.
Boyagi halqasimon:
“Huvva-huvva!”-larimizga bu paytga kelib Birlashgan Millatlar
Tashkilotining bir qancha yuksak derazalari ochilgan, uni
ko’rib tumonot turistlaru, rasmkashlar, oddiy haybarakachilar
to’planib olishgan. Bular ham o’z huquqlarini qizg’angan bachabozlarmi-besoqolbozlardir-da
- deb anqayib turishibdi. “Bu ko’rgilikni berganam, olganam
Xudo”, - deb minbarga chiqdim. “Birodarlar, - dedim. Miyamda
esa Erkin Vohidovu Abdulla Oripovning va’zxonlik yo’llarini
hech uyg’ota olmayman. Aziz birodarlar, - dedim, - akalar,
opalar-singillar!” Taq to’xtadim. ×unki o’ylab boqsam
- bu Stalinning urush oldidagi nutqiga tortib ketdi-da. Bunday ketaversa, hozir yengilmas
Qizil Armiya devorishim ham - turgan gap. Ana unisi esa -
xuddi qaynab turgan qozonga tappi tashlab yuborgandek bir
narsa. Bunisi esa didga
zid.
Maqomni sezamiz-da,
yozuvchimiz. Faqat shundan bo’lsa kerak, bu yoshu-qari, ishlarini,
do’konlarini ikki soatga tashlab bu yerda millat haqida qayg’urayotgan
- mayli juda bo’lmaganida yiliga ikki soat ochiqdan-ochiq
yetti yot ellarda millatini eslab qo’yadigan bu hamyurtlarimga
shunday ham rahmim keldiki - ko’zlarimdan yosh potrab ketay
dedi: “Azizlarim, - dedim, sizlar, bizlar bu yerda bir siqimginamiz,
ovozimiz ham bu derazalardan o’tmasa kerak, o’tsa-da, unga
na quloq soladigan, na uni tushunadigan bor, lekin men kelgan
yerda sizning yigirma millionli xalqingiz bor, ana uning ovozi
sizlarga hamohang ko’tarilganida bu ovozni eshitgan ham eshitadi,
eshitmagan ham...”
Bir narsalar dedim-ey
o’sha kuni - bizda ham ancha to’planib qolgan ekan - bilmay
yurar ekanmiz. Ha, lekin boyagi To’ramga qaytay. Namoyish
ham tugab bo’ldi, hovurlar pasaydi, xuddi hammomdan chiqqan
qo’ni-qo’shnidek nafas rostlab turar edik, hozirgina millatchiligini
yap-yalang’och namoyish etganlar endi mutavoze’ kiyimlarini
kiyib olishgan, mulohazali bir Amerika fuqarosi suratiga qaytib,
kimi yana do’koniga - Iso-payg’ambar milodi oldidan qolgan
savdosini qilib olishga shoshiqar, kimi bir piyola choy ichib
olsak bo’lardi, - deya boshqalarning jamoa tuyg’usiga xitob
etar edi. Men ham cho’chog’i kesilgan boladek - to’yimdan
keyin bir o’zim yakka boshimga qolganimni sezib BMTning sershamol
maydonida ma’yus turar edim. Bu payt oldimga boyagi bir yuz
ikki yashar To’ram keldi-da: “Siz Poshsha-xon-to’raning jiyani
ekansiz-da?” - deya o’zlarini tanishtirdi.
Allanarsalar haqida
gaplashib turar ekanmiz, aslida bu payt ko’ngilga hech gap
yuqmas edi. “Bolam, - dedi boyagi To’ram, siz ancha jiddiy
oldingiz chamasi, o’zbeklarga nima kerak - qorin to’q bo’lsa,
bozor chaqqon bo’lsa, yana...yana... ana qarang anavi rasmkash
qizni, chaqirib beraymi? Pay-pay-pay, belini qarang, ko’targan
jihozidan chirs etib sinib ketsa-ya! Mana men yuz ikki yoshdaman,
hali ham yo’q demayman! Ovqatni yaxshi qilib turish kerak
xolos! SHunda bel ham baquvvat bo’ladi!” Ana shu so’zlar
bilan To’ram piltillaganlaricha boyagi rasmkash qiz tomon
yuzlandilar...
U ham Olyalardan biri bo’lsa bordur-da! Xullasi, To’ramning
to’riga o’sha kuni baliq tushsa tushdiki, Jamoliddinning qarmog’iga
birortasi ilinmadi.
Yana vodiyga qaytaylik.
Namanganning Jumabozor mahallasida Hoji-ota Nizom
o’g’li degan inson yashar edi. Bir paytlar Toshkentda nimalardir
bahona bo’lib uchrashganimda: “Biz hanuz Namangonda zikrni
to’xtatganimiz yo’q, hanuzgacha biz ishq ahlimiz, keling,
halqaga qo’shilasiz”, - degan edilar, ana o’sha kishini qidirib
bordik, kinoga olamiz deb. Mahallasidan topdik. Biroz beishtiyoq
moshinamizga ham chiqdilar-da, qani, boraveraylik-chi, bir
gap bo’lar, - degandek, Qapchimi yo Qapchig’ay degan qishloqqa
moshinamizni soldirdilar. U yerga ham qosh qoraymaguncha kirib
bordik. Masjidning mutavallisini topaylik, - degan fikr bila
biroz qishloqni ham aylandik. Bo’kalarda paxta terib yuradigan
qishloqlarimizdan ekan - o’zining soyi, o’zining tegirmoni
bor qishloq. Bunday qishloqlarga Namangan-pamanganni ham keragi
yo’q-da! Bu yerdan chiqishning ham hojati yo’q. Shu qishloqda
tug’ilasan, shu yerda seni o’n ketmonlik yerga qo’yib kelishadi.
Nihoyat mutavallini ham topdik. Yangidan Quron
o’qiganlardan ekan chamasi, “yo’q” deb turib oldilar. Rasmlarga
loshi deb yozib qo’yadiganlardan ekan: “Rasm chekish gunohdir”,
- deb turib oldilar. Hoji-otaga imlaymiz, Hoji-ota ham zo’r
berib: “Bular bu kinoni Angiliya degan joyga olib borib qo’yishar
ekan-ta, u yerdi ham musulmonlari bor ekan-ta, ana o’nashilar
bizlardi taklip etishar ekan-ta! - deb oldilar. - Savob bo’ladi
bulardi g’aplattan uyg’otsak!”
Aravaning g’ichirlagan g’ildiragi kabi mutavalli
onglarini ham g’ichirlatib biroz burib berdilar Hoji-ota.
“Bo’lmasam halqadan oldin meni olasizlar, men bunga fatvo
berayin”, - dedilar nihoyat mutavalli taqsirlari. Ha, gap
bu yoqda ekan-da, mayliga, o’zlaridan boshladik. “Ajma’inu
va ba’d azdan” oldilar. Yarim soat va’z berdilar. Farah ham
shaytonning bir turi emasmi, kamerani bu bechora pokko’ngilga,
bu bechora soddaongga niqtab olganu, kinosini olmayapti, taqsir
esa jonini jabborga berib bu xudosiz Angliyaning aholisiga
da’vatu-o’gitlar qilib yotibdilar. Baribir adolat bor ekan
bu dunyoda - o’zlari aytganicha - shayton yo’liga yurmadilar,
rasmlari chekilmadi-da ba oqibat!
×ekilgan rasm - halqayu, halqadagi zikr
bo’ldi.
Yana
qaytsak maqsudimizga. Yaqinda men yana bir bor ayni o’sha
odamlarni ayni o’sha yerlarda aylanib chiqdim. Deylik, Namanganda
amirul-mo’’minin mahallasiga tushib qolgan edik, o’zi badarg’a
bo’lgani tufayli bir uyidan xabar olay, - deb mahallasining
tor ko’chalari bo’ylab o’tishga o’tib bordigu, eshiklarini
qoqqanimizda, onalari shunday ko’rinish berdilaru, birdaniga:
“Yo’q meni bunday o’g’lim, o’lib ketsin bunday o’g’lim!” -
deya, yig’lab ketdilar. Ha, hayot uch-to’rt yilda ancha o’zgarib
ketdi. Namangonlik Mashrabni esladim o’sha on. “Namangondin
ketar bo’lsam, mani so’rar kishim bormu...”
Vaqoei sanai als arba’ mia salas ashr
Jamoliddinning hayoti ham o’zgargan deb eshitaman. O’shanda
uni ham balig’u kaptarlari, valasapidiyu sovrinlari bilan
tinch qo’yib, oladigan kinomizni oldigu, Milan orqali yana
Parijga qaytdik. Ana qaytdik maqsudimizga. Fontenblodagi mademuazel
De Syuzdan Parijdagi Madam Xyugenikiga ko’chishimiz tarixini
aytay. Bizning hayot ham o’zgarganidan so’zlay.
Parijda Elen degan dugonamiz bor. Opera ashulachisi.
U haqida bir romanimda ham yozganman. Ana shu dugonamiz bir
uchrashganimizda aytib qoldi: “Mening bir shogirdim bor. So’qqabosh
ayol. Shunikiga ko’chinglar, atigi olti-no’l-no’l frank to’laysizlar”.
Ruschada biroz no’noqroq bo’lgani uchun raqamlarni bo’lib-bo’lib
aytadi. “Olti-no’l-no’l” degani - oltiyuz frank-da! Albatta
mademuazel de Syuzga to’lab turgan bir yarim ming, ya’ni Elen
aytmish “bir-besh-no’l-no’l” frankdan ko’ra deyarli uch barobar
afzalroqda. Martin degan ayolning onasi Frantsiyaning allaqaerida
turar ekan, so’nggi payt xastalanib, Martin undan tez-tez
xabar olib turishga majbur emish. Ana shu paytlari gullarga
suv quyib turadigan odam bo’lmas emish. Bir kun Martinning
o’zini ham ko’rdik. Tuzukkina ayol.
Qisqasi, Italiyadan qaytishim bilan Elen o’zining moshinasida
eri Lionel bilan keladigan bo’ldi-da, bizni Fontenblodan Parijning
Nanter degan qismiga ko’chiradigan bo’ldi. yetib keldi o’sha
kun. Kampirga ham dabdurustdan aytildi yangilik. Lekin yangilikdan
biz emas - kampir naf topib chiqdi. Esingizdami, unikiga ko’chishimiz
paytida bir oylik ijara haqini kafillikka bergan edik, ana
shu bir yarim ming frankni kampir ushlab qoladigan bo’ldi.
“Hay, insof qiling, biz chet elliklar bo’lsak, siz qariya
bo’lsangiz...” - “Yo’q,
- deydi, bizning qonunlarimiz shunaqa. Men o’rningizga ijarachi
topa olmayman-da, xonam bo’sh qoladi”. - “Ha, shundog’am o’ntaga
yaqin xonalaringiz bo’sh-ku”, - desak, - “Bu xona maxsus xona,
uning bozori chaqqon”, - deb turib oldi kampir. Asrlab burjua
tarbiya topgan-da! Biz yengarmidik uni?! Ichlarimiz bo’shashib
tark etdik bu xonadonni. ×amadonlarimizni Elen va Lionelning mitti moshinasiga
yukladigu, ketdik Nanterga.
O’sha kuni Martin chindan ham onasinikiga ketgan ekan. Vishi
degan shaharga. Uyiga kirib bordik. O’ymisan-uy ekan. Ikki qavatli mezonet. Ya’ni uycha. Endi kampirning o’n sakkizinchi
asr katalagidan keyin bunisi koshona bo’lib tuyulardi bizlarga!
Ikkinchi qavatni bizlar uchun tayyorlab qo’ygan ekan, chiqib
bordik boyagi yerga. Narsalarni
odamlardek joylashtirdik, uf tortdik. Pastda gullarni ko’rdik,
televizoru, royalni. Keliningiz shu zahotiyoq buning kalitlariga
ham bosib boqdi, Lionel Elen ovozida kuylagandek ham bo’ldi,
toza kulishdik. Rost-da, bu kabi joyga ega bo’lish uchun bir
yarim, Elen aytmish “bir-besh-no’l-no’l” frank ham qurbon
berish arzigulik!
“Endi esa - restoranga, - dedi Elen. Biz sizlarni taklif
etamiz!” Elenning turgan-bitgan hayoti o’yin-kulgu. Zerikish
degan narsa yo’q. Otasi - ruslarning dvoryanlaridan - shuning
uchun ham Vasilev degan ismni Vassileff shaklida ko’tarib
yuradi Elen. O’sha kuni xitoy restoraniga olib borgan bo’lsa,
boshqa kunlari u yoki bu kontserti bahona - kontsertdan avval
- qo’lda sharob - tikka uchrashuvlar-tirjayishlar, kontsertdan
keyin esa yaponmi, hindmi, tailand restorani - yana bazm,
yana o’yin-kulgu.
Ikki kundan keyin Martin kirib keldi. Ikki og’iz bu ayol haqida
gapirsam. O’zbek degani noshukur bo’ladi, nimani eslaysan
- bizni ezganini. Qirq beshlarga kirib qolgan bu ayol hech
turmushga chiqmagan, shuning uchun ham butun vujudi bilan
mana shu uyiga, mana shu ashyolariga berilgan. Endi ashyolari
ham to’rt-besh nasldan naslga o’tib kelgan ashyolar, xontaxtalarmi-ey,
likobchalaru guldonlar. Ana shularga bexosdan tegib ketsangiz,
yoki ustiga piyola u yoqda tursin, bir varaq qog’oz qo’yib
qo’ysangiz - ana ko’ring javrashni, ana ko’ring kuyunishni:
“Voy, nima qilyapti bu kishi o’zi, buni ustiga qo’yib bo’ladimi,
bilasizmi, bu menga katta xolamning ammasidan qolgan narsa-ya!
Bilasizmi buning narxi qancha...”, va shundayin, va hokazo.
To’ydirvoradi hayotingizdan. Bu - boyagi o’zbekchilik deganim.
Endi esa Martin haqida haqiqatni aytadigan bo’lsam yetti yot
oilani o’z uyiga qo’yib, bir boshli hayotini ularga ishonib
ketibdi bu ayol - hech bir zamonda o’zbeklaringiz orasida
topasizmi bunaqasini?! Har ikki kunda moshinasiga o’tirib
olib - ketadi Vishiga. Haftalab yo’qolib ketadi. Qaytib kelib
esa katolik bir jurnal uchun nemischadanmi yo inglizchadan
maqolalar tarjima qilib o’tiradi. Mana shu bilan kun ko’rib
yuradi. Oyiga olgan maoshi - boring mingmi, bir yarim ming
frank - universitet studenti ham u-bu yerda ishlab bundan
ko’p pul olsa kerak. Lekin har kuni u yoki bu o’rtog’imi,
amakivachchasi va yo xolasining qizi bilan dejeunerda, ya’ni
tushlikda.
Onda-sonda ularni o’z uyiga ham taklif qilib qo’yadi. Ana
o’shanda palovmi-somsa pishirgan bizlar oshna-og’aynilariga
sotilamiz: “Mana, O’zbekiston degan yerdan kelgan do’stlarim”.
Boshqalarda bunaqalari yo’q-da, rosa havas qilishadi. Martinga
shuning o’zi kifoya. Martin shu bilan boy. Shu bilan ovoza
bo’ladi.
Allaqaysi dinlar orasidagi rishtalar degan to’garaklarga boshlab
yuradi bizni. “Tekin ovqat bo’ladi u yerda, - deydi. Pechka
oldida o’ralishib yurasizlarmi, - deydi. Tayyori turganda”,
- deydi. Boramiz. Bir yahudiy bilan bir arab - yahudiysi -
zerikkanidan, arabi - bizlarga o’xshab - tekin tomoq yuzasidan,
boshidan kechganlarini aytib o’tirishadi. Yahudiy ayolning
qizi qora yigit bilan yura boshlaganmish. Ota esa ruxsat bermasmish. Din yuzasidan. Ana shuni oshkora qiladi boyagi
ayol. Barcha boshini chayqaydi. “Qani endi dinlarimizni birlashtirsak
edi”, - degan takliflar yangraydi. Kimdir bahsga kirishib
ketadi, lekin orada sharobu pishloqlar tarqatila boshlaydi,
bahslardan ularga chalg’iydi aksariyat. Biroz sharoblashgandan
keyin esa - qarabsizki farqlar unutilgan, hamma apoq-chapoq,
ayniqsa Martin hammaga bizni tanishtirib - Mavlono Rumiyning
uzum haqidagi rivoyatini so’ylatadi.
SHarob o’sha uzumdan emasmi.
Aytamiz o’sha rivoyatni...
Yaxshi odam har yerda ham
yaxshi odam ekan. Yaxshilik esa millat tanlamasdan yaxshilik
ekan. Martinnikida ertalab turaman-da, chiroyli bir plastinka
- deylik “Ave Mariya”ni qo’yaman-u, ishga kirishaman. Roman
yozaman. Biram dildan chiqadi-ey, oqib tushadi. O’zbek musiqasi
bilan ham sinab boqdim - bo’lmadi. O’zimiznikimasmi - chalg’itadi,
tortib ketadi, yozayotgan narsangni ham unutib yuborasan.
Ayniqsa, Toshkentda qolgan qizingni eslab - har bir so’zni
ming maqomga yo’yasan. Afg’on laparlarida: “Bolangni olay
Majid”, va yo andijonlik otinoylarning ashulalarida: “Ayrildim
do’stlar yolg’iz gulimdan...” - degan so’zlarni eshitib qoldingmi
- bo’ldi - bunisi men haqimda ekan, - deya sarosimaga, talotumga
tushasan, jon holatda Martinning telefonidan Toshkentga sim
qoqasan va nihoyat qizing ovozini eshitib biroz tinchiysan...
Uf...
Biroz chalg’ib ketdim. Italiyadan qaytgach Martinnikiga ko’chganimizning
birinchi kunlari men shaharning roppa-rosa narigi chekkasida
Jamoliddin haqidagi fil’mni montaj qilishga borib yurdim.
Jamoliddin ham olti soatga yaqin so’zlab qo’ygan ekan, shundan
olti minutlik narsa olishimiz kerak. Buning uchun esa olti
soat gapirganini tarjima qilishim keragu T’eri-Matrasulovich
bulardan keragini tanlashi kerak. Ana o’shanda o’sha tanlangan
joylarni - saylanmani kino tasmada topib chiqishim kerak-da,
uni tayyorlanayotgan kino bilan moslab chiqishimiz kerak.
Ya’ni biroz emas, bu safar ancha-muncha chalg’idim. Ishga
qatnash lazzati boshqacha bo’lar ekan. Vaqtida tushlikka chiqish
gashti boshqacha bo’lar ekan. Umrimda davlat ishiyu mehnatini
qadrlamagan ekanman, bu yerda yetdim qadriga.
SHunchalik bu televidenie bilan yaqinlashib ketdimki, bir
kuni uyda tarjimamni davom ettirib o’tirsam, telefon jiringlab
qoldi: televideniedan: “Zudlik bilan yetib kel, favqulodda
bir hodisa!” - deb qolishdi. yetib bordim boyagi yerga. “Nima
bo’ldi?” desam - mashhur raqqos Rudol’f Nureev olamdan o’tgan
ekan. Musulmonmasmi har holda, o’zimizning boshqirdlardanmitatarlardan:
“Xudo rahmat qilsin!” deb, yuzimga fotiha tortdim. Lekin
bular fotihaga emas, raqqosning so’nggi aytgan so’zlarini
tarjima qilishga chaqirishgan ekan. “Mana bu, - deyishdi televideniening
kazo-kazolari, - biz raqqosni tasmaga tushirgan so’nggi kadrlarimiz.
Bu yerda u ruscha so’zlashib ketyapti. Nimalar deyapti? ×unki
bu uning so’nggi so’zlari, hozirning o’zida berishimiz o’ta
muhim!” Quloq tutdim. Eshitsam - Olloh-Olloh! - turgan-bitgani
so’kinchu uyat gaplar. Boyagi - bir do’stim aytmish - “qil-qil”
gaplar. Endi, deng, bu lisoni sharmandai sharmisorni frantsuzchaga
o’girishim kerak. “Egalik haqida gapiryapti, ayol ustidan
egalik. Leningrad baletida ishlab yurganida rejissyorning
nom-ba-nom raqqoslar ustidan egaligi haqida...”
Bir narsani sezdim men. ×et elliklar bir gapni tushunishmasa,
qoshlarini chimirishmaydi, balki peshonasini tirishtirishadi.
Bu kazolar ham peshonalarini - tushunmaganlikka olib - tirishtira
boshlashdi. “Sikkani haqida, sikkani”, - degan edim, peshonalar
birdaniga yozilib hamma paqqos kulib yubordi. yengil, yengiltak
inson ekan, bu Nureev degani. Beso’z berishadigan bo’ldi bular
uning so’nggi tasvirlarini. O’lasanmi-kulasanmi degani shu
bo’lsa kerakdir-da!
Oh, o’sha bahor boshlangan kunlar! Pullar qarzlarni to’lash
ketida odosh bo’lgan, turish iznimizning tayini yo’q, har
tomondan yetib kelayotgan allaqanday hayot bosimi va yurakni
ezuvchi ayriliq hissi... U yoki bu yerdan ishlagan to’rt-besh
tangang bilan “Leklerk” degan do’konga chiqib borar ekansan,
yerlar quriy boshlagan, bolalar - sog’lom oilalarning sog’lom
bolalari bu qurigan yerlarga chiqib futbol o’ynay boshlashmoqda,
sening ishlaring esa, boyagidek - mujmal, iching ham muhmal.
Yana yolg’iz uyga qaytasan, romaninggami yo she’ringga o’tirasan,
yuragingni anordek siqib, qoniga bulantirasan, hech bu uyga,
uy oldidagi bog’chaga sig’masang - ko’chaga chiqib ketasan.
INALKO degan sharqshunoslik institutiga borasan, yo’l-yo’lakay
ashulalarga ko’milib ketasan, ichingni kemirasan, bir amallab
kuningni kutubxonada - unga yo bunga chalg’ib butkazasanu,
yana uyga qaytasan, yana o’sha yolg’izlik, yana g’ariblik,
yana sog’inch...
Martin ustimizga xotin olgan er kabi belorussiyalik yana bir
musiqachini uyiga keltirib qo’ygan. Uni ham boyagi Elen tavsiya
etgan. Bu hisobdan ham erkinligimizu erkaligimiz bitgan. Ertalabdan
tura solib bu kishi o’z g’ijjagiga yopishadi, yana ich-ichlarimizni
g’ing’shitadi.
Yaxshi narsalardan
gapiray. Qiziq-qiziq gaplardan gapiray. Meni shpion qilib
yollashmoqchi bo’lganlarini aytib beraymi? Italiyadan qaytib
kelgach yurtga keltirgan foydam uchun boyagi televidenie oraga
tushib yana o’n besh kunga Frantsiyada turish iznimni uzaytirib
berdi. Lekin bu o’n besh kun ham boyagi fil’mni tayyorlash
bilan g’iz etib o’tib ketdi. Orada ro’za ham boshlanib ketdi.
Ana o’shanda yana bir bor g’amimizni Elen yeydigan bo’ldi.
Boyagi belorussiyalik g’ijjakchi bilan qilmoqchi narsasini
qilmoqchi bo’ldi bizga nisbatan. Ashulachimasmi, minglab muxlislari
orasidan Transport vazirligida ishlaydigan bir ayolning nomini
aytdi-da: “Bir dona kitobingizdan olib, oldiga o’ting, u ayol
sizlarni o’ta muhim bir inson bilan tanishtiradi”, - dedi.
Ana o’sha inson hamma ishingizni besh qilib beradi.
Aytib qo’yay, undan
avval ne kuylarga tushmaganmiz turish izni ketida. Prezidentga
yozgan xatimga javoban Tashqi Ishlar Vazirligiga chaqirishgan,
lekin orada saylovlar bo’lib, ishimiz bilan shug’ullangan
xodim saylanmay qolgan-da, o’rniga yangisi kelgan, Frantsiya-O’zbekiston
degan tashkilot ham oramizga tushgan, Milliy Majlis a’zolaridan
biri bizni qo’llab maktub yozgan, politsiyaga borganmiz, lekin
politsiya - avvaliga chet elga chiqib kelinglar, ana o’sha
yerdan bu hujjatlar bilan siyosiy boshpana so’rashingiz oson
bo’ladi, - degan. Hay, birodarlar, bizga boshpananing keragi
yo’q, agarda biz bu yerdan chiqib ketadigan bo’lsak esa, boshqa
qaytish yo’q, - desak ham bir nuqtaga taqalib qolishgan.
Mana shu holatda boyagi
ayol bilan uchrashdik. Ayol esa janob Manerba degan yozuvchi-yu
o’ta muhim inson bilan uchrashtirdi. Uchrashuvlar, frantsuzlarda
bilasiz, tushlik ustida uyushtiriladi. Bahonada “La Defans”
degan o’ta zamonaviy binoning oshxonasida antiqa-antiqa ovqatlarni
ham yeb boqdik. Bu insonning aytishicha qonunlar bor ekan,
ularni buzmasdan aylanib o’tish yo’llarini topish lozim. “Menga
bir kun muhlat bering, sizga telefon qilaman”, - deb aytdi
u, to’yimli ovqat ustidan turar ekanmiz. Keyin bilsam, uchrashtirgan
odam ham, uning o’zi ham frantsiyalik polyaklar ekan.
Ana endi davomini
eshiting. Ertasiga kechqurun Manerba janoblari o’zlari sim
qoqib qoldilar-da: “Siz bilan o’zbek tili darsligini yozadigan
ko’rinamiz, - dedi. Ishingiz hal bo’lyapti, qoladiganga
o’xshaysiz”. Avvaliga ishonmadim: Prezidentu Milliy
Majlislar hal qilisha olmagan narsalar-a! “Ertaga mana shu
telefon orqali janob Marsak degan insonga sim qoqasiz, shu
inson sizning ishlaringizni to’g’rilaydi”, - dedi janob Manerba
va ishlar yuzasidan o’zini boxabar tutishni iltimos qilib,
xayr-ma’zurlarini aytdi.
Ertasiga Marsak janoblariga sim qoqdim. Marsak janoblari ham
rasmiyat yuzasidan so’raydigan narsalarini so’radi-yu: “Ertaga
bo’lmasa barcha hujjatlaringizni olib “Odeon” kinoteatrining
ro’parasida shunday-shunday degan kafega keling, o’sha yerda
gaplashamiz,” - dedi. Bir tomondan hayron bo’ldim. Hujjatlar
bilan kafega keling dedimi? Lekin o’ylab, ha tushlik payti-ku,
frantsuzlar esa, boya aytganimdek, ishlarini yaxshi tushlik
bilan chog’ishtirishni xush ko’rishmaydimi. Mayli-da, ertangi
kunimning tushligi ham, Martin aytmish, tasdiqlandi, deya,
ertasiga boyagi kafega yetib bordim.
Bir payt 24-25 yoshlar chamaliq bir yigitcha kirib keldi-da,
ruschasiga olib: “Janob Ma’di sizmisiz?” - deb qoldi. Tanishdik.
U ikkalamizga yengil-elpi ovqat buyurdi-da, hujjatlarimni
qo’liga oldi. Birma-bir ko’rib chiqdi. “Hal bo’ladigan ish
ko’rinadi”, - dedi. Keyin yozuvchilik ishlarimdan so’radi.
Ovqat ustida uyoqdan-buyoqdan gaplashib o’tirdik. Qahva ham
keldi. Ana o’sha qahva ustida u hujjatlarga so’nggi bor cho’mgandek
bo’ldi-da: “Agarda iznni to’g’irlasak bemalol O’zbekistonga
ham borib yurishingiz mumkin bo’ladi”, - dedi. “Inshaolloh”,
- dedim men. Jazoiru boshqa arab mamlakatlari Frantsiyaning
mustamlakalari bo’lmaganmi, “inshaolloh” degan so’zni hamma
tushunadi. U kulib qo’ydi. Keyin, ko’zlarini qog’ozlardan
uzmay: “Biz sizga yordam bersak, tabiiyki, siz ham bizlarga
yordam berasiz, shunday emasmi?” - dedi. Tushunmadim. “Tushunmadim”,
- deb aytdim. “Bizga ham O’zbekiston haqida u-bu ma’lumot
kerak, shuni nazarda tutyapman-da. Odamlar bilan uchrashasiz,
do’stlaringiz bor...”
Ana o’shanda barining tagiga yetib bordim. Qon lop etib miyamga
urdi. “Tushunmadim, siz meni yollayapsizmi?” - deb so’radim.
Yigit seskanib tushdi. “¨llayapsiz? Bu nima degani?”
- Ҭllayapsiz degani josuslikka olyapsizmi? - deb izohladim
men. Bilasizmi, men bugunning
o’zidayoq buni hammaga aytaman. Prezidentingizdan boshlab...”
“Yo’g’-e, - sarosimaga tusha boshladi vajohatimdan u.
Yo’g’-e, shunchaki, yordam to’g’risida so’radim-qo’ydim-da...
- dedi sal bo’shashibroq u. Mayli, keling, avvaliga hujjatlaringizni
hal qilishga harakat qilib boqaylik-chi... - bu so’zlar bilan
u qahvasining so’nggi ho’plamini ho’pladi-da, - kechirasiz,
men ishga borishim kerak”, - dedi-yu, xayr-ma’zursiz o’rnidan
turdi.
Men ham biroz gangib “Odeon” atrofida aylandim-da, birdaniga
nima qilishim kerakligini tushundim. Birinchi avtomatdanoq
Manerba janoblariga sim qoqdim. Xayriyat, uyida ekan. “Janob
Manerba, - dedim men, - hozirgina siz tavsiya etgan janob
Marsak bilan uchrashdim, u meni yollashga harakat qildi...”
“Kechirasiz, tushunmadim”, - dedi ancha sovuqqonlik bilan
Manerba janoblari. “¨llashga urindi”, - dedim, sal shashtimdan
tusha boshlab men. “Xo’sh”, - dedi, tushunmagandek janobi
Manerba. “Josuslikka olishga harakat qildi. Men bunday bo’lishini
bilganimda, umuman hech kimga murojaat qilmas edim. Men yozuvchi
sifatida murojaat qilsam, bular esa...” - “To’xtang, - dedi,
janob Malerba, - men unga sim qoqay-chi, balki tushunmovchilik
bo’lib o’tgandir...”
Manerba janoblaridan keyin uyga yetib kelib birma-bir Elenga,
Jan-P’erga, T’eriga ja’miki do’sti-birodarim bo’lsa bariga
sim qoqib, bugun meni yollashmoqchi bo’lganlarini oshkor qildim.
Rosa telefonda o’tiribman o’sha kuni, chunki kechqurun Manerba
janoblari sim qoqib: “Kuni bo’yi siz bilan ulanmoqchi bo’ldim,
nuqul band ko’rsataverdi, - deb qoldi. Marsak janoblari
bilan gaplashdim, u banihoyat havfsizlik yuzasidan sizni tekshirib
boqibdi-da, hoynahoy o’zingiz O’zbekiston josusi emasligingizni-da...”
Ana o’shandan keyin go’yoki bir kunda hal bo’luvchi ishlarim
- janob Marsak aytmish “stade de la regularisation - rasmiylashtirish
jarayoniga cho’mdi-yu, oqibatda esa men bemalol Frantsiyada
qolaverdim. Hozir bu ishlarni eslab, o’zimcha g’ururlanib
ham qo’yaman, men ham birovga kerak bo’lib, meni ham umrimda
josuslikka yollashmoqchi bo’lishgan-da!
To’rt-besh tanga topish haqida gapirdim. ¨llansam millioner
bo’larmidim. Keyin esa O’zbekistonga kelib: “Oltoer, qaerda
ishlab yuribsiz?” - deb so’rashsa, sekingina quloqqa shivirlab:
“Farangistonga josuslik qilib yuribmiz”, - desam-da, do’stlarim:
“Qancha to’lashar ekan?” - deganlarida, - “Million”, - deb
javob berganimda: “Og’ayni, mana o’g’ilchamiz ham (yo jiyanchamiz)
katta bo’lib qoldi, frantsuzchasi binoyidek, shuni ham kiritib
qo’yishshi iloji bo’masmikan, bizdanam bir kun tegib qolar...”
- deyishsa-ya. O’zbekchilik-da... Qayoqda deysiz. Kunimiz
o’sha to’rt-besh tanga topishga qolib ketgan ekan, shulardan
so’ylay.
Kino olganimizni aytdim. Bundan boshqa ishlagan pulim - bir-ikki
joyda lektsiya o’qish, Parijning turk radiosida o’zbek ashulalarini
targ’ib etish, bir do’stimiz ozarbayjonlarning lazer plastinkasini
chiqarayotgan ekan, aytiladigan g’azallarning matnini qog’ozga
tushirish va shunga o’xshagan narsalar. Qisqasi - uch-to’rt
tanga tegadigan nimaiki ish bor ekan, hazar qilmasdan ishlanaveradi.
Mana rassomu haykaltarosh do’stlarimizdan biri: “¨zloqimni
ta’mirlayapman, shunga yordam berib yuborasanmi, boshqalar
olib ketadigan uch-to’rt tangani o’zing olib qo’ya qolarding”,
- deb qoldi. Albatta-da! Umrida uy qurmagan, yo uy ta’mirini
ko’rmagan o’zbek o’zbekmi?! Biz ham bolalagimizdanoq loy qorishtirganmiz,
g’isht quyganmiz, enagimizni tushirtirib, paqir-paqir loyni
- girdi darvishlar kabi aylantira-aylantira tashib yurganmiz...
Bordim aytgan yozloqiga. ¨zloqiyam yozloq ekan-da! Qasr!
Yana deng Marsel’ Prust “Svan Tomon” degan romanini yozgan
qasrga qo’shni bo’lsa bormi! Ana boshladik ishni. Avvaliga
ilgarigi suvoqni qumqog’oz bilan tozalab chiqadigan bo’ldik.
O’lardek qiyin ish ekan. Ohagu alebastrning changiga ko’milib
ketasan, ich-ichlaringa kirib ketadi bu oq oxorlar, bu oq
g’uborlar. Najosatingga qadar oqarib ketasan. Vali bo’ldim
deb o’ylay boshlaysan. Uch kun qildik bu ishni. Kuni bo’yi
betinim shu ishni qilamiz-da, kechqurun, cho’milib olib, Borisning
xotini - Madlen tayyorlagan mo’l-mo’l ovqatlarni paqqos tushirib
olib, xayolkashlikka o’tamiz. Bir she’rdan gaplashamiz, bir
yahudiychilikdan, bir dunyo falsafasidan: Aflotunu Ibn-Sinolardan.
Suhbatlardan bo’shab Borisni oilasi og’ushida qoldiramanu,
o’zim to’rt atrof-jonibni aylanishga ketaman. Frantsuz o’rmonlariyu,
dalalari... Kenglik... Bexosdan uchrovchi tashlandiq cherkovchalaru
dala xirmonlari... Bo’m-bo’sh yo’llar... Ana o’sha yerda kuching yetganicha
yana o’shao’sha ashulani aytib qichqirib yurasan:
Ko’yida
yig’lar edim men zor har bemorg’a,
Endi yig’larlar bari bemorlar men zorg’a…
Ovozing ham birgina Xudoga yetib borgandek o’z-o’zingdan zerikib
ketasan, o’z-o’zingdan siqilib ketasan, yorilib ketging keladi
shu dalalar, shu kenglikka tengu monand.
Keyin esa ho’l suvoqni boshlab yubordik. U bitgach esa bo’yoqlashni.
Bu yog’i osonroq kechdi. ×angu-gird qolmagan, shir-shir
yumalama jihozda bo’yoqni shipga surkab-surkab yuborasan,
devorlarni aytmasang ham bo’ladi - bo’yoqning o’zi oqib tushaveradi.
Kamroq charchab ko’proq urg’uni yana o’sha mutafakkirlikka
bag’ishlaymiz. yechmagan muammomiz qolmadi o’shanda! Dunyoning
birinchi she’ri deya, Boris Ezra-nabining o’z o’g’illariga
aytgan so’zlarini “Injil”dan keltirsa, men teparoq kelib,
“Qissasul Anbiyo”dan Odam Atoning Nosiruddin Rabg’uziy iqtiboslagan
she’rini keltiraman. Dunyoning so’nggi fikri deya, Boris allaqaysi
Jak Derridadan olsa, men unga javoban o’zimizning Parijda
o’zimizning Hamid Ismoil kashf etgan o’zimizning faylasuf
So’qrot SHarqievning “Savol xususida risola”sidan olaman.
Boris, Boris deyapman, Boris bilan tanishganimini aytib beray.
Avvalroq so’ylagan edim, xalqaro Frantsuz radiosida bir og’aynim
bor edi: O’zbekiston 1990 yilda birinchi bor mustaqilligini
e’lon etganida mendan interv’yu olgan og’aynimchi! Ana o’sha
og’aynimning bir kuni tug’ilgan kuni kirib keldi-da, tejalgan
pullardan qimmatbaxo bir shisha sharobu, o’zbekchilik mayda-chuydalaridan
ko’tarib bordik. Ana o’sha yerda sobiq vatanimizdan o’n-o’n
besh yil avval frantsuz shoirasiga uylanib chiqib ketgan vatandoshimiz
bilan tanishdik. Uning o’zi haykaltarosh bo’lib, ismi Boris
ekan.
Boshqa bir kuni esa boyagi og’aynimiz bizni Borislarnikiga
olib boradigan bo’ldi. “Boris, - dedi u, - bir jurnal chiqarish
niyatida yuripti. Agarda qiziqroq u-bu narsangiz bo’lsa kiritaylik”.
Ana shu bahonada Boris bilan uning uyida uchrashadigan bo’ldik.
¨zloq uyi ham Parijdan bir yuz ellik kilometr yerda ekan,
boyagi og’aynimning moshinasida ketyapmiz, endi radio xodimi
emasmi, biram mahmadona-ey, bir yuz ellik kilometrning biron
bir metrida og’zini yummadi. Borislarnikiga kirib borsak esa
- qarabsizki o’zining jurnalga olib kelayotgan maqolasini
uyida unutib yuborgan bo’lsa bo’ladimi! Ana miq etmagan bechora
xotinini “pismiq” deya so’kdi. Bechora xotini moshinaga o’tirib
yana bir yuz ellik kilometr Parijga va bir yuz ellik kilometr
orqaga yurishni ravo ko’rdi.
O’sha o’tirishimizda Boris bir katta kecha rejasini o’rtaga
tashladi. “Rus adabiyoti kechasi!” - dedi u. Qatnashuvchilarni
tanlash jarayonida ro’yxatda Borisning xotini Madlen tarjima
qilgan Nobel’ mukofoti sovrindori Ivan Bunin, og’aynim Vitaliyning
xotini Mari tarjima qilgan Anna Axmatova va yonimda mo’ltirab
o’tirgan xotinimning eri, hecham tarjima qilinmagan kaminai
faqir, faqiri xaqir - o’zim qoladigan bo’ldik. “Bular qatoriga
qo’shilsam qo’shilibman-da!” - dedim o’zimcha va qaddimni
rostladim.
Rus adabiyoti kechasi-yu, meni demasa - nuqul tayyorgarlikka
sobiq vatandoshlarim - yahudiylar yig’ilishgan. Bular bo’lmasa
bechora ruslarni biron bir kimsa eslarmidi o’zi?! Artistlarmi-ey,
ochuvchi va yopuvchilar, orqada ting’ir-ting’ir qiluvchilar,
chiroqchilar, yordamchilar - hech kimni unutmadi ulushlikka
bag’ri keng Boris. Shampan viloyatining poytahti Reymsdan
quyiroqdagi mashhur Laon shahrida o’tadigan bu kechaga katta-katta
pullar tashlanadigan bo’ldi-da! SHahar tarixida birinchi bor
rus adabiyotining peshvolari kechasi. Tarixiy shaxslaru -
tirik yozuvchi kechasi!
Adabiyot kechasi Italiyadan qaytib, lekin hali Manerba janoblari
bilan uchrashmagan paytimga belgilangan edi. O’sha kuni keliningiz
ikkalamiz nimaiki poson kiyimlarimiz bor bo’lsa ustimizga
kiyib olib poezdda yo’lga chiqdik. Hazilmi - rus adabiyoti
klassigi sifatida ketyapmiz-da uchrashuvga. Ikki soat deganda
Laonning vokzaliga ham yetib bordik. Shampan viloyatining
madaniyat vaziri kutib oldi bizni va darhol: “Maktabga boramiz,
u yerda o’quvchilar to’plangan, siz bilan uchrashuv o’tkazish
niyatidalar”, - deb qoldi u. Yo’l-yo’lakay: “O’zingiz haqingizda
ularga aytib bersangiz ham mayli-yu, lekin ular asosan rus
adabiyoti haqida tinglagani yig’ilishgan”, - deb qoldi Borisning
o’rtog’iyu homiysi - bu madaniyat vaziri. “Qancha vaqtga
mo’ljallangan bu uchrashuv?” - deb so’rasam - “Bir soat”,
deydi u. Obbo, Xudo urdi-ku, hecham rus adabiyoti haqida
bir soatli narsa tayyorlamaganman-ku! Frantsuz tilida uyoqda
tursin, qo’yib bersangiz klassik bo’lib rus tilida bir soat
gapira olarmikanman?!
Moshinada ketyapmiz, aqlim moshinadek aylanib yotibdi, nima
qilsam ekan? - deb. Ana maktabga ham yetib keldik. Ana endi
bu kutib olishlarni ko’rsangiz, umrimda bu kabi mulozamatlarni
ko’rmaganman. Klassik bo’lish yaxshi ekan-da! Gullar, o’pichlar,
imzolar... Endi tolorda yig’ilgan to’rt yoshdan to ellik to’rt
yoshgacha maktab ahlini aytmaysizmi - bari - ehtiromu diqqatning
o’zginasi! Bir tomondan har bir qadamimni kinoga olib yotishibdi.
Klassik bo’lish qiyin ekan-da! Bularning nazarida Ivan Bunin
mening o’rtog’imu, Anna Axmatova - dugonam. Ana ularga berilmagan
tavoze’larni menga ko’rsatib yotishibdi-da!
Mayli, ehtiroslarda ham o’n minutcha vaqt o’tdi. Lekin o’ninchi
daqiqaning so’ngida ismimni tantanavor aytishdi-yu, gulduros
olqishlardan keyin suv quygandek jimjitlik oraga tushdi. Ana
endi boshlashim kerak o’z nutqimni. Yana bir bor takror etaman,
klassik bo’lish qiyin ekan! Ayniqsa uchta klassikning o’rnini
bir o’zingiz bosgan paytingiz. Keliningiz ham yonimda pamildoridek
qizarib o’tiribdi.
“Aziz birodarlar, - dedim men, - rus adabiyoti muxlislari,
bu hurmatu ehtiromingizga erishganlar ham bor, erishmaganlar
ham bor (“bu kunlarga yetganlar bor, yetmaganlar bor”ning
bir soyasi-da!). Ana o’sha erishmagan ustozlarim Ivan Bunin
va Anna Axmatovalar nomidan sizlarga o’z minnatdorchiligimni
bildirsam-da, sizlarning olqishlaringizni ularga bag’ishlasam!”
- Ana bo’ldi qarsakbozlik, ana bo’ldi olqishlar - ayni shu
yerda esimni yig’ib olishga ham ulgurdim-da! “Rus adabiyoti
buyuk bir ummon, lekin men uzoq bir qirg’oqdan - o’zbek adabiyotidan
boshlasam... (qo’ynimda bir yor, ko’nglimda bir yor...)” Bu
yog’i esa ravon yo’l. Bu yog’ini g’ildiraklari g’ichirlamagan
arava kabi olib ketdim. Hazrat Navoiydan oldim - o’shanda
Hamid Ismoilning Parijda chiqargan kitobi qo’limda, har fikrimga
bir dalil sifatida bir “Qaro ko’zim”din olaman, bir “Hammomdan
nopok chiqmak”dan. Yaxshiyamki dunyoda o’zbek adabiyoti bor
ekan, yaxshiyamki uning Hamid Ismoildek frantsuz tilida targ’ibotchilari
bor ekan, o’sha yerda ham Buninu Axmatova emas, lekin Navoiyu
Mashrab bilan Hamid Ismoillar qutqarishdi meni.
Qarasam bir soatcha gapirib qo’yibman. Lekin hamma mahliyo.
“Yana maqsudimizga qaytsak, - dedim ularga. Rus adabiyoti
buyuk bir ummon. Lekin ummon ham qirg’oqlar ila o’lchanadi,
qirg’oqlardan ko’riladi. Sohillar yo’q ekan, ummonning o’zi
ham yo’q. Ummonga shakl beruvchi narsa ham sohildir, - dedim.
Mana “Hamsa” haqida gapirgan edim. Lekin qarangki, rus adabiyotida
ham ayni shu narsa eng buyuk cho’qqilarida o’zbek adabiyotidan
to’rt asr so’ngroq qaytarilgan. Pushkinni oling, Dostoevskiyning
beshta ro’monini... Bular esa alohida mavzu”, - deya sekin
xotimaga yo’l ochdim.
Xullasi, gapimni tugatganimda Bunin bilan Axmatovaning shogirdi
men emas, tarixiy boqimda ular adabiyotimning shogirdlari
bo’lib chiqdi. Shundanmi, so’zim tugashi bilan, olqishlaru
sanolar bo’ldi-da, maktabning faxriy domlaliga qabul qilindim.
Lekin bu ham beoqibat emas ekan-da, maktab qonunlari bo’yicha
faxriy domla etib saylangan odam maktabning eng iste’dodli
o’quvchilariga bitta dars berib ketishi kerak ekan. Bu ikki
yuz yillik qoidaga viloyat madaniyat vaziri ham ep kela bilmadi.
Qoldik darsga. Lekin ilhom degan narsa bor emasmi, keldimi
- ko’zingni chirt yumib uxlab olmaguningcha qutula olmaysan,
quvlay olmaysan! Jilovini qo’yib yubordim ilhomning.
“Bolalarim, - dedim, - ukalarim, iqtidorli odam uvaysiy bo’ladi,
unga ko’pincha ustozning ham keragi yo’q, qani, sinab boqaylik-chi,
men sizlarga ikki-ikki satr she’rlardan berib turaman, sizlar
bu she’rlarga nazira yozasizlar, she’rdagi fikrni kengaytirasizlar,
biringiz qadimiy uslubda, trubadurlar uslubida yozsangiz,
boshqangiz - mana bu qator, zamonaviy sochma-sochar, saj’
yo’lida bitasizlar. Qani, bo’lmasa, boshladik ko’rikni!” Biriga:
“O’tdim mano”ni berdim, ikkinchisiga: “Qon yutub yor istadim”ni,
uchinchisiga: “Omilar isyonga g’arqu”, to’rtinchisiga: “Ko’rdim
ajabo ul dilbari mahliqoni”...
Qisqasi, faxriy klassik bo’lish qanchalik qiyin bo’lsa-da,
evini keltirdik... Endi madaniyat vazirining bizga hurmat-e’tibori
oshib ketganini ko’rmaysizmi, ziyoda bo’lib ketdi, ziyoda!
Ancha charchagan ekanmiz, vazir ham sezdi chamasi, va yo viloyat
oldidagi faxriyligimizni yanada pastga tushirishni xush ko’rmadimi,
to’g’ri bir restoranga olib ketdiki, bu restoranning ta’rifi
alohida. Restoranlar odatda taomlarning turliligi bilan mashhur,
bunisi esa SHampan sharoblari yig’indisi uchun qurilgan ekan.
Endi, deng, qo’limizga taomnomani topshirishdi, taomnoma ham
taomnoma emas - naqd shampannoma ekan! Ishonasizmi, 354 turdagi
shampan sharobi bor bo’lsa-ya! Biri 1864 yilda shishalarga
quyilgani ekan, har bir finjoni besh ming frank! Deyarli bir
kino uchun olgan pulim-a!
Yo’q, hurmatimizni pastga urmadi vazir, finjoni uchun to’rt
yuz frankli shampandan buyurdi. Aytib qo’yay, ikki finjon
shampanimizning o’zi - bu yerda ikki-kun sarson-sargardon
bo’lib yurganimning to’lovidan ortib ketdi-ya! “Yaxshisi qurig’idan
berib qo’ya qoling”, - devoray debman boyagi shampan sarxushligidan!
Unday deymanu, shampanmisan shampan ekan-da, nafas olgandek
yengil ichiladi, a’zoi-badaningiz ich-ichidan harirga o’ralgandek
bo’ladi: alohida yuragingiz, alohida jigaringiz, alohida oshqozoningiz...
Miya esa bularning mayinligidan - tepada turib olib - sarxush...
Kechasi vazir xosligimizni bildirib: “Mehmonxona ajratganmiz,
lekin sizlar uyimizga borib turasizlar, shaxsiy mehmonimiz
bo’lasizlar”, - deya o’z uyiga olib ketdi. Bunaqa uyni ham
ko’rmagan ekanmiz. Ko’rinishidan ko’p qavatli qing’ir-qiyshiq,
qalashgan-ayqashgan bino. Lekin liftga kirib bordigu, liftning
o’zida bularning uyiga ko’tarildik. Ana keyin eshik ochadigan
kalit bilan bu ochilmas sim-sim liftni ochdi vazir va biz
to’rtinchimi-beshinchi qavatdagi xonadonga kirib bordik. Endi
hovlilarini aytmaysizmi - naqd hovli: gullaru daraxtlar o’sib
yotibdi, maysalar nish urgan, favvoralar osmonga niqtalgan...
Xonalar soni sanoqsiz. Biri bizga ajratildi -
Martinning butun bir uyidek! Qiziq-da, to’rt tomonda bironta
qo’shni yo’q - to’rt atrof
- osmon... yerdagi daraxtlarning uchi esa zo’r berib
bu jannatmakondan jichcha bo’lsa-da bahra olib qolishga intilishgandek
pastdan cho’zilishadi...
Vazirning xotini - vazira, bolalarini bizga qoldirib, o’zlari
o’zlarini oshxonaga urdilar, bir soat deganda anvoi taomlar
hozir bo’lib yana ziyofat boshlanib ketdi, yarim tungacha
boyagi jannatda yalang’och yulduzlar ostida adabiyot haqida
tinmas suhbatlar, she’rlar, hikoyalar...
Ertasiga esa boyagi uzoqdan beri kutilgan kechaning kuni keldi.
Bu kun bilan birga Parijdan artistlaru tarjimonlar, chiroqchilaru
haybarakachilar kelisha boshlashdi. Bizning yolg’izligimiz,
tanhoyu-yagonaligimiz biroz so’na boshladi. Kunning yarmiga
hammamizga mehmonxonadan joylar ajratildi, mehmonxona ham
- gap yo’q, besh-olti yulduzlilaridan ekan, kunning so’nishiga
esa Parijdan Vishiga boraverib g’ildiraklari kal bo’lib ketgan
moshinasida Martin ham kirib keldi. U bo’ldi, bu bo’ldi, axir
kecha ham kirib keldi. Endi odamlarning yog’ilganini aytmaysizmi:
hali kirib kelishyapti, hali kirishyapti, hech keti yo’q.
Oyda-yilda bir bo’ladigan narsa ekanmi, yo tersiga - hamishaligidan
uquv hosil bo’lganmi, qanday bo’lmasin rus adabiyotiga bunchalik
qiziqish bor deb hecham o’ylamaganman-de! Unday desam, Mandelshtamning:
“Bir ko’l ko’rdim, sohillari chalqancha...” - degan ajib bir
she’ri bor. O’sha kuni bilsam uni ayni shu Laonda - Laon ehromining
derazalarini ko’rib aytgan ekan.
Mayli-da, kecha ham boshlanib ketdi. Boya aytmagan edimmi,
kechada barimizning chiqishimiz ko’zda tutilgan edi, Bunindan
boshlaganimiz tufayli - o’zlari olamdan o’tgan emaslarmi,
o’rinlariga Vitaliy chiqib keldi. Yana boya aytmagan edimmi,
Vitaliyning bir kasalligi bor, u ham bo’lsa - jag’i qarimaydi.
Ana boshladilar Bunin bo’yicha saboqlarini. Rosa tergan ekan
entsiklopediyama-entsiklopediya: qaysi oilada qaysi meva pishig’ida
tug’ilganiyu, qaysi maktabda qaysi kambag’al qizining qaysi
sochini tortganligi. Xullasi yarim soatcha vaqtda roppa-rosa
buyuk Ivan hayotining qoq yarmiga keldi-da. Zolda biroz sabrsizlik
alomatlari paydo bo’la boshladi: qarasak, Boris umuman vishshillay
boshladi. Sabrsizlikni sezdimi-yo’qmi, bilmaymanu, Madlen
oldini olishga ulgurgan vishshillash quyuldi qulog’iga chamasi
- qolgan uch minutda bechora Buninni butun “ejodiy hayoti”
ila eson-omon o’lim to’shagiga yotqizishgayu, rihlat darvozasini
ochib berishga ulgurdi Vitaliy. “Y-e, otangga balli, qilsa
bo’lar ekan-ku!” - deb yubordi qarsakni birinchi chalib yuborgan
Boris.
Buninning she’rlari yangradi, frantsuz artisti ularni frantsuzchada
- qiyomiga keltirib o’qib berdi: “Kel, itim, silay seni”,
- degan so’zlarni biram o’xshatdi-ki, banihoyat har bir tinglovchi
kamida o’zini it deb tuydiyu, artistning uzatilgan qo’llari
tomon bir intiqdi.
Navbat Anna Axmatovaga keldi. Zavolli Ivan Buninning umri
Borisning vishshillashi oqibatida chalakam-chatti qolib ketganini
tuygan Axmatova tarjimoni bu bechoraga umuman umr ham bergani
yo’q, quruq she’rlari haqida bir juft og’iz urib qo’ya qoldi.
Yana she’rlar yangradi. Yana rok-ansambl qatnashchisi bo’lgan
Borisning boyagi frantsuz o’rtog’i nihoyatda berilib tarjimalarni
o’qidi, yana u shu qadar siymoga kirib ketdiki - erkakmi u
- ayolmi yo - betayin bo’lib qoldi!
Ana keyin navbat bizga tegdi. Bu yog’ini aytmay qo’ya qolay.
Tirik bo’lish baharhol tuzuk ekan-da! Yana boyagilarga tegishli
shon-sharafu olqishlarni biz teradigan bo’ldik. Hattoki boyagi
roker do’stimiz ham kechadan keyingi ziyofatda: “Birodar,
rostini aytsam, sening matnlaring menga ko’proq yoqdi, har
holda muzey emas, hayot-da!” - degan narsani aytdi.
Ziyofat haqida gapirib qoldim. Bizning bechora Martin ham
shuhratimizning bir uchida ilib-isinib, to’g’ri kelganga:
“Bular mening uyimda qo’noq bo’lib turishibdi”, - deb o’zini
tanishtirib chiqdi. Vazir ham bundan boxabar bo’lgach, tabiiyki,
Martin ham ziyofatga taklif etildi. Yo’q, bu degani, biz erib
ketib, uni unutib yuborar edik degan narsa emas, albatta!
Qanday bo’lmasin - haybarakachilarga qadar barcha ishtirokchilar
bir taraf - ya’ni vazorat tomonidan xarajatlari ko’tariladigan
taraf bo’lishdi, suhbatimizni olmoqchi bo’lgan havaskorlaru
muxlislar - bular qatori Martin ham - ikkinchi taraf bo’lishdi.
Ziyofatda bulardan har biri o’zi uchun to’laydigan bo’ldi,
shuning uchun Martin tejamkorlik bilan o’ziga bir burda nonu,
bir likob kus-kus buyuradigan bo’ldi. Bizlarga esa xil-xil
hil-hil ovqatlar kela boshladi. Afsuski, Martin bilan uzoq-uzoq
o’tirishib qolgan ekanmiz, ulashib turish imkoni ham bo’lmadi.
Uzoq-uzoqdan lablarini yalab-yalab qo’yganini ko’rib yuraklarimiz
achishib o’tirdi. Lekin iloj qancha!
O’lganning ustiga
tepgan deb, Martin bir pakanaga yuzma-yuz o’tirib qolsa bo’ladimi.
Pakana ham umrida duppa-durust ayol bilan hamsuhbat bo’lishga
birinchi bor erishgan shekilli, frantsuzligini unutib, o’zbekona
maqtanib ketdi: “Bilasanmi, men bu yerda kimman?! Mana shu
ovqatlarning xarajatini ko’taradigan xuddi o’zim bo’laman-da,
men, men... vazoratning moliya ishlari bo’yicha mutassadisiman!”
Martin asta-asta qiziqa boshladi. Bechora ayol u-bu tarjimasini
bularga sotish niyatini ham berkitmadi. Elas-elas eshitib turdim, bu pakana tushmagur allaqanday shilqim
shartlarni ham o’rtaga tashlagandek bo’ldi. Qip-qizil o’zbeg-a,
bu kalta frantsuz!
Vaq-vaqlar bilan yarim kechada to’kin-sochin ziyofat ham tugadi.
Vazir pakanani oldiga chaqirdi-da, moliyaviy tomonini hal
etishni so’radi. Pakana ham bir zumga g’oyib bo’ldi-da, kela
solib butun elga: “Restoran ma’muriyati bilan kelishdik, umumiy
xarajatlarni har bir kishi boshiga teng ravishda bo’ladigan
bo’ldik, mehmonlarimiz istisno”, - deb qolsa bo’ladimi. Hah,
bechora Martin, tejab-tejab yegan Martin, muzqaymoq kelganda:
“Yo’q, tishim og’riyapti”, - deya to’rt-besh tangasini saqlamoqchi
bo’lgan Martin, yemagan somsasiga bir oylik maoshini to’lashga
mahkum Martin! Ko’rsangiz
edi uni shu on! Buninu Axmatovaning qo’shaloq qalamlari ojiz
edi bu adolatsizlikni ifoda etishga. Mana shu g’arib bir ohangda
nuqta qo’yildi bizning millionerlik hayotimizga. Katta va
o’timsiz bir nuqta.
* *
*
“URush ko’Rmagan o’lim tanimas”. Bu maqol
kitoblaRda yo’q. Bu maqol aRilaRning naqli va faqat ulaRning
takyalaRida ma’lum. O’z xotiRotlaRi kuchi bilan ahvol nochoRligini
yengib yotgan Sin o’sha kechaning sahaRi xushga qaytsa, o’Rgimchak
allaqachon uning atRofida o’z to’Rini to’qib bo’libdi. ¨mondan
qutulib badtaRiga tutilgan Sin talpinibdi, uRinibdi, lekin
magas to’Ri mustahkam, o’zi ham biR buRchagida pisib, aRining
madoRsizlanishini va so’ng unga yem bo’lishini poylab o’tiRgan
ımish. To’Rga tushish holini faqat muRda bilsa keRak,
chunki to’Rdan tiRik qaytganning o’zi yo’q, ammo Sin buni
ham so’zlab beRishi mumkin. Negami?
SHuning uchunki, o’shal on biR sabo yelibdiki,
magasu uning to’Ri, to’Riyu uning ichidagi aRini osmonga ko’taRibdi
va biR onda o’Rmon chetidagi biR daRaxtga uRibdiki tumonot
habash aRi biR zumda sapchib, shamoldan ola bilmagan alamini
bechoRa o’Rgimchakdan olibdi. TiRik joyi qolmabdi bu jonivoRning
unga sanchilgan yuzlab nashtaRlaRdan mitti tipRatikonmi,
yo jajji jayRaga aylanibdi bu jasad, ajabki biR o’limdan kechib
boshqasidan qo’Rqmagan Singa biRontasi tegmabdi. ARi aRiga
do’stubiRodaRligidan ımas albatta. Boyagi maqtuldan
yuqqan shiRaning kasofatimi, kaRomatimi bois, ishonqiRamasada,
o’ziniki bilishibdi uni habashlaR. Jilla quRsa ota taRafdan
qaRindoshga yo’yishibdi.
G’uRbatdagi hayot quRsin yot bo’lib yolchimaysan,
do’st bo’lib tinchimaysan, tuRganbitgani aRosat. Aqlingni
xushyoRlikka qayRaysan, ziyRaklikka chaRhlaysan, boshqalaR
yashagan yeRda sen istiqomat qilasan, baRi omonat, baRi
g’animat. Hayot mag’ziga yaqinRoqdeksan bunda. KimdiR boyagi
shiRa kayfidan seni oddiy jism ımas, ıR bilib, qiRol
bo’lmasada, vaziR qilib ko’taRishga tayyoR bo’ladi. Lekin
ıRon bo’lish ham haR kimga nasib ımas, bunisini
ham o’z g’aRazu qizg’onchlaRidan bilganlaR ko’p. ARilaR oRasida
qonun shuki baRcha uRg’ochi qiRolicha bo’lish ıhtimoli
ila tug’iladiyu, o’n mingtasidan atigi biRgina donasi poshsho
ıtib paRvaRish ıtiladi. Ana ındi o’n mingta
aRi ımas, aRmon oRasida hasadgo’ylaRi uchRasa ajabmi? HabashlaRning
shundaylaRi Sinni ıRon vaziR tugul, oddiy hamtovoqqa
chiqaRishga ham oR qilishdi jahongashta nomlab, sazoyi ıtmoqchi
bo’lishdi, ammo kimdiR Rahmdil uni o’z hujRasida alaRdin saqlab,
kechasi qoRovullaRni shamg’alat ıtib, habash libosida
ozodlikka kuzatdi…
Va ana o’shanda uchdi Sin qanoti boRicha! SHavquzavq
ila tavakkaliga uchdi. Guldan shiRa ımas, fikRlaRdan
o’ynoqi bol teRgandek bo’ldi o’sha paRvozda…
Ҭ, haqiqat
qaRdoshlaRi, biRbiRingizdin seskaning, Rozi dilingiz hijobin
yoRib, biRbiRingizdin kamolot izlang!
¨, haqiqat qaRdoshlaRi, ilon kibi po’stingizni tashlang,
quRtdek yeR qazing, neshingizni chayon yang’lig’ shaylang
shayton vasvasasi oRqavaRotdan. ZahaR yiqqan yashaydi, o’lim
suygan qalqadi!
In quRmang in bu qushning domi. Qanot yo’q ıRsa
o’g’Rincha qalqing, ilg’oRlaRning saRasi qalqqan!
Qizg’in tosh yutg’uchi tuyaqush bo’ling, suyak xazm
ıtg’uchi ilon va yo o’tga beziyon cho’mgan samandaR.
Quyosh nuRidan qochg’uchi ko’Rshapalak bo’ling, chunonchi
qushlaR saRasi ko’RshapalakduR!
¨, haqiqat qaRdoshlaRi, boylaRning boyi ıRtani
ko’Ra bilg’on, faqiRlaRning nochoRi qismatig’a noloyiq!
¨, haqiqat qaRdoshlaRi, netongkim faRishta yovuzlikdin
toysa, bahoyim ma’siyatga botsa, va ammo ajabki, inson o’z
hiRsi domida insonliqdin ajRalg’ay! Ajabki, dili faRaxsh inson
hiRs domig’a tushg’ay!
Valloh, odam malak yang’lig’duR, toki nafsi ammoRa giRdobidin
qutulg’ay va ammo anga g’aRq bo’lg’uchi bahoyim ismidinda
tuban!”
Guldan gulga
qo’naR ıkan, u boshi bilan gul g’uboRiga sho’ng’iR, chukkillagan
nafsini ımas, o’zining takya oldidagi buRchini qoniqtiRib,
yana paRvozini davom ıttiRaR ıdi. Bo’g’zi, qo’yni,
qo’loyoqlaRi gul g’uboRiyu gul shiRasiga to’lganida, yengil
qanot badandagi vazndan ıgila boshlaganida, u mana shu
chamanni yuRagiga tugib o’z takyasiga yo’l oldi. ARi paRvozi
ayRicha biR naRsa. Gul hididan saRxush bo’lib, bu saRmastlikka
ichichingdan to’yib yana o’z makoningga qaytaR ıkansan,
yo’ldagi baRcha maqomlaRni ıslab boRasan, toki bulaR
yana biR solik uchun yo’Riq bo’lsin. yetti qat osmonniyu,
mulku malakut dunyosini, undagi yigiRma sakkiz vujud maqomini
kechdi o’z yo’lida Sin va nihoyat o’z takyasining ıshigiga
yetdi. Takya ıshigi atRofida yangi daRvozabonlaRu, yangi
qo’RiqchilaR g’uvillaR, kechagi hodisami bunga bois ulaRning
soni ming, vajohati ısa tajovuzkoR ıdi. BulaRdan
ikkisi Sinni qaRshilab, xujjat so’Ragandek, ashaddan hidlab
boqdi. BiR naRsa ulaRga yoqmadi chamasi, ikkisida o’dag’aylab
ketishdi: “Sen kimsan o’zi? Bu yeRda senga nima boR? SHahaR
senga bedaRvozami?” deya. Boyagi shavquzavqdan so’ng mana
shunday maydachuyda ikiRchikiR ayniqsa alam qilaR ıkan.
… Mening biR
Rus og’aynim boR. Antiqa biR Rassom. Hamisha biR naRsalaRni
o’zicha kashf ıtib yuRadi. Yaqinda u aRchalaRning Yangi
Yildan keyingi hayoti degan fil’m olmoqchi bo’libdi. Qiziqda
Yangi Yil aRafasida uRyiqit bilan qo’lga kiRitilgan, yasangantusangan
xonalaRda zebuziynat bilan bezatilgan aRcha Yangi Yil bayRami
o’tishi bilan axlatxonaga uloqtiRiladiyu, tamomvassalom,
u bilan hech kimning ishi yo’q. Lekin u ham tiRik jonku,
u ham jonzot. Ana shulaRni o’ylab, axlatxonalaRning biRida
shumshayib yotgan aRchaning Rasmini olayotgan ıkan o’Rtog’im.
Shu payt ulkan yuk mashinasi kelibdiyu, ichidan ko’cha faRRoshlaRining
boshlig’i chiqibdida: “Ha, nima qilyapsan, bachchag’aR?!”
deb o’shqiRibdi. “ARchalaRni Rasmga tushiRyapman”, deb
salimgina javob beRibdi jo’Ram. “Juhud bo’lsang keRago’v!”
deRmish boyagi galvaRs va buRalab so’kishga tushaRmish.
“Yo’qotib qo’ydim o’zimni, nima deyishimni bilmay qoldim”,
deydi do’stim. KimdiR unga: “O’zing juhudsan, nomaRd!”
demabsanda!” deb aql o’Rgatgandek bo’ldi o’shanda…
AllaqaeRda qulog’iga
chalingan bu mitti hodisa kechdi o’sha chog’ Sin xayolidan.
“Bilasanmi men qaeRdan kelyapman o’zi?! Bilasanmi, men kimman
o’zi?” deya talashgisi keldi Sinning, biRoq bu laychalaRga
bas kelib bo’ladimi o’zi? Oshufta, abgoR holatda qo’llaRini
ko’ziga ishqab tuRgan ıdi Sin, oRtidan adashtiRib bo’lmas
biR hid ufuRdiyu, ne ko’z bilan ko’Rsinki, inqillabsinqillab
qaRib to’kilganu, ammo ishdan tinmagan ınagasi chiqib
keldi uyadan. Boyagi miRshablaRning: “Yo’l to’smasdan chekaga
o’t!” deya o’shqiRsada, bulaRni tinch qo’yganiyu, boshqalaRni
tekshiRish bilan ovoRa bo’lgani bulaRga qo’l keldida, ınaga
ikki og’iz gap ila takyada bo’layotgan hodisalaR haqida so’zlab
beRdi Singa.
Isyon ko’taRilgan ıkan PiRga qaRshi. Odam ta’mini
totmagan boyagindek beadab yalanglaR toifasi taRqalibdiyu,
fitnafasod tomiR ota boshlabdi uyada. “PiRning kuchi qolmadi,
kaRomat degan naRsaning asaRi ham yo’q, qaRibchuRib bitdi,
o’zimizdan yangi Poshsho ko’taRmasak bo’lmaydi!” deya g’imiRg’imiR
g’alayonga payRaha qalay boshlashibdi bulaR. Shunda PiR yaqinlaRini
atRofiga yig’ibdida, biR gap aytibdi:
“Roviy aytibtuRkim:
“Maslahatim ıRsa pashshayu chibin chaqqan tulki kabi
o’lung”. Andin so’RmishlaR: “Ul Ro’boh ne qilibtuR?” AytibduR:
“Vaqtike ul tulkini sayyodlaR o’z domig’a tutay debtuR, tulki
o’zin nahRg’a tashlabtuR, toki biR sohildin ikkinchisig’a
yetibtuR. Qovg’uchiyu tozlaR aning ketidin tashlanibtuRlaR,
tulkig’a boshqa iloj qolmabtuRkim, andagi qiRg’oqda biR chohqa
tushsa bo’lg’ay. Andin tulki ko’p lat yebtuR ham timdalanibtuR.
Tulki o’Radin chiqmak kushoyish qilibtuR, ıblamabtuR
va taslim bo’lmakni ixtiyoR ıtibtuR. O’shal fuRsat anga
pashshayu chibin yopishibtuR, ani chaqibtuR. Ul chohda jayRa
boR ıRkon, tulki ovchidin qochub pashshag’a tutulg’onin
ko’RubtuR va so’RabtuR: “Ayo, Ro’boh, pashshangni quvay, seni
o’Radin qutqaRaymu?!”
Tulki aytibtuR: “ZinhoR bazinhoR! Saning Rahming manga
ziyon, muRuvvating yona behuda!” JayRa so’RabtuR: “Nechun
bo’yla?” DebtuR: “Bilki, pashshayu chibin manga yopishibtuR,
o’zgaga o’Rin beRmas. AlaR onqadR qonn ichibtuRkim, bu dam
sokinduR. AlaRni quvsang ıvazig’a toz itdek ochlaRi yopishaR
va qolg’on qonim simsim simiRuRlaR!”…
Buni tinglagan
aRilaR yig’lashibdi, o’zlaRidan utanishibdi, PiR ısa
xulosa qilibdikim: “HijRat dami yetibduR!”
ARilaRning hijRati
nechog’ kechishini bilaRsiz. QaRoR bo’ldimi, chopaRlaR haR
tomonga uchib, yangi oshyon izlashadi. TopganlaR qaytib, takyada
o’z inkishoflaRini maqtashga kiRishadi. BiRi: “Mening ko’Rganim
ımon daRaxtining kavagi. AtRof quRuq, chumoliqumuRsqa
yo’q!” desa, ikkinchisi: “Menikisi ısa shundog’ bog’
yoqasida ıkan. ShiRa teRgani uzoqqa uchishning ham hojati
yo’q”, deb, haR kimi quRultoy aRo o’z bozoRini qiladi. Bu
ılchilaR atRofida guRuhlaR paydo bo’la boshlaydi. BulaR
boshqalaRning gapini tekshiRish uchun RaqiblaR maqtagan oshyonlaRga
ham boRib kelishdan toymaydi. Gap Ro’yiRost chiqsa Raqibga
ham qo’shilib ketaveRadi.
AxiR ikki so’nggi manzil saylovda qolganida Poshshoning
o’zi a’yonlaRidan biRontasini ana o’sha ikki so’nggi saRa
manzilga ikki guRuh vakillaR ila yuboRadiyu, ulaR qaytib kelgach
quRultoyga so’nggi hisobotiniyu, tavsiyalaRini yetkazishadi.
Ana o’shanda ıski Poshsho boshliq hijRatni kasb ıtgan
bu aRilaR to’dasi biR yoqadan bosh chiqaRib biR vaRakayiga
yangidan tanlangan yagona oshyon saRi qo’zg’aladi.
SHunaqa damni
ko’Rdi o’shanda Sin. Olomon muhojiRlaR yopiRilib chiqa boshladi
uyadan. Qiyomat ko’taRildi uya o’ngida. KimdiR kimni bosgan,
boshqasi bolasini yo’qotib chinqiRgan, yo’l ochaRlaR qamchilab
PiRga yo’l ochgan, PiR ham uyadan chiqdiyu, uzoqdagi Sin bilan
ko’z to’qnashtiRdida, shu zahoti oRaga yuz qatoR qoRovulu
yasovul tuRdi, lekin mayin tabassumdek ısinti Sinning
qanotlaRini ko’taRdi, u ham bu olomonning, bu to’daning, bu
galaning biR zaRRasiga aylandi va bu ulkan, zuvvillovchi,
g’uvvillovchi tiRik biR mavjudot qoRa bulutsimon osmonga
ko’taRildi…
UmRida sezmagan ıdi bunday shavquzavqni Sin. ¨lg’iz
paRvozlaRning ham gashti bu umumiy paRvozning zaif ko’lankasidek
ko’Rindi uning ısiga. Oqim tomchisidek faRaxbaxsh tuyg’u
yo’q ıkan dunyoda. QaeRga oqyapsan o’zi, nima kutyapti
seni oldinda, ketingda nelaRni qoldiRding baRi befaRq, baRi
tavakkul, umumiy paRvozning o’zigina hisob…
Faqat sevgida shunday zavq bo’lsa keRak. Lekin sevgi ham oniy,
foniy paRvoz ımasmi?
Vaqoei sanai als arba’ mia salas ashr
Istambulga kelgan birinchi kunini eslaydi u. Uskudor
yo’lidan inib tushgan arava, bexosdan adirlar ustida yoyilgan
tumanmi, bulutu, birdaniga butun dunyoni qoplagan qor. Allanechuk
vahima, vahima. Go’yoki, mana yetding deganigda Allohning
rizoligini so’ramagan kishidek, bir zumda entikkanlaringdan
bebahra qolgudek. Pastda dengiz ham qopqora xavotirdek o’zinimi,
yuragingnimi mijig’laydi…
Sohilga qadalgan sollar ham sirpanib ikki ofatdan bir yo’la
qutilmoqchi bo’lgandek, suv bilan osmon orasida g’ichirlaydi
“bismillo” deya, biriga chiqib borar ekansan, oyoqlaring
Sirot ko’prigi uza toygandek, har bir yog’ochdan sirpanib,
orada tushalgan ho’kiz terisi ustidagi suvu qor aralash bo’tqada
shilpillaydi. G’ayriddin yunon solchisi ham o’z kitoblaridagi
Xorun misol bularni ko’lkalar dunyosiga eltmoqchidek xomush.
Dengizni, bu mudhish bo’g’ozni uning eslagisi yo’q. Jahannam
bundan marhamatliroq bo’lsa teyish. Xo’bki, ro’paradagi Qabatosh
sohili shamol uloqtirib tashlagan pardasimon qor ketidan ko’rinib
qolar, lekin yaqinlashar edimi yo yiroqlashar buni ham yagona
Xudoning o’zi bilar edi…
Bundan uchto’rt soat so’ngra Galatasaroy do’ngligiyu, uning
rangrang hunarmandlariga to’la tor ko’chalarida yana bir
bor dengiz limani tomon sirpanibsirpanib tushib borar ekan,
u yana bir bor boyagi kabi jahannamga bardosh bera olmasligini
bilar edi. Lekin iloj qancha… Boz ustiga osmonning o’laksaroq
badanida birdaniga ochilib ketgan kun botish yarasiyu, so’nggi
og’riq shu’lalarda Istambulning butun shukuhiyu hashamati
lov etib namoyon bo’lsa! U hayratda narigi sohilga boqar, ulkan jome’laru
sarvqad minoralar dunyoni bosgan oppoq qor tagida qorayib,
so’ppayib turar, adirlarga, tepalikka qarab o’ralashib, chirmashib
chiqib ketayotgan bu shahar esa har vahmu, har qutqudan ham
lazzatliroq ko’rinar edi shu onda.
Yo’q, Liman oson kechildi. U Eminonu rastalariga kirib borganida
shomga azon aytilar, savdogaru xaridorlarga qo’shilib ikki
qadamdagi bir jome’ga shoshildi u. Onado’lida ko’rmagan masjidlarning
bir turini ko’rdi bu
yerda. Ehromsimon edi bular. Bamisoli Rumo ehromlarini jome’larga
aylantirishda keyinchalik qurilgan masjidlarning andozasi
endi tamomila o’zgargandek edi.
U bozor aylandi. Allanechuk qardoshlikka qorishgan farqni
sezdi u hamono. Marg’inonu Isfaxon bozorlaridek edi bu bozoru,
bu savdogarlar, biroq ajibug’arib o’zgalik bor edi bunda.
Musulmonona liboslarda tenglashgan qiyofalarda ham emas, lekin
allanechuk chaqqonlikda, yengillikda, hafiflikda. Rastalaru
timlarning so’ngi ko’rinmas edi. Qor hali ham yog’ib yotgan
bo’lsada, bu tumonot odamning vajhida yerga tushmas, papoqlaru
burkalarda, qabolaru sallalarda erib bitardi. Aylanibaylanib
u Boyozid jome’siyu, undan pastga qarab saroy tomon yura boshladi.
SHaharga qorong’u tushgan esada, do’konlar hanuz yopilmas,
ularda sham’chiroq yoqqan baqqolu bazzozlar, bakovulu oshpazlar
so’nggi mijoz ilinjida baqiribchaqirib ko’chako’yni ichkariga
taklif etishar edi…
SHahar
moychiroqlari hali yoqilmagan rasmmi bu yo to’satdan yopirilib
tushgan qorning asoratimi bilib bo’lmas, shuning uchun ham
yo’l boshlagan tomonga ketaverdi u. Ko’ngilga allaqanday so’nggi
nuqtaga taqalmas beqaror g’ulg’ula tushgan yo’l avvalroq
tamom bo’ladimi yo bu tashvish? bu muqobala ham ko’z o’ngidagi
ikki yo’l ayrisi kabi ko’ngilni ikki pora aylar edi. Ikkisidan
birini tanlab u tezda qopqorong’u maydonga chiqdi. Qor bu
yobonda tomu devorlarga yo’liqmay ayniqsa shiddat bilan yog’ar,
yog’ar ham so’zmi og’irmiengilmi, lekin bir vahimali ro’yo
kabi bosar edi. To’siqsiz shamol ham dengizdan yuqqan telbaliklarini
to’rt jonibga yoyardi. Boshdan oyoq o’ralgan yopinchig’ining
bir uchi bilan bu izg’irinda o’z yuzini yopib u behosdan tosh
bir devor o’ngida chiqib qoldiyu, bu devor yoqalab o’ngga
yurgan edi, ichkari boshlovchi arkcha ostida to’nggan bir
devonaga qoqilib: “Bu nima?” deya xitob etdi. Devona o’zini
tanishtira boshladimi yo tilanchiligi tiliga jon berdimi,
ikki bo’g’inda: “Hoja…” va biroz turaturib yana bir narsani
shivirladi…
Bu so’zdan u seskanib ketgandek bo’ldi va yo’lu sollardan
qolgan so’nggi qurushini to’p bo’lib yotgan bu tundga tashlab,
ichkari qadam otdi. Hovli boshlanishi bilanoq tepaga ketgan
marmar zinalarga qoqildi u. Qor ostida oppoqlarcha so’ppaygan
bu zinalar yog’ayotgan bayozlikdan hech farq etmas, shundan
ham bo’lsa kerak, uning zina bosishi bir nav’ osmonga chiqib
borishi bilan monand edi. Zinalar uzilganiniyu, qor ichida
yana bir ark tagida muallaq qolganini ham u sezmay qoldi.
Go’yoki osmonni yerga qadab qo’ygan qorda u arsh arkining ostida turar edi. Ark tomon tashlagan qadamlari ham
qor oqimidek hafif bo’lib chiqdi. U arkka kirdi.
Qanchalik tun qorong’u bo’lmasin, yoqqan qor shu’lalarida
arkdan ikki tarafga ketgan ulkan tosh devorlarga tushdi uning
ko’zi. Bamisoli abadulabad chiqib bo’lmas tosh qamoqqa kirib
kelayotgandek edi u. Tuyqusdan u qaerda ekanligini angladi.
O’ngiga qarab seskanib tushdi u. Qavatqavat osmon kabi mudhish
gumbazlari birbiriga ayqashgan, va yo do’zahning ag’darilgan
bo’sh dosh qozonlari turqidagi bahaybatlik uning o’ngini yerdan
osmonga qadar qoplar edi. Boyagi tosh devorlar uning atrofida
aylanib, bu haybatga borib taqalar ekan, to’rt tomon ham qochish
uchun yopilgandek, osmon tunu, yer tosh bo’lib qotgan
edi!
Bularning bari ajal tezligi bilan kechdi uning xotiridan.
U ikki qadam bosgach, qimir etishga jur’at eta olmasdan bu
takapuka xayollar oyoqlarini bolta chopgan terakdek shol etdi
u shu qadar kichik bu gulduros haybat esa shu qadar ulkan
ediki, xuddi uning chumolicha har bir qadamiga javoban bu
dahshat, bu vahshat bir aylanib tushar, uning miqyosi esa
osmonning bir uzilib yerga tushishiga tengdek edi…
Kim bilsin, chindan ham bu xayollar kechdimi uning zirrillagan
vujudi bo’ylab, yoda bu ehromning allapaytlar masihiy bo’lganligidanmi,
go’yo dunyoning bor shaytonlari bir tarafu, u bir taraf,
va yo jo’ngina narsa Olloh oldidagi qo’rqinchning ko’rinishimidi
bu, bu toshlar uyumi oldida u o’zo’zini zarra bir changchalik
his etib iztirobga tushgan ekan, Olloh oldida turib berish
nechog’ kechar ekan?! Bir qadam tashlash iztirobi ham shu
qadar og’ir bo’larmikan bamisoli o’pirilib tushadigandek
bu toshlaru, osmonsifat gumbazlar, atrof esa qopqorong’u,
qor esa asabsimon.
Dunyoda
yalanglikdan qo’rqar ekan odam. O’zining beishonch ichidan.
Boya dengiz vahshatini yenggan yog’ochlarni birbiriga mahkam
bog’lagan arqon yanglig’ allakimning ovozi chalindi uning
qulog’iga. “Hay, tirik inson bormi?!” deya qichqirdi u shu
zahot, javobga ilinmasada ko’zini osmondan oyoq ostiga tashlaganicha shaxdam qadam otdi
tahorat turbasi tomon. Uni ham aylanib o’tdi, ehrom qanoti
ostiga ham yaqinlashib osmon ko’zdan g’oyib bo’lganini bo’shashgan
asablaridek yakkamdukkam chakkaning tomishidan bildi. U endi
oddiy bir dunyoda edi. Hoja Sofiyaning ulkan eshiklaridan
ichkariga kirib bordi. ¨lg’iz sham’ ostida yolg’iz bir
ko’lka xufton namozini o’qir edi. Unga qarab negadir xayolida
allaqaerdan qalqib chiqqan misra: “Soyam sut soyasini simirmoqda”
uyg’ondiyu so’ndi. Xayolini jamlab u ham o’z namozini o’qib
oldiyu, bu safar kirgan eshigidan emas, yon eshikdan tashqariga
chiqdi. Bu tarafda u dengizdan quturayotgan shamolga tutulib,
qor uni qamchilar, lekin shu qiyomat boyagi tiklik, tekligu
sokinlikdan tinchrog’u tanishroq edi. Endi u zulmat aro unga
buyurilgandek To’pqopi saroyining o’ngidagi xos xonadonlarining
biri tomon begumon qadam tashlab borar edi.
* *
*
O’sha
kuni ertalabdan Istambulga shimol shamoli Qora dengizning
mayinu musaffo yeli esa boshlagan, bundan to’rt iqlimli bu
shahar birdaniga bahor nash’asini surayotgan edi. Devon yo’lidagi
Ajam Ahmadafandi tabib allanechuk zavquiftixorda mehmonni
o’zining Liman tomon boqqan ayvonchasiga takliflab, nonushtani
bu yerga buyurgan, biroq hanuz dengiz iqlimidan biroz junjikkan
mehmon azbaroyi mezbonning ko’nglini deb ochiq havoda suvdanda
tezroq oquvchi bulutlarga boqib o’tirar edi. Peshindan avval
musofir o’z mezboni bilan Saroyi Humoyunga Xon hazratlarining
hakimboshisi Mehmedafandining o’ngiga buyurilgan, ittifoqo, suhbat ham bu tezoqar bulutlar kabi biror mavzuda
qaror topmas, xayollar allaqayoqqa bulutsimon qochmoqda, uchmoqda
edi.
Ammo biror soat o’taro’tmas shaffof suv oqimiga loyqa
irmoq ulangani kabi, bu oqpar bulutlardan pastroqda allanechuk
qora, qora desa tim qora ham emas, ana o’sha qoraning loyqasidek
bir dud qo’shildida, Onadolu cho’llaridanmi, Marmaraning
churuk damidanmi urgan yel osmonu zamini bir ondayoq qorishtirib
tashladi. Suv mavjlarini qay tarafga tashlashini bilmay
esankirar, boyagi ravon bulutlar jonsarak holatda qora tutunda
bo’g’ilar, uzoqdan esa cho’l hovuri kabi hayqiriqlar tobora
yaqinlashib: “¨ng’in! ¨ng’in!” deya yopirilar edi.
Nonushtani o’rtasida bo’lib, bular ko’chaga otilishdi.
Osmondagi bulutlar sarosimasiyu, dengizdagi suv g’avg’osidek
insonlar har tomondan jon halak chopishar, vahima go’yoki
bu kuyga solgan edi bularni, “yong’in”dan boshqa hech narsani
tushunib bo’lmas, kimdir Jibalini so’ylasa, boshqasi Kichikbozorni
aytar, undan keyingisi esa Qantarchilarni tilga olsa, yana
biri Sulaymoniya deya hayqirar, demakki olov chindan ham butun
shaharni qoplagan, ana Oqsaroyu, Oltimarmardan saroy tomon
qochganlar ham ziyodlashmoqda edi. Hamma negadir saroy tomon,
dengiz tomon najot ilinjida yugurar, bularni na to’xtatib,
na hushga qaytarib bo’lardi.
Tayinki,
o’sha kuni peshin chog’ida ular saroyga borganlari yo’q: bir
qo’ldan saroy taraf o’tib bo’lmas, boshqa yondan esa Ahmadafandi
tabib emasmi, ikki yo’rg’aga minib yong’in taraf choptirishdi
ikkisin. Olov shamol bilan bellashgandek, g’uvvillovchi yelga
yopishar, ikkisining bo’yni uzilibuzilib, ammo qulochlarini
na bunisi, na unisi qo’yib yuborar, yana o’tni yel irg’itar,
o’t esa yel ketidan g’uvvillaganicha bu o’lamon talashni yangi
uyu, yangi sahnga ko’chirar edi. Qiychuvvos, qiyomat qoyim…
Imillagan o’tga yem bo’lar, otda chopganlargina yeluvchi
o’tu shamolning o’lat qulochidan qocha bilar, shu yo’sin Ajam
Ahmadtabibu mehmon bir qancha oilalarni o’tdan olib chiqishdi,
kipriklaruqoshlardan tortib to otlarning dumlariga qadar
olov tegmagan tukam qolgani yo’q, bir shaharda chiqqan yong’in
shu qadar dahshat ekan, butun dunyo yongan do’zah qanday ekan
degan xayolda bular bir kuyganlarga muolaja berar, bir
yopirilib kelayotgan olovdan, na duolaru na qarg’ishlar to’xtatmas
o’tdan yana kimlarnidir aravalarga mindirib uzoqroq qochishar,
ammo yong’in ham mash’um quvlamachoq o’ynagandek bularni dengiz
tomon siqishtiraverar edi.
Kimdir shunda o’tga qarshi o’t yoqaylik dedi, Buni ham
qilib boqishdi, ammo noshukur o’t unga ko’mak berilganidek,
o’z shiddatini ikki barobar orttirdi. Tun ham kelganini o’t
yorug’idanmi, bu tun qorong’uligidanmi hech kim sezgani yo’q.
Uy ketidan uy, ko’cha ketidan ko’cha, kasaba ketidan
kasaba yonaverdi. Faqat ertasiga olov Zayraku Otbozorga yetganida
osmonufalakni to’ldirgan qora bulutlardanmi, bu bulutlarga
ko’tarilgan fig’onuyoshlardanmi biram quyib yomg’ir yog’diki,
azbaroyi Boyozidu JarrohPosha tepaliklaridan qora sellar
keldi va o’t ham ikki suv orasida qolib, bularga bas kela
olmadi, berdi qayta shaharni…
Obi
inoyati ilohiy ila muntafiy bo’ldi bu yong’in. Har ofatda
bir karomat deganlaridek, sel gili bilan aralash bu kullardan
lolalar gurkirab unib chiqdi. Ikki yuz sakson olti anvoyi
lola. Istambul vayronalarini lolalar qopladi bir hafta ichida
va bir davr boshlandi shunda…
Ammo
afsuski, lolalar qaro yerdan unishsa unar ekanda, insonlar
yuragidan emas. To’pqopining xastaxonasiga
borish o’rniga o’sha kuni kallai saharda Ajam Ahmadtabibning
eshigiga qoqib kirgan tash og’alar mehmonni yoqalab, tabibning
dodvoyiga qaramay hibsxonaga olib ketishdi. Yana nima ayb
bilan emishki mana shu yong’inda qo’li borligini tekshirmak
uchunmish. Oqsaroy tomon ketgan yo’l ila g’irashirada aravaga
suqib yettiko’la zindoniga
haydashar ekan, yo’lyo’lakaymi bir turk ayolini dodga
solib uning uyidan nim yalang’och armanini ham yoqalab, uning
yoniga uloqtirishdi. Bu bechora yunglariga somon yopishgan
bir nochorlikda chotiga ikki qo’lini tutib Olloh ismini vaqtibevaqt
qaytarar, yonidagi sherigini ko’rib esa undan ziyod sarosimada
endi o’z tilida allanechuk duolarni valjirar edi. Buning ham
bo’ynida bir yong’in idomi bordir, deb o’yladi u, biroq
bunisi ham so’ngisi emas ekan.
Ettiko’laga
yetaretmas, xudo bilsin qaydan
bu mahallaga kirib qolgan bir rumolik xonadonidan ko’kko’z
yahudiy yigitni sudrab chiqishdida, bularning barini endi
birbiriga kishanlab, aravani to’g’ri yettiko’laga choptirishdi…
Vahm
ustiga vahm kelaversa, inson sezgirligini ham yo’qotib qo’yar
ekan chamasi. Ko’chalaru maydonlarda, tomlardayu derazalarda
lolalar yashnab yotar, bular esa qamoqning zax xonasida toshlar
ustiga tashlangan poxolga aralashib, o’z kunlarini xotirlashar
edi. Qamoqda kun o’tdimi, haftami, oymi bir emasmi, vaqt
qutulib bo’lmas ofatning bir turiga aylanar ekan, bir o’tmishingdan,
bir kelajagingdan o’ylab, uni aldamoqchi, adashtirmoqchi bo’lasanmi,
ammo changalidan qutula olmaysan, nima qolar ekan insonga
uning tushlari. Ana shu tushlar esa boyagi ikkiyuz sakson
olti tur loladek gurkirab, bo’y urib ketar ekan. Ularni qamab
bo’lmas ekanda!
×o’zmayu
yopishqoq kunduzlari bir sipoh
kelib, bularni allaqanday Eronu, uning allanechuk Tamasp
ismli podshohi haqida so’roqlar, so’roqlar ham emas, allaqaysi
rivoyatni so’zlab, bir afg’on isyonkori Mir Vaysni tilga olar,
bir shoh Husaynniyu o’z qaynotasi Mir Vaysni Isfahonda
o’ldirgan Mir Mahmudga ko’char, bir bularning barini
unutib, Tamasp bilan birlashganu Hamadonni qo’lga kiritgan
Ashraf haqida valjirar va go’yoki bu rivoyatga bularni ham
taklif etgandek, ishtirok uchun isbot qidirar edi. Bu sipoh
ham o’z hikoyalariga o’zi g’arq bo’lib, g’oyib bo’lib ketdi.
Yana tushlarga qoldi bular.
Tushlarda bir karomat bor. Ularni aytgan zahoting ulardan
haqiqat uchadio’chadi. Shuning uchun ham hamxonalarining
uyqudan bu olamga yopilayotgan yuzlaridan o’qiy boshladi u
tushlarni. Endi u ham g’oyib bo’lib ketgan sipohga teyish,
ketsiz va oraliqsiz xayollarini javrab o’tirar, biroq eshik
sirtidan fitnani fosh etishdami, zerikishda quloqlari ding
og’alar bu aljirashni yo’yish deb topib, hayotlari ila uni
isbotlay boshladilar.
Bir
kuni yahudiy yigit moviy ko’zlaridan yoshlar oqizib uyg’onganida:
“manba’i chashmi zilol”ni tilga olgan mehmon nedan bilsinki
bundan biror soat so’ngra jarchilar farmoni humoyunni shaharga
hayqira: “Saroyi jadidi amiram bobi humoyuni peshgohinda mujaddadan
binosina mubosharat o’lan chashmasor uchun marmar toshin luzumi…
bobinda farmoni oliyshoni…” deya, Sulton Ahmad chashmasini
e’lon etishsaya! Suboshchilar buni asosboshiga yetkazishdi,
asosboshi ketxudoga, ketxudodan karomat qoziga o’tayotgan
kezi qamoqda armani hamxonaning yunglari aro o’rmalab to’r
to’qiy boshlagan o’rgimchakni ko’rganmixayol etgan musofir:
“dami fitnai reshdor”dan cho’chiganida, qaydan xabardor bo’lsinki,
qozi ham endigina Devoni humoyundan
tushgan farmoni oliyshonlardan birini mutolaa qilib
o’tirsaya! “Ahli zimmat nasorai mazohibi afronchiyag’a da’vat
va nechalarin ayni qadimlardin do’ndirib… qasdi fosid va niyati
qosid ila armani toifasidin…”
Xullasi
bu farmonning barori hojati yuzasidan karomat bamisoli YUsufi
Kan’on hikoyasidagidek naqd devonga, undan esa sadri a’zamning
safarda ekanligidan foydalanib, “shavkatli, karomatli, muhabbatli,
qudratli vali ne’mati beminnat afandi podishohi humoyunning”
o’zlariga yetib bordi.
…
Sulton Ahmadlardan uchinchisi bo’lmish sultonissalotini jahon
shu dam xotirining mushkul holatida edi. Mustafoposhaning
askari zoti oliylarini xabardor tutmasdan Tabrizni shoh Tamaspga
taslim ettirib qochishi, o’ruslarning Darband ila Bokuni qo’lga
olishi, saltanatda ashkiyolarning isyonlari… Ustigaustak
Usmon o’g’illari mulkini bag’rikenglik ila o’z domodi va’ziri
a’zam Ibrohimposhaning mas’uliyatiga topshirgan esada, quloqdan
quloqqa tarqalgan ovoza domodi a’zamning o’zlari Tabriz
muhofizasini topshirishgayu, shaharni tark etishga chorlab
maktub yozganlari ko’ngulni parishon aylardi. Zotan, Ibrohimposha
Uskudorga yangi cherikning o’rdasi joylashgan yerga azmi qaror
qilgan, bundan davlat ishlari allanechuk yetimligu qarovsizlikka
yuz tutgandek edi…
SHukuhli xonavodaning yigirma uchinchi sultoni bo’lish
mushkul ekan. Zafarlar quchilgan, dunyoning yarmi janubda
Al Jazoirdan tortib darvoqe’ ispanlarning so’nggi qal’asi
Oranni uning o’zi fath etmadimi, to shimoldagi telba Pyotrdan
olingan Bessarabiyaga qadar yerlar dasti humoyun ostida bo’lsa,
biribiridan hashamatli imoratlar Istambulni dunyoning eng
ko’rkam shahriga aylantirgan esa, yer qolib dengizlarda venediklardan
tortib to Telba Pyotr Poltavadan Usmoniyaga haydab chiqargan
shved qiroli Temirbosh Karlga dovur Usmon o’g’illari qudratini
hamma tan olgan bo’lsa yana nima qilsin dunyoda bir inson.
Qo’ltig’iga qanot bog’lab osmonni zabt eta boshlasinmi axir?!
O’z
kutubxonasida dovotu qalam tutib o’tirar ekan, shoirtabiat
zotning ko’zlari endigina matbaadan keltirilgan Istambulning
o’zida ilk chop etilmish “Lug’atul Vankulu”ga tushdi. Mana endi yozarga
ham hojat qolmadi. Bir narsani eslar edi bu kayfi parishonlikda
hazrati humoyun. O’z bolaligini. Sulola boshidagilardan bo’lmish
Sulton Fotihrahmatullohi alayhidan qolmish odat fitnalar
ildiziga bolta urish payida to’ng’ich shahzoda istisno barcha
qolgan shahzodalarni yoshligidayoq o’ldirish rusumi faqat
uning padari buzrukvori Sulton Mehmet davriga kelib qoldirildi,
shul bois qondan qonga ko’chgan qo’rquv hanuz tarqalmagan,
To’pqopining so’ngsiz qorong’u
xonalarida jallodning boltasidan bo’lmasada o’gay onalarning
zaharlaridan qochib quyosh nurini ko’rmayin umri hazon shahzodalar
endilikda bir Adirnaga, bir Konyaga, bir Eskishahrga yo’llanib,
u yerda davr peshvolaridan saboq olar, kim qilichbozlikni,
kim xattotlikni, kimi esa ilmi nujumni bexavotir egallar edi.
Kichik Ahmad to’ng’ich emaski, bu hayotni qarzu omonat deb
bilmasa.
O’shanda u bir tushida qatl etilgan shahzodalarning
qonlaridan lolalar unib chiqqaniniyu bu turfayuanvoi lolalar
ropparosa ikkiyuzu sakson oltita bo’lganini sanoqlagan edi.
Ne esada, yangi qonunlar shamol ostida ko’lmakka tutungan
yupqa muz kabi ediki, bularga ishonch qursang. Bundanmi uning
ko’ngli zavqtalab bo’lib yetishdi, nazokatnishin bo’lib to’lishdi.
Va hattoki o’z taxtini to’ng’ich sifatida qo’lga olgan
Sulton Mustafo qardoshi ayni shunday kayfichog’lik
uchun unga qarshi yurgan
mudhish yangi cheriklar tomonidan taxtdan indirilib, uning
o’rniga Kichik Ahmadning o’zi sulton etib ko’tarilganida ham
bu safohatli tabiat zo’raysa zo’raydiki, kamaymadi. Ana o’shanda
Sulton Ahmad dunyoning ne yeriga elchi yubormasinki, lolalar
keltirdi, butun Istambulni lolazorga aylantirdi. Qishinyozin
bitmas yashilligi uzra go’zallarning go’zali Istambul endi
qizilu alvon, pushtiyu javhari sirob, gulrangi fayzu paykari charog’on, la’li niginu
sham’i tajalli, nuri saodatu ohi oftoblarga ko’mildi, bular
ham tabiat uzatgan chog’iru sog’arlardek shahvoi ehtiroslarni uyg’otar, nag’malarning moviy dengizdek mavjlanishi sharobu nasha’,
isrofu safohatga cho’mdi ulardan davr. Shahid shahzodalar
benasib qolgan lazzatli hayot endilikda qarzlarini uzayotgandek
edi, uzatayotgandek edi.
Endigina bosmadan chiqqan tarixni esladi zoti oliyshon:
“Ahli mansub o’lganlarning aksari laylu nahor zavqu safo va
changu kamoncha ila majlisi orasta edi. Mamoliki Ali Usmon
xarob o’lmak tugul, jonibi arba’sini dushman, na’uzu billoh,
zabt aylamak maylida bo’lsa balki biz zavqimizda o’lolim derlardi…”
Endichi, endi?! Allanechuk vahm qoplardi humoyun qalbini.
Lola yanglig’ sharoblar xumorida ko’rgan ro’yosimi bunga bois:
emishki shahid lolalarning bari qurib, yerga sanchilgan o’q
boshoqlariga evrilganmishu, boshoqlarni kimsae yurub sham’lar
kabi yoqmoqda emish…
“Dusturi
akrom, mushiri afhom, nizomul olam, nozimi minozimul umam,
vaziri a’zami subuda shiyam va domodi muhtaramim” deya Ibrohimposhani
shivirlay boshladi o’sha erta u o’z yotog’idan, mana endi
kutubxonasida bolishga vujudini tashlaganicha u na domodiga
qaytish farmonini bermaydi, na vahmini qog’ozgayu, taxallusi
bo’lmish “Najib”ga g’azalmi yo’qsa fard ila topshirishini
bilmaydi…
O’shanda hazrati oliyshonning humoyun xotiridan birisi kungi
YUsufta’b mahbusu musofirning sharpasi kechdiyu sultonissalotin
bu kimsani o’z poyiga hamono yetkazishni buyurdi. ×aqirish
nafratidanmi sachragan so’lagi qurimasdan bu kimsa yetkazildi
saroyga. Maroqli ekan bu kimsaning tarbiyasi huzuri humoyunga
kira solib topina boshladi u. Ittifoqo, bu topinishda hech
qanday yaltoqlanishni sezgani yo’q ul zot, bil’aks kamtarin
xokisorligu o’zga yurtlarning udumin bildi xolos. So’ng bir
og’iz arzi holdan keyin hazrati oliyshon o’z ra’yini bayon
etdi. Ne ta’birni keltirdi o’sha on ul kimsa botinligicha qoldi, chunki shovqinusuronli
dabdaba ila va’ziri a’zam, davrudavlat ustuni Domodi Ibrohimposha
o’z a’yonlari bilan saroyi andarunga BobusSaada orqali kirib
keldi.
Qopiog’asi vaziri a’zamning kelganini e’lon etgach,
arzxonadan kutubxonagacha: “SHavkatli, karomatli, muhabbatli,
qudratli vali ne’mati beminnatim afandim podishohim”, deya
domodi muhtaram doxil o’ldi. Sadri a’zamning bu yo’sinda g’ayri
rasmiy va tabdili qiyofatla kirib kelishi o’zangi nomini
olgan bo’lib, humoyunu domodi orasida odat tusiga kirib qolgan
esada, va’ziri a’zam ilk bor andarunda nomahram kimsaeni
ko’rub andak shoshildi. Bu kimsaning holini esa kim aytsin?!
×aqnagan burgut ko’zu, yoydek soqolga otilgan shop mo’ylov,
kerik ko’kragu yerga bir chimdim yetmay hilpiragan hil’at
bularning bari azbaroyi vajohatdan so’zlar va ko’rgan insonning
yuragiga g’ulg’ula solar edi. U qo’lini beliga qo’yib, bir
zumga o’z og’ir nigohini pallaga tosh tashlagandek onkasga
tashladiyu, bu nigohda sidiruvchm ishorani sezgan mehmon humoyuni
davlatga ham ko’z ko’tara olmay, tisarilganicha arzxonaga
chekindi.
Kutubxonaning
to’rt zumrad ustuniyu moviy koshinlari daf’atan eshik ketida
so’ndida, mehmon ajabo, me’rojimi yo bosinqirashidan uyg’ongandek
bir seskandi. Arzxonada ikki turguk eshik og’asi istisno yana
ikki mulozim o’tirishar edi. Bulardan xushro’y yoshrog’i o’z
yonidan joy ko’rsatib imo qildi. Ajabki, u qatlama fes ustidan
salla o’ragan bo’lib, dastor o’rtasidan qo’qqaygan bu fes
unga allaqanday o’ynoqilik baxsh etar, mo’ylovining salla
tomon boqqan o’rma uchlari boyagi o’ynoqilikni istehzo qadar
charxlar, o’tkir kulimsiroq ko’zlari biroz benishon qarashidan
bu zotning shoirtabiat ekanligi ayon edi.
“Vorisu ulumil anbiyoi val mursalin shayxulislomil a’zam
Abulloh Afandi”, deb tanishtirdi u to’rda o’tirgan nuroniy
zotni. Musofir ta’zimi komil ila u tomon egildi. “Ash’orimizning
chehrai juvonisi, va’ziri a’zam nadimi Nadim”, deya tilga
kirdi on zot. Bu so’zlarda ham allanechuk o’ynoqilik his etgandek
bo’ldi mehmon, go’yoki orada yengiltabiat tabassum qanot yozar
edi. Unga endi mahliyo bo’lib turgan mehmon nogahon o’zi chiqqan
eshigi yana bir kez lang ochilib, u shoshilinch tashlagan
nigohda yana bir bor to’rt ustunu koshinlar, biroq bu safar
jo’ncha naqshdor bolishlar sabt etilishini nedan bilsin? Nedan
bilsinki bu musofir sadri a’zam arzxonaning endi bog’lana
boshlagan choklarini so’kib o’tib ketar ekan, yo’lyo’lakay
eshik og’asiga: “Bunisini olinmish yeriga tashla!” deyishiniyu,
yarim soat ichida yana zax toshlar ustiga pichan tushalgan
qamoqda boyagi bolishlarni qumsashini?!
* *
*
Beayb qamalish bir g’am bo’lsa, besabab qayta
qamalish qo’sh azob bo’lar ekan. Endi tushlarning ham qizig’i
qolmagan o’ng ro’yolardan ham badtar sarobga yo’yilgach,
shuning uchun ham bir ayb bilan tutqunlangan uch mo’min
biri armani, biri yahudiy, biri musulmon yakka xudoga uch
yo’sin yolborib bir najot
tilashar edi. Xudo birdek, azob ham turfa inson uchun
bir ekan, bu azobni kushod etguchi mujda ham bir. Jangujadaldagi
besharafligini to’yutugun sharafi bilan oqlamoqchi bo’ldimi
Sulton Ahmad, jarchilar mahallayuko’ylar bo’ylab yurib, farzandi
arjumandi vorisi mulki Usmoni, nuru davlati vaddin shahzoda
Abdulhamidning sunnatga kirishini e’lon etishdi. O’sha kecha
bu yerda fishiq deyilmish mushaklar osmonga otildi, Onado’lidan
yetkazilgan karnaylar g’atag’atini boshlashdi. Fishiqlarning
soyasi zindonga otilgan lolalar kabi tushar va tosh ustidagi
poxolda g’oyib bo’lar edi…
Bu
safar shahzodalar bilan birgalikda ilk bor sunnat to’shagiga
bir necha yo’qsil oila farzandlari ham yotqizilgan edi. Xalq
ko’nglini olish nafaqat to’y orqali, balki bayramlarning uchinchimito’rtinchi
kuni farmoni humoyun ila qamoqdagilarni avf etish orqali ham
ifodalandi. Musofirning qamoqdan chiqishi qiziq emish. Ko’chalarda
masxarabozlaru qo’g’irchoqbozlar Qorako’zlarni o’ynatar, parrandabozlaru
darrandabozlar qushuhayvonlarni urishtirar, maydonlarda otlar
chopgan, kimga bayram shakarchiyuqandolatchilarga, bularning
bozori tinmas: to’yga turfa ayolotlardan da’vat etilganu betaklif
kelganlar saqlab qo’ygan qurushlarini bolajujuqlariga betakalluf
sarflashar, musofir esa qo’lida bir mirisiz qaerga borishini
bilmasdan bir osmonga, bir dengizga, bir bularning orasidagi
Istambulga boqar edi. Bu alanglashni kimdir tilamchilikka
yo’ydimi musulmonona na o’z qo’liga, na musofir qo’liga
boqmasdan naqd bir kumush tangani ajrusadaqa qilib ketdi…
Musofir
birdaniga o’zo’zidan uyalib ketdi: taroqlanmagan soqollarining
tuktuk osilganigami, zax yerda yotaverishdan chaynalib ketgan
choponigami, yo atiruguloblardan xoli, ter hidi ila anqqan
mashaqqatli badanigami?… Qaerga ham borsin u endi bu bevafo
dunyoda? Ahmadtabibni u qayta vahmga solishdan qo’rqar, shoh
saroyi esa, shukrki, dabdabalarga qonib uni o’z xotiridan
ko’targan ko’rinardi. Shunda u nimani o’yladi hammomni.
Bu sovuq va isqirt dunyoda. Istambul hammomini. Va u taraf
yo’l oldi.
Beyo’g’lidagi eng ulkan hammomga yetib borganida qosh
ham qorayib qolgan, butun shaharda bayram olomoni depsab,
bulamiqqa aylantirib yuborgan qor bu yerda bokira yotar, hovlidan
fonusini ko’tarib chiqqan qorovul chol ham bayramdan foydalanib
uxlamagan uyqularini uxlayotgan ekanmi: “Bugun bayramku!”
deya g’udursingan bo’ldida, biroq fonus nurida yalt etgan
boyagi kumush tanga tamannosida alohida bir xonani qizitish
uchun o’t qalashga kirishdi. Qor zulmatida ayniqsa arzanda
bu ko’mko’k o’t chekasida qaynagan qumg’onlarga choylar damlanib
ichildi. Uzoqlarda fishiqlar osmonga uchgan uchqunlardek tovlanar,
bayram saslari ham shamol yelkasida bir unib, bir o’char edi…
Toshlar o’bdon qizib, suvlar sochilganida tun ham tushib
bo’lgan, biroq musofir uchun bu tun eng iliq, eng sokin tunlardan
bo’ldi. Sihatbaxsh
bug’lar suyaklariga yetib iliklarini eritganidan so’ng u hammom
dahlizida tushalgan ko’rpaga burkanib tilsiz uxlab qoldi.
Namozlar qazo bo’lgan, tushi ham jurmu ma’siyatga to’la
shu hammomning o’zida bir nozanin qoshida kechdi…
Sahar
esa u eshik taqqillaganidanu, qorovul cholning abadiy g’udursinishidan
uyg’onib ketdi. Endigina sokinlashgan yuragiga qutqu sanchdi.
“Nahotki yana?!” deb hayiqdi u. Ustigaustak talabgor bu
ovoz tanish edi. Jafo yetkazmagan kimni ham bilsin edi musofir
bu shaharda?.. Bu vahima ichida u qochishdek jirkanch fikrni
ham o’tkazdi xotiridan, biroq taqdirdan qochib bo’larmidi…
Bu xayollar sarosimasida xonaga ajabki, ne ko’z bilan ko’rsin
tunov kungi malikulshuaro, mudhish sadri a’zamning nadimi
Nadim kirib keldi. Uning qovoqlari osilgan, ko’zi hech narsani
ko’rmas: “SHoirni ham mahbus ketidan yuborishadimi?” deya
o’ylab ulgurmaguncha musofir, shoir kecha qizdirilgan hammom
xonasiga kirib ketdi.
Vahima
qo’yib yubordi musofirni o’z changalidan. Uning o’rnini xayol
osudaligi va hatto allanechuk o’ynoqi shavq bosdi. Bu insonni
ham ayni shu yerga boshlab kelgan kuch shavqi edi bu. Tahoratu
namozlardan so’ng ko’ngli yozilgan qorovul chol bilan
nonchoy qilib o’tirishar ekan, ko’ngil pokizaligida
shoir ham chiqib keldi.
Subhidamki o’lub diyda xobda bedor,
Hurushqa boshladi nogoh sarda dardi xumor,
Hazor
za’f ila hammomga to’g’ri azm ettim,
Kamar
kushasta parokanda ko’shai dastor.
Borib
u hol ila hammomga uftuhiyz etibon,
Etguncha
go’shai xilvatda joygohi qaror.
Ne
ko’rdim oh omon, el omon bir ofati jon,
Kelib
yonimda quyosh kabi o’ldi la’mai nisor.
Sochi
fitodasining xobi kabi pajmurda,
Nigohi
oshiqning xotiri kabi bemor…
Valek
his o’linurkim u noz parvardin
Dirunu
ichra bir andishavu bir otash bor.
Men
esa dard ila qildim fig’onki, oh ajab,
Nadir
etkan dilin ul nozparvarin ozor…
U tinimsiz pok zavqda she’r o’qir, musofir ila
chol esa bu ilhom og’ushiga botib, lol tinglashar edi. Musofir
bu kecha tushida ko’rganlarini so’zlar edi so’zmaso’z shoir
va vahmlarning eng buyugini uyg’otar edi musofir qalbida.
Nahotki bu qalb shu qadar shaffof bo’lsaki, rozi dil deganlari
har nazar tashlaganga ayon esa?! ¨ bu shoir o’zgachami?
Har holda hammomga to’nkamaysanku! Biroq shoir nainki tushni
she’rga solgan, balki bu holda, bu yerda qayta uchrashganlaridan
ham hayrat tuymasdan, go’yoki hamisha yelkada o’tirgan farishtadek,
tunovgi suhbatni uzilgan yeridan qayta boshladi. Musofir esa
tunovgi g’ulg’ulada bu yerda ham tuyqusdan eshik ochilib sadri
a’zam paydo bo’ladiyu:”Manovini olgan yeringizga eltinglar!”
deyishini gumon etgandek, qorovul cholga zimdan qarar edi.
Hah!
Endi tushundi u kimga o’xshashini bu qorovul cholning! O’t
qalashdan kul bo’lib ketgan burqa’sini demasa naqd va’ziri
a’zamning o’zi edi bu g’udurnok chol. ¨ yana taqdir o’yinlaridan
birimi bu, bular esa musofirni kalaka qilish niyatida butun
borliqni o’z o’yicha qayta ixtiroyu ixtiyor etishdimi?!
Ammo qor yoqqan tunning ertasigayoq bezahar bir quyosh
borki, boyagi she’rda aytilganidek xumor dardisarini yozuvchi
bir nozanin kabi butun dunyoni mehru shafqatga belab, pokizayu
ezgu xayollarga undaguvchi. Bu mayin quyosh ilig’ida qutqular
ham taraldi, qor ham o’zo’zidan erib, tagidan bog’langan
boychechaklardek jajji lolachalar xomush boshlarini ko’tarishdi.
“YUr, ketaylik Sadabodga!” dedi shoir birdaniga va yana
shavqi toshib:
Bir
safo baxsh etaylik, kel shu dili noshoda,
Ketaylik sarvi ravonim yuru Sadaboda.
Mana uch juft qayiq iskalada omoda,
Ketaylik sarvi ravonim yuru Sadaboda.
Kulaylik, o’ynaylik, kom olaylik dunyodan,
Mayi tasnim ichaylik chashmai nav paydodan,
Ko’raylik obi hayot oqqanini ajdarhodan,
Ketaylik sarvi ravonim yuru Sadaboda…
deya
she’r so’ylay ketdi.
Nahotki butun dunyo shoirlarning taxayyuli bo’lib, bu lo’livash
ko’chmanchi xayollarla boshqarilsa! Negami? ×unki Sadabodga
ketmaslikka irodayu ixtiyori qolmadi mehmonning, eshik tagida
bir foytun kutib turar edi shoirni, shunga o’tirishdiyu bular,
shoir qorovul cholga ko’z qisib qo’ydida, bu ro’yo davom
etdi. Va lekin musofir endilikda unga tan berib, ajib salimlik
ila istiqboliga boqar edi.
* *
*
Sadabod… Oti tillarda doston Sadabod… Ko’rfazdan tepaga Qog’ozxona
daryosi bo’ylab ketgan dara. Ikki yamyashil tog’ orasi. Va
bu o’rmonlar orasida daf’atan ko’zga tashlanuvchi yapyangi
saroy. Sadabod… Hovuz yoqasidagi ko’shku, bu ko’shk ketidan
adirlar tomon chirmashib chopgan daraxtlar. Bu boqqa go’yoki
qish kirib boqmagan, bu boqqa hattoki kuz kirib boqmagan
bahor jovidon edi bu bog’da…SHoirni bu yerda nafaqat
har kimsayu, har xodim, biroq har bir butayu, har bir gul
qutlagandek yaproqlarini yozar, anvoi lola esa yo’lak chekalaridan
boshlarini oyoq tagiga tashlagudek xam etar edi. Favvoralar
ta’zim aylar, buloqlar olqishda birbiridan oshibtoshar,
ko’shkning o’zi ham eshiklarini g’aroyib bir turda shoir yaqinlashgach
lang ocharu, u o’z mehmoni ila ostonadan hatlagach, sassiz,
unsiz yana tambalar edi.
Bo’ldimi
musofir o’sha kuni Sadabodda, yo bu bosinqirashning bir navimidi
u o’z ro’yosidan uyg’onib ketishga intilar, biroq bozboz
qaytgani mana shu sarobiy, saroiy borliq bo’lar, bundan
uning xunobi ortar, ammo bu lazzatli vasvasa shu qadar yopishqoq
ediki, musofirning unga qarshi madori qolmadi, va nihoyat
u qo’rquvlarini yengib, yana unga taslim bo’ldi.
Sulton to’yining xumorini yozganlarmi to’planibdi bu
yerda, mehmon ustiga mehmon kirib kelar: belbog’iga qilich
taqqan juhodorlaru, papoq kiygan o’g’lonlar, boshga popuk
qo’ndirgan so’loqlaru, uzuntomoq ketxudolar, xullasi negadir
nuqul askarlar yangi cherik nasroniy o’lkalardan yig’ilgan
va islom dinida undirilgan odamzot chechaklari. Bularning
mutoyibalari sard, hazillari bachkana, kulishlari qahqaha,
atvorlari betamiz bo’lar ekanmi, shoir ham o’ychan tabassumi
ichida jimib qoldi, musofir esa miq etmay, dam quturgan
askarboshilarga, dam xomush shoirga boqar edi.
O’shanda
bazm ichra: “Patrona… Patrona”, degan shivir tarqalganiniyu,
eshiklar ochilib tolorga qotmadan kelgan bir shopmo’ylov zot
kirib kelganini tuydi etining jimirlashi ila musofir. Xalil
ismli bu afandi sultoni humoyunning dengiz quvvatlari boshlig’i
bo’lib, ikki muhitu o’n dengizga mutasaddi ekan. O’z shukuhli
lavozimi uchun biroz maydaroq tuyulgan bu zot odimlarini lavozimiga
moslagandek kattakatta tashlar, uning ovozi ham kutilgandan
yo’g’onroq yangrar, go’yoki tashqi shaklushamoyili bu insonning
ichida ulkanroq mazmun qamabqamragandek edi. Dengizlardagi
shishalarda devujinlar oqib yurishining bir turida! Har
qalay majlis bo’ysundiqoldi Patronaga. Uning kesatqilari
endi yoqaga yopishtiruvchi javob topmas, pichinglari qahqaha
uyg’otmas, luqmayuistehzolari o’rtada muallaq osilib turgan
sham’fonusdek yuzlarga allaqanday qo’rquv soyasini tashlardi.
Ana
shu yerda majlisga kim kirib keldi shayxulislom Abdulloh
Afandi yetakligida boyagi hammom qorovuli…naxayr… Dusturi
akram, mushiri afham, nizomul olam, monazimul ummam, domodi
muhtaram Ibrohimposha idomullohu taollo ijlalihu va zaafa…
Ana shu yerda musofir kechimsiz vahimayu g’ulg’ulaning nafaqat
o’zida, balki majlis ahlining barida borini anglab yetgandek
bo’ldi. Hozirgina hech kimga gap bermayotgan Patrona Xalil
susibpisib qoldi. Sultoni humoyun tozilarining boshboqari
Zog’archi Darvish Mehmetu, Silohxonadan Qutichi Hoji Husaynu
boshqalar boyaginada Patronaning og’ziga qay sadoqat bilan
boqqan bo’lsalar, endi Domodning og’zidan chiqqan so’zlarga
pazirumuntazir yuzuquloqlarini topshirib, allaqaysi dunyolarda
musofirumuhojir edilar.
YUrt dag’dag’asida yurgan Ibrohimposha so’zlarini,
tabiiyki, ta’nayu tanbehlardan boshladi. Saltanat Eron
jabhasida ziyonga qadam qo’ygani, tadbirutadorik ko’rilmas
ekan, Tabrizu Nixovandlarning boy berilishi, bu payt esa arkoni
davlat safohatu isrofga botib, ayshu ishratda xotinlar ustidan
tillalar sochishiyu, bolu holva bazmlarida mana bu yerdagidek
o’tirishi saltanati usmoniyaning tagiga tez kunda suvdek yetishini
tayin bir jazavada xitob etdi.
SHunda
Patrona Xalilning jirtakisi tutib qoldimi, yo chindan ham
u o’zini arkoni davlat qatoridan hisoblar edimi: “Daryo ochsangiz
ekan, dengiz quvvatimizni Bahri Xazarga Tabriz tomon yetkazsak!”
deb qoldi… Tutaqib ketdi bu ters so’zlardan vaziri a’zam.
Og’ziga so’z ham kelmadi darg’azablikda, “Tuf!” deya tufurdi
u azbaroyi vajohatidan va tufugi borib patronaning chog’iriga
tushdi. “Baringni qamab, jazosiga ot dumiga bog’lash kerak!”
dediyu u nihoyat, shart turib, ko’shkdan tashqari chiqib
ketdi.
Bazm
buzulgan edi. Og’ir sukunatda Patrona Xalil tufuk chayqalib
turgan mayini birdaniga o’rtadagi dastarxonga sepdiyu, chog’irini
uloqtirganicha boshqa eshik tomon kattakatta odim ota g’oyib
bo’ldi…
Kim
qamaldi o’shanda yana hammaga yot musofiru, bir qancha tagtomirsiz
yangi cherik. Xayol qanotlarida bu chirkin va fitnakor dunyoni
tark etgan shoir ham himoya etolmadi o’z mehmonini. Endi otning
dumiga bog’lanishni kutish qoldi bu bevafo jahonda…
Majlisni
so’nggi tark etgan parishonxotir shoirni ham, daradan chiqqach,
so’nggi qayiq oldiyu, tungi negadir sokinlashgan ko’rfaz
bo’ylab shahar tomon ko’tarib ketdi. Osmondagi hilol ham qayiqdek
chayqalar u suzar edimi havo mavjlarida siyrak bulutlar
oralab, yo dengiz chayqalishidan hayajonlanar edimi osmon,
shoirning yuragi ikki bahr orasidagi yagona orolchadek ikkisiga
ham uyg’un: bir to’lqin bir bo’shliq aro qalqar edi. Nimalar
qilib yuribdi u adashib bu dunyoda?! ×ag’alay bo’lib
tug’ilmaydimi beifoda hayqiriqlarida uchib yuradigan, baliq
bo’lmaydimi loaqal gumligi uzra suzib yuradigan?! Yo’q, lola:
oshubi jahon, jomii jam, oshubi chaman, oftobi osmon, oroishi
jon, ishorati imon, oshuftai zamon, balotari jonon,
alomati qon, badri so’zon, dahani nolon, labolabi fig’on,
alangai ustixon lolai xazon bo’lmaydimi eng ozida?! Qofiyalar
chayqala boshlagan ongiga negadir yana bir qofiya: “hiloli
ramazon” keldiyu, shoir har yili ramazoni sharifda qorilik
qilishini ko’ngil xushligida esga oldi…
Ne kunlarni ko’rmadi shoir bu dunyoda, ahli martabaga yoshligidan
yaqin bo’ldi, keyin hech kimga beluzum qoldi, baxtki, Ibrohimposha
domodi humoyunlikka erishdi, shoirni o’zining nadimi qilib
oldi. Buning ketida shoir ne xil charog’on safarlardayu, shirinsuhan
suhbatlarda qotildi, ustlaridan necha bor tillalar sochildi.
Biroq baribir yurak tubida allaqanday bir tutib bo’lmas armon,
go’yo mana dengizda chayqalayotgan hilol shu’lasidek bosdim
deb o’ylaysanu, u esa yana oldinda jilvalanib, seni masxara
qilgandek... Tuydi dunyo nash’asini u: ne go’zallarning lola
lablaridan ichmadi u dayr sharobini, ne o’ynoqi, joduvash
hislardan mast bo’lmadi bu olamda, avliyolikdan boshqa barini
ko’rdi, bildi, yashadi u beoxirat yanglig’ dahri dunda. Takyaga
ketsamikan endi?!
Hammomu majlisdagi musofirni esladi u bexosdan. Avliyo
Bahoutdin haqida so’zlaganmidi u foytunda. “Dil ba yor, dast
ba kor”, deya. Hojatmikan unda? Bu dunyo ham yor ko’rinishlari
emasmi o’zi? Mana bu ko’rfaz sohillaridagi saroylaru yolilar,
yelkanlaru ko’priklar, mana shu go’zallar go’zali Istambul
ham uning boqiy tajalliyoti emasmi axir?! Uning masjidlariyu
mayxonalari, Sadabodda hanchalak uchgan qizlariyu, Ayubdagi
takyalarda girdi darveshlar, Galataning yuzmillat mahallalariyu,
Uskudorga o’rda qurgan shavkatli turk qo’shini… Bularnning
bari suyukli Istambul…
Ammo tanib bo’lmas bir armon misliki dengiz bo’ylab
suzuvchi shamol bexosdan cho’llarning chang hidini anqitgandek…
Tinimsiz boqishdan ko’r bo’lgan quyosh… Atrofda biron narsayu
kimsa yo’q… Abadiy jimjitlik… Qaerda ekan boyagi musofir?..
O’shanda
yettiko’laga yetkazilgan bechora musofir esa bu dunyoning
pastubalandliklaridan nolishini ham bilmasdan telba shaharda
arshi muallo ila asfalosofilin bir ekanligidan g’alati bir
dahriy ro’yo ichra g’arq bo’lishga hozir edi. U ham elaselas
shoirni eslar va bu safar toshga tushalgan poxol ustiga tashlangan
kanorda yonboshlagach, endi qaysi saroyda uyg’onishini chamalar
edi. Biroq bir marotaba yuz bergan hodisa ikkinchi kez qaytarilgach
ham, uchinchi va yo o’ninchi safar takror o’lsada bunda
hech qanday qonun yo’q ekan. Istaganingga O’zing sohib ekansan,
Parvardigorim…
Bir soatdan keyinmi, yo ertasiga, va yo bir necha yil
demasa oy o’tdimi oradan, yettiko’laga bir paytlar Sadabod
saroyiga kirib kelganidek: “Patrona Xalil, Patrona Xalil!”
degan shovqinsuron kirib keldida, zindonning temir eshiklari
lang ochildiyu, musofir o’g’riyu avliyo qatori ko’chaga haydaldi.
“Isyon! Isyon!” deb baqirib yurar edi bular orasida bir
necha dajjol. Ko’chalar ajib holga kelgan edi. Bu ashkiyoyu
yo’lto’sarlarni demasa, do’konlar yopiq, rastalar tambalangan,
uy darvozalariga halqalar tashlangan... Shipshiydam bo’lgan
shahar.
Mahbuslar
oqavasi Badastonga yetgach, tuyqusdan bularga qarshi zarbof
choponlarda yangi cherik og’asi Hasanog’a tepadan tusha:
“Ummati Muhammad, do’konlarni oching, biror narsa yo’q! Oltita
qaroqchiga quloq solasizmi? Bulardan to’rttasi qo’lga tushgan,
ikki qolgan muttahamni ham ushlaymiz!” deya baqiribchaqirar
ekan, boyagi ikki dajjol: “Bos uni!” deya, olomonni bechora
qumondon ustiga soldi. Orada kimnidir chopdimi Hasanog’a,
biroq oqavaga bas kelib bo’ladimi?!
Qaerga
ketyapti bular orasida musofir?! Axir bu olomon ichida ham
u yotu begona emasmi? Va bu oqavaning sho’rlik ko’lmaklaridan
yana yolg’iz uni suchlab, ot dumiga bog’lashmasmikan ertasi
kuni?!.. Nedan bilsin u tunovgi Boyozid hammomida Patrona
Xalilu Zog’orchi Darvesh Mehmet, Erzurumli Kichik Musliyu
Yaroqxonadan Qutichi Hoji Husaynlarning yana birikki qalang’iqasang’i
bilan to’planganiniyu, g’alayon tadorigini ko’rganini?! SHohu
Domod Uskudorda o’rdasi bilan Eronga yurish tayyorlar, va’ziri
a’zamning o’rinbosari Sadorat Qoyim Maqomi ×ubuklidagi
yozlog’ida lola tikish bilan band, qolgan ulug’ubuyuk zavq
olamlarida parishon bir paytda bu olti kishi Usmon xonavodasini
razolat botqog’idan chiqarishu, uni Domod Ibrohim iskanjasidan
qutqarish shiori ila yana o’no’n besh salaqni yo’ldan urdi,
bular borib har baloga tayyor yangi cherikni uyg’otishdi.
Ana undan keyin qamoqxonalar ochildi…
Qaydan bilsin musofir, har narsadan boxabar hammomchi
cholning o’tini o’chirmasdan shoir uyiga Beshiktoshga yugurganiniyu,
shoir uni hamono bir xodimi ila Uskudorga o’rda tomon yo’llaganini?
Ammo oyoqmaoyoq uning ketidan g’alayonchilar ham o’rdaga
yetib, o’rdaning aqlini ozdirishmadimi, shoirning xodimi esa
Domodga yetgan hammomchiniyu, o’z maxdumini sotish ila jonini
qutqarib qolmadimi?… Olomon Domodga nadimlik qilgan bu shoirning
uyi tomon tashlanganida xizmatkor jondan ham aziz tuz haqini
eslab o’z maxdumini olomondan besh daqiqa ilgariroq ogoh etmadimi?..
Boyagi
to’da ichida musofir ham chayqalib borar ekan, tomlar osha
sakrab ketayotgan bir qiyofani ko’rdiyu, olomon ham baralla:
“Ana u! Ushla uni!” deya hayqirdi. Bu ko’lka go’yoki tomdan
tomga osha osmonga yaqinlashar, allaqaerdan kelayotgan achchiq
tutun hidi esa yerdagilarning ko’zlaridan yosh sizdirib, boyagi
qochoqni bulardan tobora uzoqlashtirar va nihoyat u so’nggi
intilishida bir tomdan uzildiyu, ko’zdan g’oyib bo’ldi. Faqat
ketidan bir gala chag’alay indiyu, osmonga otildi. Olomon
ichra “Oh!” degan bir sas qalqdiyu, so’ndi… Uchdimi u banogoh
Iso nafasi yanglig’?..
Kez
o’taro’tmas olomon uchidan: “Tabib bormi? Tabib?!” degan
ovozlar tarqaldiyu, musofir dim atrofdagi mahbuslarni turtaturta
to’da boshiga ildamladi. Uni bir uyga olib kirdilar. Supada
ingrab bir kimsa yotardi. YUzlarida hali qotib ulgurmagan
qon, biroq nedurki musofirga bu qiyofada tanish ko’rindi,
alvon qonni nam paxta ila arta boshlagach ne ko’z bilan ko’rsinki
u qo’li ostida ko’zini mug’ombirona bir qisib qo’yib shoiri
Nadim yotar edi. “Menga tabib emas, tomdan yiqilganni ko’rsating,
ahvolimni undan so’ray…” deb shivirlar edi u…
Ikki hafta o’tirdi bu badan tepasida musofir. Ikki hafta
parvarish etdi bu majaqlangan tanani. Ammo ruh uchib ketgan
emasmidi chag’alaylar galasi qanotlaridayu qichqiriqlarida.
Tilga qaytmadi boshqa bu vujud…
G’alayonchilar
esa jasadsifat shoirni tinch qo’yishmas edi, go’yoki Domodi
humoyun unga bog’liqu, u o’zi bilan sadri a’zamni bejazo olib
ketgusi. Bir daf’a Beshiktoshdagi bu xonadonga Patrona Xalilning
o’zi Istambulning yangi qozisi Telba Ibrohim ila kirib kelishdi.
Shoirning o’spirin qizi Luboba ularni uzoqdan ko’rib qolib,
musofir yoniga ogoh bilan yugurdi, musofir shunda shoirni
o’sha zahotiyoq darmon ila uxlatib qo’yishga ulgurdi. Patrona,
baxtki, o’z sharmandasi shohidini tanimadi, yo’qsa musofir
ham o’z mijoziga qo’shilib bir go’r bo’larmidi?! Xalil endilikda
o’z tamannolarining cho’qqisida qo’qqayib, onchunin shukrki
oyoq ostiga ortiq boqmas edi. U ham ketdi…
Rabbiulavvalning
o’n oltinchi juma kuni musofir mijoziga ko’knor berib, uni
qizi Lubobaga topshirdiyu, o’zi jumanamoz o’qigani Jome’ masjidga
yuzlandi. Jome’ga o’sha kuni na birgina minglab musulmonlar,
balkida masjid atrofidagi maydonga bozormirasta bahonasida
Galataning yahudiyu armanisi, yunoniyu rumligi to’plangan
edi. Namoz ham o’qilib amri ma’rufga Telba Ibrohim og’iz juftladida,
imon arkonini qo’yib yuborgan, safolatu razolat botqog’iga
botgan Navshaharli kazzob Ibrohimposhaning boshiga malomatlar
yog’dira ketdi. Undan so’ng mal’un navbat sadorat qoyimmaqomi
Mustafoposha, shayxulislom Abdullohafandi, ketxudo Mehmetlarga
yetdi. “Bo’g’ilsin! Bo’g’ilsin!” deya ayyuhannos soldi salimligini
zumda yo’qotgan jamoa. Bu payt To’pqopi saroyi tarafidan aftidan
benamoz qolgan Patrona Xalil boshchiligida bir guruh suvoriy
ko’rindiyu, allakim ovozi boricha: “Ollohu Akbar!” deya
chinqira ketdi! Bular Payg’ambarimiz Muhammad Mustafo sallalohu
alayhi vassalamning shamshiriyu xirqalarini ko’tarib kelishar
edi.
Xalq jazavaga tushdi. Urto’polon boshlanib ketdi. Birov
birovni yiqitgan, har kim suvoriylar tomon talpingan, shamshirni
o’pib, ko’ziga surtmoqchi bo’lganlar qonlariga bulangan, qiyqiriq,
suron… SHunda to’satdan og’ziga karnay tutgan Telba Ibrohimqozi
jon holatda: “Ollohu akbar! Ollohu akbar!” deya qichqirdiki,
Istambul ustidan oqayotgan qora bulutlar orasidan birdaniga
sharaqlab yashin potradida olomon tindiqoldi.
SHu
onda boshqa tarafdan boshqa otlarning dukurdukuri eshitilib,
tug’lar ko’targan Sulton elchilari paydo bo’lishdi. Ikki guruh
chavandoz maydonda uchrashdiyu, bor gap olomon o’ngida yuz
berdi. Yaqinroq turganlar ketlaridagiga, bulari esa orqadagilariga
qatormaqator o’tar edi talab ketidan talab. Domod boshliq
yana o’ttiz yetti kishi musofirni shu yerda qora ter bosdi
o’sha mash’um kecha Sadabodda Patrona ila kelganlar istisno
ropparosa o’ttiz yetti kishini sanab chiqqan edi yot bekorchilikda
u isyonchilar qo’liga o’likmitirik topshirilishi lozim.
Shundagina Uchinchi Ahmad o’z taxti humoyuniga qayta biladi.
Elchilar ham qay yo’sinda kelgan bo’lishsa, shu yo’sinda ko’zdan
g’oyib bo’lishdi. Qolgan olomon esa yana ichichidan qizishib,
osmondan yashin keti quygan jalaga qaramay boyagi o’ttiz yetti
mal’unga o’lim tilar va hatto Payg’ambarimiz ashyoi shariflari
olib ketilganiga boqmay tarqalmas edi.
SHamol
kuchaydi. Rost, olomon ichida uning yulqilari bilinmas, faqat
tomlargayu, tomlarga tilinib uchayotgan bulutlarga qadalar,
biroq birdaniga qosh qorayishi bilan yomg’ir palag’palag’
qorga aylanganida shamol ham yuz tolalarga bo’linib, yuzu
yoqalarga sanchildi. Rastalarda kimdir gulxanlar qalay boshladi.
Musofir esa na turishini, na ketishini bilmay, o’z taqdiri
taraddudida edi. Beshiktoshga, murda yoniga qaytsamikan? Endi
uni tiriltira olsada, buning evaziga o’zi o’ladi. Ro’yxatlar
e’lon etilganidan so’ng endi biron kirib borgan kimsa adashmasa
kerak!
U asta jome’ hovlisidan chiqib bordi. Qor shiddat bilan
yuzquloq qilib urar, atrofdagi odamlarni demasa, Istambulga
ilk bor kelganining egizi edi bu kun, bu soat. Yana beqarorlik,
yana vahima, yana sarosima. Shamol. Shamol.
Yo’q, aziz jasaddan ko’ra tirik jon shirin ekan, na
shoirnikiga, na ilk bor qamoqqa olib ketilgan yeri Ajam
Ahmadtabibnikiga bordi musofir. Shaharni tark etishdan avval
allaqanday kuch uni yana Hoja Sofiya tomon boshladi. Qor dengizdan
yopirilib kelar, boyada gulxan yoqqanlar ham endi bu shiddat
ostida uylariga chopishar, bir zumda ko’chalar huvvillab,
maydonlarda bo’shadi. Mana shu on tosh devorga ilk kunidagidek
yaqinlashgan musofir xuddi o’sha safardagidek eshik ostida
tund qotib o’tirgan bir tilamchimidevonaga qoqildiyu, seskangan
devona hurkkan betini ochsa ne ko’z bilan ko’rsinki musofir
shoirning o’zi o’tiribdi! Tabdil qilib bunga chiqqanmi,
yo aqldan ozib bunga qochganmi, va yo mahv bo’lishning tadbirimi
bu?! So’ray desa devona sapchib o’rnidan turdiyu, so’z demasdan,
lo’kkillaganicha, o’zini qorong’ulikka urdi.
Avvaliga dong qotgan musofir bir pasyarim pasdan so’ng
uning ketidan intildi bu ko’lka fonus ostidami, deraza yorug’idami
bir paydo bo’lar, keyingi zahot esa yana qorburonu oralig’dagi
zulmatda yo’qolar edi. Istambul ko’chalari qing’ir, Istambul
so’qoqlari pastubaland, ko’p quvladi musofir bu ko’lkani,
ammo yetganicha yo’q…
Dengiz sohiliga chiqib qoldi u pirovardida. Birikki solchi
yunon endigina dengizga chiqqanlarning holiga voy aytib o’tirishgan
yerga. Bir devonasifat odamni ko’rmadingizlarmi? deb so’radi
u solchilardan. Hozirda hammamiz devonamiz, deya kulgu qilishdi
uni solchilar. Avvalgi solga yetaylik! deya u Luboba otasinning
barmog’idan yechib bergan gavhar ko’zli uzukni uzatdi solchilarga.
O’z o’limlari uchun talashgandek talashib ketishdi bu egizvashlar.
Axir biri ustun kelib musofirni soliga o’tqazdida, to’fon
turgan dengiz bo’ylab o’lim poygasini boshladi…
Hayotimi
oyoqdan boshga qaytarilar edi musofirning, yo’qsa nedan u
qo’rqinchu vahm o’rnida nechukdir shavquzavqda bu to’fonniyu,
qopqora vahshiylarcha dengizni, bu zanjiridan uzilgan itdek
shamolniyu, zanjir parchalaridek qorni pinagiga ham ilmay,
tom xayoli ila bomboshqa narsaga berilgan edi?! SHundanmi
lop! etib bulutlar orasidan ko’ringan to’lin oyning sarobiy
shu’lasida solu, undagi tanish qiyofa bir zumga ko’zga qadalib,
yana bir zumdan keyin ularning soli ham sharaqlab tosh sohilga
uloqdiyu, parchaparcha bo’lib sinsada, musofir qanday dong
qotgan bo’lsa shunday holatda sohilning sokin qumloqida o’tirardi.
Bu orolda darveshlar takyasi bor, deb aytdi tishi
tishiga tegmagan yunon. Musofir orol bo’ylab so’qmoqlar qidira
boshladi. Tun ham endi oxirlab qolgan, rost, oq ipni qora
ipdan ajratib bo’lmaydigan bir palla. Orol qoyalarini ustmaust
qalashtirgan ekan, balandroq ko’tarilganing sari avvaliga
butalar, teparoqda esa siyrak daraxt, yana bir qoya oshgach
esa haqiqiy beshalar boshlandi. Biroq yo’l faqat yuqoriga
ketaverar edi. Musofir o’rmonni kechib bo’lgach, tong ham
yorisha boshladi. Shamol tinmasdan endilikda bulutlarni osmondan
sidirar, osmon ham avvaliga olabula, so’ng esa moviyga aylandi,
bundan pastdagi tinchigan dengiz ham o’z rangini o’zgartirdi.
Takya bu orolning eng yuqori qismida gul o’langi boshlangan
yassi maydonda joylashgan bo’lib, musofir qay shijoat bilan
bu yerga qadar ko’tarilgan bo’lsa, og’ziga tiqilgan nafasi
birdaniga qo’yib yuborgach ayni shijoat bilan uning darvozasini
ochdi.
Buloqlar qaynab turgan sahnda hech kim yo’q, tepa
osmon, to’rt taraf dengiz, qolgani o’pkaga sig’mas siyrak
havo edi. U tosh va bo’sh sahnni kesib o’tar ekan, bir tur
yengillik tortdi: vahmlarning bari ortda qolgan, endi bu musaffo
osmon ostida u hech narsadan qo’rqmas va ayni shu hissiyotda
musofir tosh binoning eshigini beixtiyor ochdida, ko’rganidan
lol qoldi.
Bu kabi kichik binoga nechuk sig’gan buyuk bir dasturxon
atrofida qirqlarcha yo’q, ropparosa qirq: o’ttiz yetti
ro’yxatdagiyu, Patronayu, Domodu, Sulton Ahmadlar bularga
qo’shilib, ropparosa qirq kishi bo’lib o’tirishar edi. Musofir
bularga yukunib salom berdi. Sulton Ahmad qiyofasidagi eng
muhtaram mo’ysafid aligini olib ko’z uchida buning o’tirar
joyiga imo qildi. Musofir borib majlisga qo’shildi. O’tirishi
bilan yopilgan eshikdanmi, yo vaqtning bu yerda bejoligidanmi
oraga g’irashiralik tushdiki, musofirning yuragi bu ko’lkasimon
ruhmi, darveshmi, qiyofalar orasida biram achchiq, biram shirin
ezildiey!
Bilasizku, dunyodagi bu yolg’iz g’irashiralikni
tirik bo’lib tirikmas, o’lik bo’lib tunga aylanmagan kunni.
Osmon yoqasi yorug’likni yutganidek, yurak ham shu yorug’likka
entikadi, uni shimib, unga g’arq bo’lishga oshiqadi emasmi?!
Birov senga dushman deganini ham seva boshlamaysanmi shu on?!
Dasturxon ham dasturxon emas ekanmi bu nimshabda, sajdagoh
ekanmi, yo yer yuzini ko’rsatuvchi ko’zgumi: ana Patrona talab
qilganlardan qanchasini Sultonning o’zi bo’g’dirib, Domodi
Humoyun Ibrohimposhayu, shayxulislom Abdulloh afandini,
sadorat qoyimmaqomi Mustafoposhayu, ketxudo Mehmetlarning
jasadlarini bir aravaga orta, To’pqopi o’ngidagi maydonga
jo’natdi. Olomon bularning jasadlarini ocharoq ne ko’z bilan
ko’rsinki Navshaharli vaziri a’zamu qolganlar sunnat etilmagan
esaya! Kimdir unda hammomchi armanini tanidi, kimdir shoir
deyilganida devonani, shayxulislom murdasida esa mayxonachini
ochiqladi. Ana ko’tarildi ayuhannos! “¨lg’onchi Podshohing
o’zi kelsin! Kerakmas bizga yolg’onchi Podshoh!” deya qichqirishdi
bir og’izdan cheriklaru mahbuslar, osiylaru g’alayonchilar.
Musofir atrofiga qaradi. G’irashirada qirq darvesh
mukkasidan tushganicha xufyona zikrga berilib o’tirishar edi…
Bari: Sulton Ahmad qiyofasidagi mo’ysafid ham, uning kuyovi
Ibrohimposhaga mengzar barzangi ham, Patrona Xalil yanglig’
novcha shogird ham… Musofir yana o’rtaga boqdi.
Olomon
shu zahotiyoq bu jasadlarni otlarning dumiga bog’lagan va
saroy o’ngidagi maydon bo’ylab, tosh yopilgan ko’chalar uzra
uryon aylab choptirdi asov otlarni. Ana vorisul ulumil anbiyo
va mursalin, arkonulzamonu qutbulimon shayxulislom Abdullohafandi
toshlarda erib boryapti, ana matbaa noshiri Ibrohim Mutafriqa
betlari yulingan kitobdek ravaqravaq bo’lmoqda, mana… ana…
musofir seskanib tushdi… Biroq atrofdagi qirq darvesh qimir
etmasdan Ollohning to’qson to’qqiz husndor ismini zikr etishmoqda
edi. Musofir yana boqdi u maydonga. Ha, yanglishib bo’lmas
qiyofa uning o’zi oyoqqo’lidan bog’langan… Nahotki dunyoning
bedodligi bu qadar bo’lsa?! Nahotki olomonning telba ko’nglini
faqat shu tomosha ovutsa?! Ahli ilmu san’at, ahli ma’rifatu
ahli safo bor ekanki bu dunyoda, bularning bari kimi xochga
chormixlangan, kimining terisi shilinib unga somon tiqilgan,
kimi ot dumiga bog’langan, kimi ostirilgan, kimi bo’g’dirilgan…
Ey, olomon! deya u insonlar podasiga bumi, umi ko’zlari
bilan so’nggi bor boqqan edi, yo Parvardigor! bular orasida
vahmusarosimasiniyu zavqumaroqini berkita olmagan uning
o’zginasi turar edi…
SHunda uning bir ko’zi ot ketidan chopdi, ikkinchisi
olomonga qadaldi, miyasi esa chars etdiyu, bu ketgan darz
ichidan chiroyda misli bo’lmagan lolaqizg’aldoq unib chiqa
boshladi. U butun olamni o’z chiroyigami, qonigami, yuragining
qora dog’igami, tebranib turgan bir qatra shabnamsharobigami,
nozik navniholligigami, abadiyligigami yo bularning bariga
to’ldirar va musofir uning otini atayman deya, so’nggi nafasda:
“Olloh…”, dediyu o’z nafasiga tiqildi…
Mana shu kuylarni boshimizga solgan Borisning uyida ishlab
yotibman. “Martinang biroz tentakroqmi?” - deydi u o’z qotgan
ensasini berkitmasdan. “Yo’q”, - deyman-da, Martinaning himoyasiga
tushaman. Keyin esa bu g’iybatga cho’mishni istamasdan, yo
ozarbayjon maqomchisi Olim Qosimovni va yo o’zbek xonandasi
Munojotxonni magnitofonga qo’yib yuboraman, kel, biroz berilib
ishlaylik, - deya. “Munojoting zo’r ekan”, - deydi Boris.
“Nimaga?” - deb so’rasam, - “Oliming - umuman O’rtaer dengizi
atrofidagi san’at, - deydi u, - aziyatini ko’rsatki qilib
yuborgan, - bu degani - ko’z-ko’z qilgan demoqchi. Aksincha
sizlarda esa og’riqni ifoda etishda ham allaqanday oliyjanobligu
andisha bor”, - deydi u. Darrov topishadi-da bular!
Ana shunday, suhbat aralash ishlab yurgan kunlarimizning birida
Parijdan Borisning kelib chiqishi kelgindiyu, uylanib-netib
o’troqqa aylangan bir o’rtog’i kelib qoldi. Bu yerga kelib
qolgan barcha Sovetlarga o’xshab yomon maqtanchoq ekan. “Kuni
kecha, - deydi, - Pol Makkartni bilan gaplashgan edim: Moskvaga
borsammikan-bormasammikan deb maslahat soldi”, - deydi. Pol
Makkartnini ham gumonlarining o’rtasida unutib yuborib, qarabsizki,
yana allakimga o’tib ketdi. Lekin qanday bo’lmasin - maqtanchoqligiga
ham tasannolar - chunki oxirida - Borisga hech ta’sir ko’rsata
olmay, menga qarab: “Darvoqe’, siz O’zbekistondansiz, a?”
- deb so’rab qoldi. “Ha”, - desam, - “Parijga shu kunda Rustam
Hamdamov kelgan”, - deb qoldi. Seskanib tushdim. “Rostmi?”
- deb so’radim. “Ha-da, chin, kuni kecha u bilan uch shisha
aroqni bo’shatib bu yerga kelyapman”, - deb davom etdi o’z
ohangida u. Qolganiga quloq ham solmadimu, lekin Rustam-akaning
telefonini yozib oldim. Rustam Hamdamov haqida menga Hamid
Ismoil so’zlab bergan edi. Darvoqe’ ayni shu inson bizning
bir kitobimizda Rustam Hamdamovning Parijdagi hayoti haqida
ham yozgan. Rost, u meni esga olmaganu, lekin aytib qo’yay,
men ham o’sha yerda edim, men ham onda-sonda bularning yuksak
saviya suhbatlaridan bahramand bo’lar edim...
Hamid Ismoil esga olmagan bir hodisani aytib beray.
Bir kuni, nima ham bo’ldi-yu, mening san’atimni Laonda tanib
olgan yangi do’stlarimidan biri: “Mana, yoz ham boshlanib
qoldi, sen esa Parijda bir o’zing qolib ketding (chindan ham
keliningiz Bambergdagi do’stlarimizning sharofati oqibatida
Bamberg univesitetidan stipendiya olib u yoqqa ketib yuborgan
edi), yur, men seni bir joyga olib chiqay!” - dedi-da, Parijdan
150 kilometr shimolga qarab allaqanday aslzodalarning yoz
sayliga olib bordi. Endi bu kabi xonadonlaru, bu kabi ziyofatlarni
ko’rmaganman. O’zbek to’yi, o’zbek ziyofati deymizu, bu yerga
boyagi millionermi, va yo aslzoda ayol bir necha yuz insonni
chaqirgan, lekin bu insonlar - mahalla-kuy emas, - har biri
- alohida shaxs, har biri - ayricha nom: bunisi mashhur kinochi,
mana bunisi - mashhur kompozitor, bu yoqdagisi - artist, narigisi
- masxaraboz - xullasi - san’at ahlining bari shu yerda to’plangan.
Endi shu yer deganim ham - bir necha gektar o’rmonu dalalar,
tegirmonu daryolar, xonadonu yozloqlar - bari mana shu san’at
homiysi bo’lgan ayolga mansub.
Ana endi - har burchakda - bir san’at. Kimdir teatr qo’yib
yotibdi, kimdir musiqasini birinchi bor inson qulog’iga sozlamoqda,
kimdir - bizlarga o’xshab salaqlab yuribdi. O’sha kunlari
Parijga Muhammad Solih kelgan edi. Hamid Ismoil bilan allaqanday
SHcherbina degan shoirani qidirib ketishgan, qani endi bularning
ikkalasi bu yerda bo’lsa! Men ham bu yerda o’zimga o’zimning
SHcherbinamni topib oldim. Artist juvon, ayni payt yozuvchi
ham ekan. Endi biram go’zal-ey, xuddi shu yerlar uchun mos
bir ayol bo’lib tug’ilgandek. Boyagida kitob o’qigan shu edi-da!
U bo’ldi, bu bo’ldi, borib stol tennisi o’ynaydigan bo’ldik,
undan keyin esa qayiq suzib bir eshkakni yo’qotadigan bo’ldik.
Eshkak - yog’och emasmi, yog’och esa odatda suvda cho’kmas
edi, lekin agarda yuzlab qarab turgan insonlar orasida sharmanda
qilaman desa, yog’och eshkak ham cho’kib ketar ekan. San’atlarning
san’ati ana o’sha yagona eshkak bilan amerikalik hindular
kanoesini boshqargani kabi sohil tomon suzishimiz bo’ldi.
Mayli, aslzodalarning ziyofatidan mana shu achchiq esdalik
bilan mana shu shirin ayol qoldi. Lekin hikoyamning maqsadiga
qaytay. Parijda bir kun bu juvon bilan ko’rishadigan bo’ldik.
O’sha kuni Hamid Ismoil hali ham Muhammad Solih bilan SHcherbinani
topa olmasdan - ketidan qidirib yurishgan ekanmi, Rustam Hamdamovnikida
bir o’zim ularni kutib o’tirar edim. Ancha paytgacha kelishmadi,
shunda men uzrimni aytmoqchi bo’ldim-da, turmoqchi bo’ldim.
Aytdimki, bir ayol bilan uchrashishim kerak, ayolni mendan
xushroq ko’rdi qabilida ko’ngillari qolmasin deya: “Bekor
bo’lsangiz yuring, sizni ham olib boray”, - dedim. Aslida
san’atkorning bekor bo’lgan payti bormi? Bekorchilik deganining
o’zi ham san’at-ku! O’y o’ylaysan, rejalaringni tuzasan, qaytamga
kino olish sahnasida va yo qog’oz ustida oson - nima qilishingni
aniq bilasan - bunisi san’at emas, bunisi - kasbu-kor. San’at
esa - boyagi aytganim - ko’rinishdan hech nima qilmayotganingda
tug’iladigan narsa.
Lekin Rustam ham xo’p dedi-yu, besh minutdan keyin ikkalamiz
ko’chaga chiqdik. Shaharning markazida, Cite des arts degan
joyda turar edilar, ana u yerdan chiqib avvaliga Sena daryosini
Lotin mavze’si tomon kesib o’tdik-da, allaqaysi admiral ko’chasiga
o’tib, kelishilgan kafeda Katrinni kuta boshladik. Bir payt
Katrin ham keldi. Rustam bilan tanishtirdim. Hali ham ancha
nokomil ekanimizga amin bo’ldim. Qaysi ma’nodami? Siz o’ylagan
ma’noda emas zinhor, ayni teskarisida. Umrim bino bo’lib ayollarga
bunchalik beg’araz qaragan o’zbek erkagini ko’rmagan edim,
qaytaga Katrin - Rustamning rejissyorligini bilib olib biroz
nozu-karashma bilan yaltoqlangandek ham bo’ldi. Kafeda o’tirib
kimimiz pivo, kimimiz qahva ichdik. Parij hayoti shu - kafedan
kafegacha, boyagi aytganim kabi - turgan-bitgani - san’at.
Keyin Katrinning yana bir qisqacha uchrashuvi bor ekan, lekin
bunisi boshqa kafeda ekan, menga qo’shilib bormaysizlarmi,
- deb u ham ko’ngil uchun so’rab qoldi. “Mayli”, - deb ko’ndik
biz. Boshqa kafega ham bordik. San’atimizni yana davom ettirdik.
Katrinning bir romanida hindistonlik bir sozanda og’zi yopiq
qolgan bir pistami, bodomni o’z cho’ntagida qaytimsiz sevgisining
timsoli sifatida olib yuradi. Shulardek biz ham bir og’zimizni
ochib, bir vafodorona yopib o’tirdik boyagi joyda, keyin boyagi
yangi do’stimiz o’z uyiga taklif qilib qoldi, unga ham bordik
- Parij hayoti shunday - qaerdan boshlanadi-yu, qaerda tugaydi
- hech kim bilmaydi. Ne odamlarni uchratmadik o’sha kuni -
ikki do’stimiz ham shoira SHcherbinani qidirmasdan biz bilan
yursa bo’lmasmidi deyman. YUgurganniki emas, buyurganniki
- degan narsa Parij uchun aytilgan shekilli.
Lekin
bularning barini men boshqa narsa uchun aytyapman. Rustamning
kuni bo’yi bizlarga qo’shilib o’zbekona lo’kkillab yurganini
aytmoqchiman. Buyuk bir san’atkor, nuktadonu nafosat yaratuvchisi,
hayotining har bir daqiqasi allaqaysi kelajaklarda soniyanomalarga
kirgusi bu insonga qarab-qarab qo’yamanu - o’zim uyalib ketaman:
yonimizda lo’kkillab kelyapti. Bu lo’kkillashda esa oddiy,
xashaki, qorin qo’ygan o’zbekning tuyaga o’xshab manzil bilmay
bekorchilikdan yurishi emas, lekin allaqanday tasavvufona
tariqatga turganlik bor edi o’shanda. Shu haqda gapirmoqchi
edim men Parijning markazida, kafelardan kafelarga, ulardan
birovlarning uylariga-yu, teatrmi, kontsertlarga va yo navbatdagi
kafega o’tar chog’i... Kundalik hayot zikri…
Borisning yozloq uyini ham ta’mir qilib bo’ldik. Menga to’rt
yuzmi, besh yuzmi frank berdi u mardikor mehnatim uchun. Nomiga:
“Yo’q, qo’y”, - desam ham, ko’nmadi. G’arbda shunday ekan.
Yo’q, do’sting uchun ham kiraga mehnat qilishni aytayotganim
yo’q, aqliy mehnat jismoniysidan qimmatroq demoqchiman. Esingizdami
- yozuvchiligim uchun Laonda qancha to’lashgan edi. Mayli-da,
besh-olti tanga bo’lib tursa - shunisiga shukur qilib yuribmiz.
Poezdda Borisnikidan qaytyapman - hammayoq ko’kargan - bahorning
avji. ×o’ntakda pul, yana o’n-o’n besh kun betashvish
hayot. Bahor naqadar go’zal fasl-a dunyoda...
Parij, Parij, Parij... Ziyofatu istirohat shahri, zavqu nash’a
maskani. Og’ir hayot ham unda allanechuk yengil. Xeminguey
iborasi bilan aytganda - hamisha yoningda, qo’yningda yurgan
bayram. Boshqa bunday shahar bo’lmasa kerak dunyoda. O’z xarajatini
o’zi ko’tara biladigan shahar. Yayra, o’yna-kul, nasibang
ham shunga yarasha hamisha tayyor. Bir allaqanday professorning
uyida bo’lib qolasan - bu professor zimdan O’zbekistonni kuzatib
kelayotgan bo’lib chiqadi. Kuzatish ham u yoqda tursin - ko’zatayotgan
bo’lib chiqadi. Bu deganim, o’zbek ko’zalari obdastalarini
yig’ib yurgan havaskor bo’lib chiqadi. Ana endi o’z uyiga
taklif qilib o’sha ko’zalaru obdastalarni birma-bir senga
ko’rsatish maromida bir sharob taklif qiladiyu, bir sovutmachoq.
Keyin esa allaqanday kitoblardan o’zbek obdastalarining eng
noyobi deb sanalgan rasmga qaratib, mana mendagisi bunisidan
ham qadimiyroq ekan, Mallaxonning saroyidan saqlanib qolgan
ekan, deb yashirin jovonidan boyagi antiqa oftobami, obdastasini
olib chiqadi. Qoyil-e, deysan chin ko’ngildan. Bunaqa shaydolarning
shaydosi ketsang arziydi-da! Biz bir tiyinga ilmagan narsani
asrabdi-da, e’zozlabdi.
Ichgan sharobingdan qonlaring to’lg’onib, bir
narsalarni valjirab ketasan. Islomda ash’yo saqlash - butparastlikka
tenglashtirilsa kerak, chunki Islom - bu So’z, Kalima dini,
holbuki, nasroniylik - Amal, O’rnak dini, - deya allaqanday
nazariyalarni inkishof eta boshlaysan. Shuning uchun ham G’arb
uchun ashyoyu dalil shunchalik muhim. Sharqda esa avloddan
avlodga qoladigan narsa - sanamu butlar emas - so’zning bir
turi bo’lgan nasihat. Bu valjirashlaringni boyagi professor
yozib oladi. “Mayli, - deysan, yozing, ashyoviy dalil sifatida.
Baribir bu so’z-ku!” Ikkalamizning ham bundan ko’nglimiz chog’!
Ikkalamiz ham o’z dinlarimiz hadlarida qoldik-da!
Boshqa kuni Hamid Ismoilning tarjimalari xususida
taqriz yozgan bir adabiyotshunos - Hamid bilan egiz qadarligimizni
bilib, o’z uyiga olib ketadi. U yerda ham suhbatlarning avjida
- Hamidning o’zi yo’q ekan, Rustam shu yerda-ku, juda bo’lmaganda
u ham ziyofatdan bebahra qolmasin, - deya unga sim qoqasan
va yarim kecha deganda - zo’rlaganingga dosh berolmay u ham
bular jo’natgan taksida yetib keladi. Ana bir chekadan o’zbek
bolachalarining itlar bilan birgalikda tok soyasida qoq jazirama
kunlari yotganini chizib o’tiradi. Uzumlar shov-shov tomadi
rasmlardan, qog’ozda yo’q quyosh esa bu qog’ozni kuydirgudek
yaraqlaydi. Nimsahargi soat uch-to’rtlarda o’zbeklarga bag’ishlangan
ziyofat zo’rg’a-zo’rg’a tugaydi. Bularda yotib qolish yo’q,
shaharning allaqaysi burchaklaridan Rustam ikkimiz piyoda
tungi, aniqrog’i esa tonggi Parijni tomosha qilib ketamiz.
Bir kun esa ikkimiz Gurjistonning YUNESKOdagi kuniga mehmon
bo’lib boradigan bo’ldik. Go’rjilar ham o’zlarimizdan emasmi,
shuning uchun boshimga qaqqaytirib do’ppimni kiyib oldim-da,
YUNESKOning kontsertlar saroyiga kirib bordim. Rustamni ham
tanimagan kishi yo’q ekan chamasi - hali kelib yotishibdi,
hali, to kontsert boshlanmaguncha do’ppim hammani magnit kabi
Rustam tomon tortgandek. Kontsert ham boshlanib ketdi. Gurji
erkaklarning uchta ayol oldida oyoq terib-terib, tepib-tepib
o’ynashlari bor emasmi, qiziq, ilgari e’tibor bermagan ekanman
- shu ekanmi erkaklar qiladigan ish, - deb biram ensam qotti-ey,
lekin rost, tanaffusda gurjilar o’zining fuqaro urushiga botgan
mamlakatidan “Axasheniyu” “Kinzmarauli”, “Rkttseliyu” “TSinandali”
kabi sharoblarini keltirishgan ekan, ana ularni eski davrlar
shirin xotirasi sifatida ichib, allaqaysi yillari xotin-bolachaqa
bilan Gurjistonning ×erkas vodiysiga avtobusda chiqib
borganimizniyu, avtobusimiz pildirab-pildirab qulab ketay
deganda - bir sho’ng’ib - o’sha vodiyga yetganiniyu, jannatmakon
bu vodiyda bir kun mehmondo’stlarning mehmondo’sti gurjilarning
mehmoni bo’lganimizni eslab, yig’lagudek bo’lib o’tirdim.
Ana o’shanda boyagi oyog’ uchida kaptarsimon pildirashlarini
ham kechirdim bu xalqning.
Qizim kelgan kunni aytay.
Parij deganim - qizimga sog’inch deganini aytgan edim. Rafiqam
Olmoniyaga ketgach, biz - bir oila - uch mamlakatda yashay
boshladik. Ko’ngilning parokandaligini gapirmay qo’ya qolay.
Mayda-chuyda gaplarga chalg’ishimning boisi ham aslida mana
shu. Bir kuni esa keliningiz Olmoniyadan sim qoqib, bu yerga
Otanazar-aka kelyapti ekan, shu orqali qizimizni chaqirtirib
olishimiz mumkin, faqat unga taklifnoma jo’natish kerak, -
deb qoldi. Aslida Frantsiyadan ham bu harakatlarni qilganmiz,
buning ketida eng yaqin do’stlarimiz bilan ham ajrashib ketganmiz,
chunki ular mana shu taklifnomaga kelganida - biroz tarang
qilishgan-da! Endi esa boyagi mayda millat do’stlarim bor
emasmi, bularning boshidan asrlar osha ne balolar kechmagan
- har narsaga shay. Qushlar orasida chumchuq kabi. Ana o’shalarga
bordim. “Gap yo’q”,- deyishdi. Shu zahotiyoq allaqanday yolg’on-yashiq
bir taklifnomani yozishdi-yu, shu yerda o’ralishib qolgan
farrosh ayolga imzo chektirishib O’zbekiston Tashqi Ishlariga
jo’natishdi. Bu yog’i endi - kutish, bu yog’i - ilinj. Bu
yog’i - har kuni Otanazar-akaga sim qoqish. Yo’q, iltijolarimiz
yetdi, shekilli, qizimni Otanazar-akaning pasportiga uning
jiyani sifatida yozib qo’yishadigan bo’lishdi. Rost, bilganlar
aytishibdi, Olmoniyada olib qolayotganinglarda rosa qiynalasiz,
lekin noumid shayton. Kelaversinchi. Har bir keyingi qadamga
ishonmaymiz. Moskvaga dovur biletlar olishibdi. Yo’g’-e! G’izillab
- Opera maydonidan Moskva-Berlin degan bilet olib Moskvaga
jo’natdim. Moskvaga ham uchishadigan bo’lishdi.
Rostmi? Aldamang! O’lib qolaman-a! Uchishdi ham. Moskvaga
kelishdi ham. - Har bir qadamini men Parijdan, keliningiz
Olmoniyadan kuzatib turibmiz. Yana har bir qadamni bir-birimizga
aytib turamiz. Ishongimiz kelmaydi, qo’rqamiz.
Moskvada allaqaysi jurnalist yigitning uyida turishadigan
bo’lishdi - simini uzib yubordik. Va nihoyat, nihoyat samolyot
Berlinga qarab uchdi, - dedi bu jurnalistning xotini! Qizimiz
ham-a? Qaytib kelmadimi, axir?! Eringiz qaytdi, qizimiz uchdi?
Rostmi?! Yo’g’-e! Uchdi! Uchdi! Uchdi!
O’sha kuni irlandiyalik bir dugonam bilan bir boqqa borib
rosa shampan sharobidan ichdik. Rosa sevindi bu qiz o’z qizimning
eson-omon Berlinga yetib kelganini bilib! Keliningizning bir
maqolasini tarjima qilganida bu ilmiy maqolada ham farzand
hasrati borligini anglagan edi bu dugonamiz.
Keyin esa, keyin o’sha-o’sha Martinnikiga borib bog’chasida
bir o’zim o’tirib olib rosa hayot to’g’risida o’yladim-qayg’urdimki,
biram yuraklarim ezildiki, yozsam - qog’oz qizil rangga bo’yalsa
kerak. Buni faqat she’r ko’taradi.
Eh, o’sha bahor. Rostini aytsam butun shu romanim ana o’sha
bahordan unib chiqqan. Qizim mendan uzoqdaligida hijratning
qizil qumlarini bosa, bolalar uchun qurilgan sport maydonchasidan
“Leklerk” degan sardo’konga o’tib borar ekanman, endigina
kurtak ocha boshlagan novdalarga yuzim tegib ketib, ularning
ketidagi quyosh ko’zimga tushar edi-da, seskanib: “Iy-e, bahor
ham kelibdi-ku”, - deb ich-ichimdan junjikib ketar edim. Bolalar
bu qizil qumlarda futbol tepishlarini qiy-chuv aralash davom
etishar, men esa ellikmi-oltmish endigina topgan frankimga
hafta bozorini qilgani o’tib borar edim-da, mendan beshmi-olti
ming chaqirim uzoqdagi qizimni o’ylar edim…
|